Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ଏକ ଫୁଲ୍‌ ଦୋ ମାଲି : ମୋର ହେବନି କି-ତୁ ବି ପାଇବୁନି, ସାଙ୍ଗ ଉପରେ ଏସିଡ୍‌ ଢାଳି ଦେଲା ସାଙ୍ଗ

28/05/2020 at 8:59 AM

ବ୍ରହ୍ମପୁର ୨୮।୦୫: ତୁ କେବଳ ମୋ ପାଇଁ, ମୋର ଯଦି ହେବୁନାହିଁ , ତୁ କାହାର ହେବୁନାହିଁ । ଗଞ୍ଜାମ ଜିଲ୍ଲାରେ ଏଭଳି ଏକ ଘଟଣା ଘଟିଛି ଯାହା ଉକ୍ତଟି ସହ ପୂରା ସମାନ ଭଳି ମନେ ହେଉଛି । ଜଣେ ଯୁବତୀଙ୍କ ପାଇଁ ଦୁଇଜଣ ବନ୍ଧୁ ପାଗଳ । ତାହା ପୁଣି ପରିଣତ ବୟସରେ । ଯୁବତୀଙ୍କ ପାଇଁ ଶେଷରେ ଦୁଇଜଣ ବନ୍ଧୁଙ୍କ ଭିତରେ ଗଣ୍ଡଗୋଳ । ଜଣେ ବନ୍ଧୁ ଉପରେ ଆଉ ଜଣେ ଏସିଡ୍‌ ମାଡ଼ କରିଛି । ଏଭଳି ଅଭାବନୀୟ ଘଟଣା ବ୍ରହ୍ମପୁର ବୈଦ୍ୟନାଥପୁର ଥାନା ଅଞ୍ଚଳରେ ଦେଖିବାକୁ ମିଳିଛି । ଏସିଡ୍‌ ମାଡ଼ରେ ଆହତ ହୋଇଛନ୍ତି ଗଜପତି ନଗର ବାସିନ୍ଦା ଲିଙ୍ଗରାଜ ସାହାଣୀ (୫୫) । ଏହି ମାମଲାରେ ତାଙ୍କ ସାଙ୍ଗ ଗୋସାଇଁ ନୂଆଗାଁର ବିଶ୍ୱଜିତ ନନ୍ଦ (୫୪)ଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା କହିଛନ୍ତି ବୈଦ୍ୟନାଥପୁର ଥାନା ଆଇଆଇସି ଶାରଦା ପ୍ରସନ୍ନ ଦାଶ।

ଆଇଆଇସିଙ୍କ କହିବାନୁସାରେ ଲିଙ୍ଗରାଜ ଓ ବିଶ୍ୱଜିତ୍‌ ପିଲାବେଳରୁ ସାଙ୍ଗ । ଏବେ ମଧ୍ୟ ତାଙ୍କ ଭିତରେ ବନ୍ଧୁତା ରହିଥିଲା। ପରିଣତ ବୟସରେ ଲିଙ୍ଗରାଜଙ୍କ ସହ ସଦର ଥାନା ଅଞ୍ଚଳର ଜଣେ ଯୁବତୀଙ୍କ ପ୍ରେମ ହୋଇଯାଇଥିଲା । ପରେ ତାଙ୍କ ସହ ସେ ସମ୍ପର୍କରେ ଆସିଥିଲେ । ଲିଙ୍ଗରାଜ ଏ ସମ୍ପର୍କରେ ବିଶ୍ୱଜିତ୍‌ଙ୍କୁ କହିଥିଲେ ଏବଂ କିଛି ଦିନ ପରେ ବିଶ୍ୱଜିତ୍‌ ମଧ୍ୟ ସେହି ଝିଅର ସମ୍ପର୍କରେ ଆସିଥିଲେ । ପରେ ଉଭୟଙ୍କ ସମ୍ପର୍କ ନିବିଡ଼ ହୋଇଥିଲା । ଲିଙ୍ଗରାଜ ଏହା ଜାଣିବା ପରେ ଦୁଇ ବନ୍ଧୁଙ୍କ ଭିତରେ ମନୋମାଳିନ୍ୟ ହୋଇଥିଲା ।

କିନ୍ତୁ ଲିଙ୍ଗରାଜ ଓ ବିଶ୍ୱଜିତ୍‌ ଅଲଗା ସମୟରେ ଯୁବତୀଙ୍କ ପାଖକୁ ଯାଉଥିଲେ । ଲିଙ୍ଗରାଜ ଏହି କଥାକୁ ସହଜରେ ଗ୍ରହଣ କରୁନଥିଲେ । ସେ ବିଶ୍ୱଜିତ୍‌ଙ୍କ ଶାଳକଙ୍କୁ ମଧ୍ୟ ଏ ସମ୍ପର୍କରେ ଜଣାଇଦେଇଥିଲେ । ମଙ୍ଗଳବାର ଲିଙ୍ଗରାଜ ଏମ୍‌କେସିଜି ମେଡିକାଲ କ୍ୟାମ୍ପସ୍‌କୁ ବିଶ୍ୱଜିତ୍‌କୁ ଡାକିଥିଲେ । ବିଶ୍ୱଜିତ୍‌ ଆସିବା ପରେ ଉଭୟଙ୍କ ଭିତରେ ବେଶ କିଛି ସମୟ ପାଟିତୁଣ୍ଡ ଚାଲିଥିଲା । ପରେ ବିଶ୍ୱଜିତ୍‌ ଆଣିଥିବା ଏସିଡ୍‌ ଲିଙ୍ଗରାଜଙ୍କ ଉପରକୁ ଫୋପାଡି ଦେଇଥିଲେ । ଲିଙ୍ଗରାଜଙ୍କୁ ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି ଏବଂ ତାଙ୍କ ଏତଲା ପ୍ରକାରେ ବୈଦ୍ୟନାଥପୁର ଥାନାରେ ମାମଲା ରୁଜୁ ହୋଇଛି । ବିଶ୍ୱଜିତ୍‌ ନନ୍ଦଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି । ଜାମିନ୍‌ ନାମଞ୍ଜୁର ହେବାରୁ ତାଙ୍କୁ ଜେଲ୍‌ ହାଜତକୁ ପଠାଇ ଦିଆଯାଇଥିବା ସୂଚନା ମିଳିଛି ।

   Related Posts