ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ କଂଗ୍ରେସକୁ ଆଉ ଏକ ବଡ଼ ଝଟକା। ଇନ୍ଦୋର ସିଟ୍ରୁ ଦଳୀୟ ପ୍ରାର୍ଥୀ ଅକ୍ଷୟ କାନ୍ତି ବମ ନିଜ ନାମାଙ୍କନ ଫେରାଇ ନେଇଛନ୍ତି।ବଡ଼କଥା ହେଉଛି, ନାମାଙ୍କନ ସମୟସୀମା ଶେଷ ହେବା କାରଣରୁ ଏବେ ଏହି ସିଟ୍ରେ କଂଗ୍ରେସ ଆଉ ଲଢ଼ିପାରିବନି । ଅକ୍ଷୟ କଂଗ୍ରେସକୁ ଝଟକା ଦେବା ପରେ ବିଜେପିରେ ସାମିଲ ହୋଇଯାଇଛନ୍ତି।
ବମ ବର୍ତ୍ତମାନର ବିଜେପି ବିଧାୟକ ରମେଶ ମଣ୍ଡୋଲାଙ୍କ ସହ ଡିସି ଅଫିସରେ ପହଞ୍ଚିଥିଲେ ଏବଂ ନିଜର ନାମାଙ୍କନ ଫେରସ୍ତ ନେଇଥିଲେ। ବମଙ୍କ ଏହି ନିଷ୍ପତ୍ତି କଂଗ୍ରେସ ପାଇଁ ଖୁବ୍ ଚକିତ କରିଛି। ବିଜେପିର ବରିଷ୍ଠ ନେତା ଏବଂ ମଧ୍ୟ ପ୍ରଦେଶର ମନ୍ତ୍ରୀ କୈଲାଶ ବିଜୟବର୍ଗୀୟ ଅଧକ୍ଷଙ୍କ ସହ ଏକ ସେଲ୍ଫୀ ସୋସିଆଲ ମିଡିଆ ପୋଷ୍ଟ ସହ କରି ବିଜେପିକୁ ତାଙ୍କୁ ସ୍ବାଗତ କରିଛନ୍ତି।
ଆହୁରି ପଢ଼ନ୍ତୁ:
ପ୍ରାର୍ଥୀ ଚୟନ ପ୍ରକ୍ରିୟାରେ ଲିଙ୍ଗଗତ ଅସମାନତା; ୨ଟି ପର୍ଯ୍ୟାୟ ନିର୍ବାଚନରେ ମାତ୍ର ୮% ମହିଳା
ସୂଚନାଯୋଗ୍ୟ, ଅକ୍ଷୟ କାନ୍ତିଙ୍କ ପୂର୍ବରୁ ସୁରଟରେ ମଧ୍ୟ କଂଗ୍ରେସ ପ୍ରାର୍ଥୀଙ୍କ ନାମାଙ୍କନ ରଦ୍ଦ ହୋଇଥିଲା। ସେଠାରେ ପରେ ଅନ୍ୟ ୮ ଆଶାୟୀଙ୍କ ତରଫରୁ ମଧ୍ୟ ନାଁ ଫେରାଇନେବା ପରେ ବିଜେପି ପ୍ରାର୍ଥୀ ନିର୍ଦ୍ବନ୍ଦ୍ବରେ ବିଜୟୀ ହୋଇଥିଲେ। ଏପ୍ରିଲ ୨୪ରେ ମଧ୍ୟପ୍ରଦେଶ କଂଗ୍ରେସ ଅଧ୍ୟକ୍ଷ ଜିଜୁ ପଟଓ୍ବାରୀ ଅଧ୍ୟକ୍ଷ କାନ୍ତି ବମଙ୍କ ନାମାଙ୍କନ ଦିନ ରାଲି କରିଥିଲେ।
