Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

କୋହଲିଙ୍କୁ ଡବଲ୍ ଝଟକା : ପଞ୍ଜାବ ବିପକ୍ଷ ମ୍ୟାଚ୍ ହାରିଲେ, ଏବେ ଗଣିବେ ୧୨ ଲକ୍ଷ ଫାଇନ୍

25/09/2020 at 2:13 PM

ଦୁବାଇ, ୨୫।୦୯:  ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଅଧିନାୟକ ବିରାଟ କୋହଲିଙ୍କୁ ଆଇପିଏଲରେ ଆରମ୍ଭରୁ ଡବଲ ଝଟକା ଲାଗିଛି । ଗୁରୁବାର ଆରସିବି ନିଜ ବିଫଳତା ପାଇଁ ପଞ୍ଜାବଠୁ ଶୋଚନୀୟ ଭାବେ ପରାସ୍ତ ହୋଇଛି । ଏବେ ବିରାଟଙ୍କ ଉପରେ ଜରିମାନା ଲାଗିଛି ।

କିଙ୍ଗସ୍ ଏକାଦଶ ପଞ୍ଜାବ ବିପକ୍ଷ ମ୍ୟାଚରେ ଧିମା ବୋଲିଂ ପାଇଁ ବିରାଟଙ୍କ ଉପରେ ୧୨ ଲକ୍ଷର ଜରିମାନା ଲାଗିଛି । ଏହି ମୁକାବିଲାରେ ବାଙ୍ଗାଲୋର ୯୭ ରନରେ ପରାସ୍ତ ହୋଇଛି । କୋହଲି ପଞ୍ଜାବ ବିପକ୍ଷ ମ୍ୟାଚରେ ଫିଲ୍ଡିଂ ଓ ବ୍ୟାଟିଂରେ ଫେଲ୍ ମାରିଥିଲେ ।

ଆଇପିଏଲର ବିଜ୍ଞପ୍ତି ଅନୁସାରେ, ସର୍ବନିମ୍ନ ଧିମା ଓଭର ସମ୍ବନ୍ଧିତ ଆଚାର ସଂହିତା ଅନୁସାରେ ବାଙ୍ଗାଲୋର ନିୟମ ଉଲଙ୍ଘନ କରିଛି । କୋହଲିଙ୍କ ଉପରେ ୧୨ ଲକ୍ଷର ଜରିମାନା ଲାଗିଛି ।

ଏହି ମ୍ୟାଚରେ ବିରାଟ କୋହଲିଙ୍କ ବାଙ୍ଗାଲୋରକୁ ପଞ୍ଜାବ ପରାସ୍ତ କରିଛି । ମ୍ୟାଚର୍ ହିରୋ ଥିଲେ କେଏଲ ରାହୁଲ । ବିସ୍ଫୋରକ ଶତକୀୟ ଇନିଂସ ଖେଳିବା ସହ ପଡିଆର ସବୁ ଦିଗକୁ ସଟ୍ ମାରିଥିଲେ । ଲାଗୁଥିଲା ଯେପରି କେଏଲ ରାହୁଲଙ୍କ ବ୍ୟାଟ୍‌ରେ ଯାଦୁ ଅଛି । କେଏଲ ରାହୁଲଙ୍କ ବ୍ୟାଟିଂ ଆଗରେ କୋହଲିଙ୍କ ସମେତ ବାଙ୍ଗାଲୋର ଖେଳାଳି ନିରୁପାୟ ହୋଇଯାଇଥିଲେ ।

ପଞ୍ଜାବ ପ୍ରଥମେ ବ୍ୟାଟିଂ କରି ୨୦୬ ରନର ବିଶାଳ ସ୍କୋର କରିଥିଲା । ଏହାର ଜବାବରେ ବିରାଟଙ୍କ ଆରସିବି ଆରମ୍ଭରୁ ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା । ଦଳର କୌଣସି ଖେଳାଳି ବଡ ସ୍କୋର କରିପାରିନଥିଲେ । ଦଳ ମାତ୍ର ୧୦୯ ରନରେ ଅଟକି ଯାଇଥିଲା ।

   Related Posts