ସାନଖେମୁଣ୍ଡି,୧୧/୪ : ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ ଜରଡାଥାନା ଅନ୍ତର୍ଗତ ପାଞ୍ଚଆମ୍ବ ଗାଁ ଶିବ ମନ୍ଦିର ନିକଟରେ ଦୁର୍ଘଟଣା । ଟ୍ରାକ୍ଟରର ଚକା ଫାଟିଯିବାକୁ ଏହା ଦୁର୍ଘଟଣାଗ୍ରସ୍ତ ହୋଇଛି । ଫଳରେ ୨ ଜଣ ପ୍ରାଣ ହରାଇଛନ୍ତି ।
ସୂଚନାନୁସାରେ, ତୁମ୍ବା ପଞ୍ଚାୟତ ଠଣା ଗାଁର ପ୍ରାୟ ୨୦ ଜଣ ପିଡ଼ିଏସ ଚାଉଳ ରାସନ ଆଣିବା ପାଇଁ ଏକ ଟ୍ରାକ୍ଟରରେ ଯାଇଥିଲେ ।ଫେରିଲାବେଳେ ଟ୍ରାକ୍ଟର ଡାଲାଟି ହାଇଡ୍ରୋଲିକ୍ ହୋଇଥିବାରୁ ଓଲଟି ପଡି ଦୁର୍ଘଟଣା ଘଟିଥିଲା । ଏଥିରେ ୨ଜଣ ମୃତ୍ୟୁବରଣ କରିଥିବା ବେଳେ ୧୦ ଜଣ ଗୁରୁତର ହୋଇଛନ୍ତି । ମୃତକ ଦ୍ୱୟ ହେଲେ ମଙ୍ଗଳା ପ୍ରଧାନ ଓ ସୀତା ।
ଏହି ଦୁର୍ଘଟଣା ଜରଡା ଥାନା ଠାରୁ ମାତ୍ର ୨କିମି ଦୂରରେ ଘଟିଛି । ପୋଲିସ ପହଂଚି ଆହତ ଓ ଗୁରୁତରଙ୍କୁ ପାତ୍ରପୁର ମେଡ଼ିକାଲକୁ ସ୍ଥାନାନ୍ତର କରିଛି । ସେପଟେ ଟ୍ରାକ୍ଟର ଡ୍ରାଇଭର ଫେରାର ହୋଇ ଯାଇଥିବା ସୂଚନା ମିଳିଛି ।