ନୂଆଦିଲ୍ଲୀ ୨୪।୦୪: ଖୀରରେ ଝିଟିପିଟି ପଡିଲେ ଏହାକୁ ପିଇବା ଉଚିତ୍ ନୁହେଁ । କୁହାଯାଏ କି ଝିଟିପିଟି ପଡିଲେ କ୍ଷୀର ବିଷାକ୍ତ ହୋଇଯାଏ ଏବଂ ଯିଏ ଏହାକୁ ପିଏ ତାର ମୃତ୍ୟୁ ମଧ୍ୟ ହୋଇପାରେ । କଣ ଏହା ସତ ? ଆସନ୍ତୁ ଜାଣିବା...
ଡକ୍ଟରଙ୍କ ଅନୁଯାୟୀ, ଝିଟିପିଟି ପଡିଲେ କୌଣସି ବ୍ୟକ୍ତିଙ୍କର ଜୀବନ ଯାଇପାରେ ଏହା ଏକ ଭୁଲ ଧାରଣା । ଏପରି କଦାପି ହୁଏ ନାହିଁ । ଡକ୍ଟରଙ୍କ ଅନୁଯାୟୀ, କ୍ଷୀରରେ ଝିଟିପିଟି ପଡିଲେ ବିଷାକ୍ତ ହୋଇଯିବାର ଧାରଣା ମଧ୍ୟ ଭୁଲ୍ ।
ସେ କହିଛନ୍ତି କ୍ଷୀରରେ ଝିଟିପିଟି ପଡ଼ି ସ୍ବାସ୍ଥ୍ୟ ଖରାପ ହେବାର ଆଉ ଏକ କାରଣ ରହିଛି । ଝିଟିପିଟି ଅନେକ ସ୍ଥାନରେ ବୁଲନ୍ତି । ତାଙ୍କ ଶରୀରରେ ମଇଳା ଲାଗି ରହିଥାଏ । ଆଉ ଏମାନେ କ୍ଷୀରରେ ପଡିଗଲେ କ୍ଷୀର ମଧ୍ୟ ଅପରିଷ୍କାର ହୋଇଯାଏ । କ୍ଷୀର ଅପରିଷ୍କାର ଯୋଗୁଁ ପେଟ ଯନ୍ତ୍ରଣା କିମ୍ବା ଝାଡ଼ା ହୋଇପାରେ ।
କିନ୍ତୁ ଏଥିରେ କାହାର ମୃତ୍ୟୁ ହୋଇନଥାଏ । ଝିଟିପିଟି ପଡିବାରୁ କ୍ଷୀର ବିଷାକ୍ତ ହୋଇଯିବା ସମ୍ପୂର୍ଣ୍ଣ ଭୁଲ ଧାରଣା । ଏମିତିକି ଏପରି ଭାବନା ମନରେ ରହିଥିବାରୁ ଅନେକ ଲୋକଙ୍କର ମୁଣ୍ଡ ବୁଲେଇ ହୋଇଥାଏ ।
