Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||
  • ସୁବର୍ଣ୍ଣପୁର : ମା’ ସୁରେଶ୍ଵରୀ ମନ୍ଦିରରୁ ଚୋରି ଘଟଣା : କାର୍ଯ୍ୟରେ ଅବହେଳା ପାଇଁ ୩ ପୋଲିସ କର୍ମଚାରୀ ସସ୍‌ପେଣ୍ଡ
  • ||
  • ଖଲ୍ଲିକୋଟ : ଜମିଜମା ବିବାଦକୁ କେନ୍ଦ୍ରକରି ଗାଁରୁ ବାସନ୍ଦ, ନ୍ୟାୟ ଦାବିରେ ଜିଲ୍ଲାପାଳ ଅଫିସ୍ ସମ୍ମୁଖରେ ଆମରଣ ଅନଶନରେ ବସିଲେ ବୃଦ୍ଧ ଦମ୍ପତ୍ତି
  • ||
  • ଭୁବନେଶ୍ବର : ଦରଦାମ୍ ବୃଦ୍ଧି ପ୍ରତିବାଦ ସହ ବିଭିନ୍ନ ପ୍ରସଙ୍ଗକୁ ନେଇ ରାଜଭବନ ସମ୍ମୁଖରେ ବିଜେଡିର ଧାରଣା
  • ||
  • ଭୁବନେଶ୍ବର : ବିଧାନସଭା ଶୀତକାଳୀନ ଅଧିବେଶନ : ଶୋକ ପ୍ରସ୍ତାବ ଆଗତ କଲେ ମୁଖ୍ୟମନ୍ତ୍ରୀ
  • ||
  • ଧର୍ମଗଡ : ଝୁଲନ୍ତା ଅବସ୍ଥାରେ ମିଳିଲା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||

ବିବାହ ଅନୁଦାନ ଲାଗି ସ୍ୱାମୀଙ୍କୁ ଧୋକା ଦେଲେ ମହିଳା, ମୁଖ୍ୟମନ୍ତ୍ରୀଙ୍କ ବିବାହୋତ୍ସବରେ ପ୍ରେମିକଙ୍କୁ କଲେ ବିବାହ

30/11/2019 at 4:05 PM

ପିଲୀଭୀତ: ସରକାରୀ ବିବାହ ଅନୁଦାନ ଲୋଭରେ ଜଣେ ବିବାହିତ ମହିଳା ତାଙ୍କ ସ୍ୱାମୀଙ୍କୁ ଧୋକା ଦେଇଛନ୍ତି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କ ଉପସ୍ଥିତିରେ ଅନୁଷ୍ଠିତ ‘ମୁଖ୍ୟମନ୍ତ୍ରୀ ସାମୂହିକ ବିବାହ ଯୋଜନା’ରେ  ମହିଳା ତାଙ୍କ ପ୍ରେମିକଙ୍କୁ ବିବାହ କରିଛନ୍ତି । ଏ ନେଇ ମହିଳାଙ୍କ ଶାଶୂ ସରକାରୀ ଅଧିକାରୀଙ୍କ ନିକଟରେ ଅଭିଯୋଗ କରିବା ପରେ ଘଟଣା ଉପରୁ ପର୍ଦ୍ଦା ହଟିଛି। ଯାହା ଏବେ ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି।

ଘଟଣା ଜଣାପଡିବା ପରେ କଲ୍ୟାଣପୁର ପଞ୍ଚାୟତ ଏଡିଓ ବ୍ରୁଜେଶ କୁମାରଙ୍କୁ ସମାଜ କଲ୍ୟାଣ ଅଧିକାରୀ ତୁରନ୍ତ ବଦଳି କରିଦେଇଥିବା ବେଳେ ସିଡିଓ ମାମଲାର ପୋଲିସ ଏତଲା ଲାଗି ନିର୍ଦ୍ଦେଶ ଦେଇଛନ୍ତି। ସୂଚନା ଯୋଗ୍ୟଯେ ମୁଖ୍ୟମନ୍ତ୍ରୀ ସାମୂହିକ ବିବାହ ଯୋଜନାରେ ଗତ ନଭେମ୍ବର ୧୪ ତାରିଖ ଦିନ ବିଲସଣ୍ଡା ବ୍ଲକରେ ୫୨୫ ଜୋଡା ଦମ୍ପତ୍ତିଙ୍କ ବିବାହ କରାଯାଇଥିଲା। ନବବିବାହିତଙ୍କୁ ଆଶିର୍ବାଦ କରିବାକୁ ନିଜେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ନୁରପୁର ଗାଁକୁ ଆସିଥିଲେ। ଏଥିରେ ସୁଶୀଳା ଦେବୀ ନାମ୍ନୀ ଜନୈକା ବିବାହିତ ମହିଳା ମଧ୍ୟ ତାଙ୍କ ପ୍ରେମିକଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥିଲେ।

ସୁଶୀଳା ପୂର୍ବରୁ ପିଲଭୀତ ସିଭିଲ ଲାଇନ ନିବାସୀ ମୋହିତଙ୍କୁ ବିବାହ କରିଥିଲେ। ୬ ମାସ ପୂର୍ବେ ତାଙ୍କର ବିବାହ ହୋଇଥିଲା। ତେବେ ସେ ଗଣ ବିବାହ ଉତ୍ସବରେ ବିବାହ କରିଥିବା ତାଙ୍କ ଶାଶୂ ଶାନ୍ତି ଦେବୀ ସରକାରୀ ବାବୁମାନଙ୍କ ନିକଟରେ ଅଭିଯୋଗ କରିଛନ୍ତି।  ବିବାହ ଲାଗି ସୁଶୀଳା ପ୍ରସ୍ତୁତ କରିଥିବା ଆବେଦନରେ ତାଙ୍କର ପ୍ରଥମ ସ୍ୱାମୀ ମୋହିତଙ୍କ ନାମ ଠିକଣା ଆଦି ପୂରଣ କରିଛନ୍ତି। ହେଲେ ବିବାହ ମଣ୍ଡପରେ ପ୍ରେମିକଙ୍କ ସହ ୭ ଘେରା ନେଇଥିବା ଅଭିଯୋଗ କରିଛନ୍ତି ଶାଶୂ। 

ମହିଳାଙ୍କ ଶାଶୁ କରିଥିବା ଅଭିଯୋଗ ଅନୁସାରେ କିଛି ଦିନ ପୂର୍ବେ ମହିଳା ତାଙ୍କ ପିତ୍ରାଳୟକୁ ଆସିଥିଲେ। ସେଠାରେ ଅବସ୍ଥାନ କରୁଥିବା ବେଳେ ସେ ସାମୂହିକ ବିବାହରେ ଯୋଗଦେଇଥିଲେ । ସରକାରୀ ଯୋଜନାରେ ସାମୂହିକ ବିବାହରେ ବିବାହ କରିଥିବା ମହିଳାଙ୍କୁ ସରକାର ୫୧ ହଜାର ଟଙ୍କା ନଗଦ ସହାୟତା ପ୍ରଦାନ କରୁଛନ୍ତି। ଏଣୁ ଅର୍ଥ ଲୋଭରେ ମହିଳା ଏଭଳି କରିଥିବା ତାଙ୍କୁ ଶାଶୂ ଅଭିଯୋଗ କରିଛନ୍ତି।

   Related Posts