ନୂଆଦିଲ୍ଲୀ ୦୪।୦୫: ଭୋଜପୁରୀ ଅଭିନେତ୍ରୀ ଅମୃତା ପାଣ୍ଡେଙ୍କ ପୋଷ୍ଟ ମର୍ଟମ ରିପୋର୍ଟ ସାମ୍ନାକୁ ଆସିଛି। ଏହି ରିପୋର୍ଟରେ ଅଭିନେତ୍ରୀଙ୍କ ମୃତ୍ୟୁକୁ ନେଇ ଆଶ୍ଚର୍ଯ୍ୟଜନକ ଖୁଲାସା କରାଯାଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ମୃତ୍ୟୁ ପରେ ପୋଷ୍ଟମର୍ଟମ ରିପୋର୍ଟରେ ଅମୃତା ପାଣ୍ଡେଙ୍କ ମୃତ୍ୟୁକୁ ନେଇ ଅନେକ ପ୍ରଶ୍ନ ଉଠିଛି। ତେବେ ବର୍ତ୍ତମାନ ରିପୋର୍ଟରେ ଆଉ କିଛି ସାମ୍ନାକୁ ଆସୁଛି। ଗତ ସପ୍ତାହରେ, ସନ୍ଦେହଜନକ ପରିସ୍ଥିତିରେ ଅଭିନେତ୍ରୀଙ୍କ ମୃତ୍ୟୁ ଖବର ଆସିଥିଲା। ଯାହା ସମଗ୍ର ଚଳଚ୍ଚିତ୍ର ଇଣ୍ଡଷ୍ଟ୍ରିକୁ ଆଶ୍ଚର୍ଯ୍ୟ କରିଥିଲା। ଭାଗଲପୁରର ଏକ ଆପାର୍ଟମେଣ୍ଟରେ ଅମୃତା ପାଣ୍ଡେଙ୍କ ମୃତଦେହ ଝୁଲୁଥିବା ଦେଖିବାକୁ ମିଳିଥିଲା।
ଗଣମାଧ୍ୟମର ରିପୋର୍ଟ ଅନୁଯାୟୀ, ଯେତେବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା, ସେତେବେଳେ ଏହା ଏକ ଆତ୍ମହତ୍ୟା ବୋଲି ବିବେଚନା କରାଯାଇଥିଲା। ତେବେ ପରଦିନ ଅଭିନେତ୍ରୀଙ୍କ ସ୍ୱାମୀ ଚନ୍ଦ୍ରମାନି ଭାଗଲପୁରରେ ପହଞ୍ଚିଥିଲେ ପରେ ଅମୃତା ପାଣ୍ଡେଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଥିଲା। ଅଭିନେତ୍ରୀଙ୍କ ମୃତ୍ୟୁର କାରଣ ଆତ୍ମହତ୍ୟା ବୋଲି ସ୍ୱାମୀ ଓ ପରିବାର କହିଛନ୍ତି।
ଯେତେବେଳେ ଅମୃତାଙ୍କ ମୃତ୍ୟୁ ଘଟଣାର ଅନୁସନ୍ଧାନ ପାଇଁ FSL ଦଳ ଘଟଣାସ୍ଥଳରେ ପହଞ୍ଚିଥିଲେ, ପ୍ରାଥମିକ ଅନୁସନ୍ଧାନରେ ସେମାନେ କହିଥିଲେ ଯେ ମୃତ୍ୟୁର କାରଣ ଆତ୍ମହତ୍ୟା। ପୋଷ୍ଟ ମର୍ଟମ ରିପୋର୍ଟରେ ଶବ ବ୍ୟବଚ୍ଛେଦ ପାଇଁ ପରାମର୍ଶ ଦିଆଯାଇଛି। ଯେହେତୁ ଉଭୟ ରିପୋର୍ଟ ଅଲଗା ଅଟେ । ତେଣୁ ପୋଷ୍ଟମର୍ଟମ କରିଥିବା ଡାକ୍ତରଙ୍କ ଠାରୁ ପୁନଃ ଯାଞ୍ଚ କରିବାକୁ ପୋଲିସ ଦାବି କରିଛି। ଅଭିନେତ୍ରୀଙ୍କ ସ୍ୱାମୀ ଚନ୍ଦ୍ରମାନି କହିଛନ୍ତି ଯେ ତାଙ୍କ ପତ୍ନୀ ପୂର୍ବରୁ ବି ଆତ୍ମହତ୍ୟା ଉଦ୍ୟମ କରିସାରିଛନ୍ତି। ତାଙ୍କ ପତ୍ନୀଙ୍କର ଓସିଡି ସମସ୍ୟା ରହିଛି। ସେ ଡିପ୍ରେସନରେ ଥିଲେ, ତେଣୁ ମୁମ୍ବାଇରେ ରହୁଥିବାବେଳେ ଅମୃତା ଦୁଇଥର ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ। ବର୍ତ୍ତମାନ ପୋଲିସ ଘଟଣାର ତଦନ୍ତରେ ବ୍ୟସ୍ତ ଅଛି। ପୋଷ୍ଟମର୍ଟମ ରିପୋର୍ଟ ଉପରେ ଡାକ୍ତରଙ୍କ ପୁନଃ ମତାମତ ପରେ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।