Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ୟାକେଟ କ୍ଷୀରକୁ ଯଦି ଆପଣ ଫୁଟାଇ ବ୍ୟବହାର କରୁଥାନ୍ତି ତାହେଲେ ନିଶ୍ଚୟ ପଢନ୍ତୁ ଏହି ଖବର

25/07/2019 at 12:31 PM

ବଢ଼ୁଥିବା ସହରୀକରଣ ଏବଂ କମିଯାଉଥିବା ସ୍ଥାନ କାରଣରୁ ଜଙ୍ଗଲ ହ୍ରାସ ପାଇବା ସହ ଆପାର୍ଟମେଣ୍ଟ ବଢିବାରେ ଲାଗିଛି। ଗ୍ରାମାଞ୍ଚଳରେ ଗୋଚର ଜମିର ଅଭାବ ଯୋଗୁଁ ଅଧିକାଂଶ ଲୋକେ କ୍ଷୀର ପାଇଁ ଆଉ ଗୋଶାଳା ଉପରେ ନିର୍ଭର କରୁନାହାନ୍ତି । ଲୋକେ ବଜାରରେ ମିଳୁଥିବା ପ୍ୟାକେଟ କ୍ଷୀର କିଣି ଆଣୁଛନ୍ତି। ପ୍ୟାକେଟ ବନ୍ଦ କ୍ଷୀର ପାଏଶ୍ଚରାଇଜ୍ଡ ହୋଇଥାଏ। ଏହାର ଅର୍ଥ ପ୍ରଥମେ କ୍ଷୀରକୁ ବଏଲିଂ ପଏଣ୍ଟରେ ଫୁଟାଇ ଥଣ୍ଡା କରିବା ପରେ ପ୍ୟାକେଟରେ ଭରି ଦିଆଯାଇଥାଏ। ଏହା ପରେ ଏହି କ୍ଷୀର ପ୍ୟାକେଟରେ ଭର୍ତ୍ତି କରି ମାର୍କେଟରେ ସପ୍ଲାଏ କରାଯାଇଥାଏ। ଏହାକୁ ପାଶ୍ଚରାଇଜେସନ ( କ୍ଷୀରର ଜୀବାଣୁ ନଷ୍ଟ) କୁହାଯାଇଥାଏ। ଏହା ଏଥିପାଇଁ କରାଯାଇଥାଏ କାରଣ କ୍ଷୀର ଅଧିକ ସମୟ ଯାଏଁ ଖରାପ ହେବ ନାହିଁ ଏବଂ ଏଥିରେ ବ୍ୟାକ୍ଟେରିଆ ସୃଷ୍ଟି ହେବ ନାହିଁ। କିନ୍ତୁ ଆମେ ମାର୍କେଟରେ କ୍ଷୀର କିଣିବା ପରେ ଏହାକୁ ଫୁଟାଇ ବ୍ୟବହାର କରିଥାଉ ଯାହା ଫଳରେ କ୍ଷୀର ଖରାପ ହେବ ନାହିଁ। କିନ୍ତୁ ଏପରି କରିବା କ’ଣ ଠିକ୍? ଆସନ୍ତୁ ଜାଣିବା ପ୍ୟାକେଟ କ୍ଷୀରକୁ ବ୍ୟବହାର କରିବାର ସଠିକ୍ ଉପାୟ ବିଷୟରେ

ପ୍ୟାକେଟ ବନ୍ଦ ପାଏଶ୍ଚରାଇଜ୍ଡ କ୍ଷୀରକୁ ଫୁଟାଇବାର କୈାଣସି ଆବଶ୍ୟକତା ନାହିଁ। ବାସ୍ତବରେ ଏହି କ୍ଷୀରର ପ୍ୟାକେଜିଙ୍ଗ ପୂର୍ବରୁ ହିଁ ଏହାକୁ ପାଏଶ୍ଚରାଇଜ୍ଡ କରି ବ୍ୟାକ୍ଟେରିଆ ମୁକ୍ତ କରାଯାଇଥାଏ ଯାହା ଦ୍ବାରା କ୍ଷୀର ଅନେକ ସମୟ ଯାଏଁ ରହିବ। ଏହି କ୍ଷୀରକୁ ଯେତେବେଳେ ଆପଣ ଦ୍ବିତୀୟ ଥର ଫୁଟାଉଛନ୍ତି ତେବେ ଏଥିରେ ଥିବା ପୋଷକ ତତ୍ତ୍ବ ନଷ୍ଟ ହୋଇଯାଇଥାଏ ଏବଂ କ୍ଷୀର ସେତେ ଲାଭଦାୟକ ହୁଏ ନାହିଁ ଯେତେ ପୂର୍ବରୁ ଥିଲା।

ପ୍ୟାକେଟ କ୍ଷୀରକୁ ଦୀର୍ଘ ସମୟ ଯାଏଁ ବ୍ୟବହାର ଯୋଗ୍ୟ କରି ରଖିବା ପାଇଁ ଯଦି ଆପଣ ଏହାକୁ ୪ଡିଗ୍ରୀ ତାପମାତ୍ରାରେ ରଖିବେ ତେବେ ଏହାକୁ ଏକ ସପ୍ତାହ ଯାଏଁ ବ୍ୟବହାର କରାଯାଇପାରିବ। ପ୍ୟାକେଟ କ୍ଷୀର କିଣିବା ପୂର୍ବରୁ ଧ୍ୟାନ ଦେଇ ଏହାର ପ୍ୟାକେଟରେ ଥିବା ଏକ୍ସପାୟରି ଦେଖିବା ଭୁଲନ୍ତୁ ନାହିଁ। ଏକ୍ସପାୟରି ଡେଟ୍ ପରେ ପ୍ୟାକେଟ କିଣନ୍ତୁ ନାହିଁ। ଏହା ଆପଣଙ୍କ ଶରୀର ପାଇଁ କ୍ଷତିକାରକ ହେବ।

   Related Posts