ନୂଆଦିଲ୍ଲୀ ୨୨/୦୧ : ଇଣ୍ଡିଆ Yamaha ମୋଟର ଖୁବଶୀଘ୍ର ଭାରତରେ FZ S FI ବାଇକର ନୂଆ DLX ମଡେଲ ଲଞ୍ଚ କରିବାକୁ ଯାଉଛି । ଏହି ନୂଆ ମଡେଲ ବାଇକ୍ 2022- FZS25 ହୋଇପାରେ ବୋଲି ଅନୁମାନ କରାଯାଉଛି । କିନ୍ତୁ ଏ ନେଇ କମ୍ପାନୀ ପକ୍ଷରୁ ବର୍ତ୍ତମାନ ସୁଦ୍ଧା କୌଣସି ଅଧିକାରୀକ ସୂଚନା ଦିଆଯାଇ ନାହିଁ ।
ୟାମାହା FZ Sର ନୂଆ ବାଇକ ସ୍ପୋର୍ଟସ ଲୁକ୍ ସହ ବଜାର ପ୍ରବେଶ କରିପାରେ । ନୂଆ ରଙ୍ଗ ସହ ଏହି ବାଇକ୍ର ଫିଚର୍ସରେ ମଧ୍ୟ ଅନେକ ପରିବର୍ତ୍ତନ ଦେଖିବାକୁ ମିଳିବ । FZ S FI ଭଳି ଏହାର ମଧ୍ୟ ସେହି ଡିଜାଇନ୍ ରହିବ କିନ୍ତୁ ବାଇକ୍ରେ 250cc ସିଙ୍ଗଲ ସିଲିଣ୍ଡର ଇଞ୍ଜିନ ରହିବା ନେଇ ଜଣାପଡିଛି । ଯାହାକି 20bhp ପାଓ୍ବାର ଏବଂ 20.1Nm ପିକ୍ ଷ୍ଟାର୍ଟ ଜେନେରେଟ୍ କରିବାର କ୍ଷମତା ରଖିବ ।
ଏହାର ଦାମ କଥା କହିବାକୁ ଗଲେ, ବର୍ତ୍ତମାନ ବଜାରରେ ଯେଉଁ ମଡେଲ ଉପଲବ୍ଧ ଅଛି ତାହାର ଏକ୍ସ-ସୋରୁମ୍ ମୂଲ୍ୟ ପ୍ରାୟ ୧.୪୩ ଲକ୍ଷ ଟଙ୍କା ରହିଛି । ତେବେ ବଜାର ପ୍ରବେଶ କରିବାକୁ ଯାଉଥିବା ନୂଆ ମଡେଲ ବାଇକର ଦାମ୍ ବର୍ତ୍ତମାନର ଦାମ ଠାରୁ ସାମାନ୍ୟ ଅଧିକ ରହିପାରେ । FZ S FI ମଡେଲ୍ ବାଇକ ବର୍ତ୍ତମାନ ବଜାଜ୍ ଡୋମିନାର 250, ବଜାଜ୍ ପଲସର F250 ଏବଂ ସୁଜୁକି ଜିକ୍ସର 250 ସହ ପ୍ରତିଯୋଗିତା କରୁଛି । ତେବେ ନୂଆ ମଡେଲ FZ S FI ବାଇକର ନୂଆ DLX ଫିଚର୍ସରେ ପରିବର୍ତ୍ତନ କରାଯିବ । ଯେଉଁଥିରେ ଫୁଲ୍ LED ଲାଇଟିଂ, LED କନସୋଲ୍ ଏବଂ ଡୁଆଲ୍ ଚ୍ୟାନେଲ ଏବିଏସ୍ ସାମିଲ ହୋଇପାରେ ।
ୟାମାହା R-15, ପଲସର ଏଫ୍-୨୫୦ ଏବଂ ଜିକ୍ସର ୨୫୦ ର ଦମଦାର ଲୁକ୍ ପାଇଁ ଭାରତରେ ବେଶ ଲୋକପ୍ରିୟ ହୋଇଛନ୍ତି । ଏହା ସହିତ ସ୍ପୋର୍ଟସ୍ ବାଇକ୍ ହୋଇଥିବାରୁ ଯୁବ ପିଢିଙ୍କ ପ୍ରଥମ ପସନ୍ଦ ଏହି ବାଇକ୍ ହିଁ ରହୁଛି । ବିଶେଷ କରି ଜିକ୍ସର-୨୫୦ର ଦାମ ପଲସର ଏବଂ ୟାମାହା ତୁଳନାରେ କମ ଥିବାରୁ ଏହା ମଧ୍ୟ ବେଶ ସୁହାଉଛି । ଏବେ Yamaha ମୋଟର FZ S FI ବାଇକର ନୂଆ DLX ମଡେଲ 2022-FZS25 ଲଞ୍ଚ କରିବାକୁ ଯାଉଥିବାରୁ ତାହା ମଧ୍ୟ ବେଶ ଲୋକପ୍ରିୟ ତଥା ଯୁବପିଢି ପସନ୍ଦ ହେବ ବୋଲି ଅନୁମାନ କରାଯାଉଛି।
