Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ୪୧ ବର୍ଷ ପରେ କ୍ଵାର୍ଟର ଫାଇନାଲ୍‌ରେ ଭାରତୀୟ ମହିଳା ହକି ଦଳ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୯୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ଡିସଚାର୍ଜ, ଜାଣନ୍ତୁ କେଉଁ ଜିଲ୍ଲାରୁ କେତେ ସୁସ୍ଥ
  • ||
  • ଭୁବନେଶ୍ବରରୁ ଦିନକରେ ୩୫୪ କରୋନା ଆକ୍ରାନ୍ତ ଚିହ୍ନଟ, ୨୩୯ ସୁସ୍ଥ
  • ||
  • ଭାରତ-ଚୀନ ମଧ୍ୟରେ ଥମିବ କି ବିବାଦ ! ୯ ଘଣ୍ଟା ଧରି ଚାଲିଲା ୧୨ତମ ବୈଠକ, ଗୋଗରା-ହଟ୍ ସ୍ପ୍ରିଙ୍ଗରୁ ସୈନ୍ୟ ପ୍ରତ୍ୟାହାର ଉପରେ ଜୋର
  • ||
  • ଜେଲ୍‌ ଗଲେ କୋଟିପତି ପିଏସ୍‌ ବିରଞ୍ଚି ସାହୁ
  • ||
  • ସେମି ଫାଇନାଲରେ ହାରିଲେ ସିନ୍ଧୁ, ଧୂଳିସାତ ହେଲା ସ୍ଵର୍ଣ୍ଣ ପଦକ ଆଶା, ଏବେ କାଂସ୍ୟ ଉପରେ ନଜର
  • ||
  • ସରକାରୀ-ବେସରକାରୀ ସ୍ବିମିଂ ପୁଲ ଖୋଲିବ
  • ||
  • ମୀନା ବଜାର ଖୋଲାଯାଇପାରିବ
  • ||
  • ଭୋଜିଭାତ ଉପରେ ପୂର୍ବବତ କଟକଣା ରହିବ
  • ||
  • ବିବାହରେ ୨୫, ଶୁଦ୍ଧିକ୍ରିୟାରେ ୨୦ ଜଣଙ୍କୁ ଅନୁମତି
  • ||

ମାଛ ଧରା କଳିରୁ ଠାକୁର ବନ୍ଦୀ: ୨୭୦ ବର୍ଷର ପୂରାତନ ବଳଦେବଜୀଉ ମନ୍ଦିରରେ ୮ ଦିନ ହେଲା ନୀତିକାନ୍ତି ବନ୍ଦ

11/08/2020 at 7:00 PM

ନୀଳଗିରି୧୧/୮:  ଐତିହାସିକ ବଳଦେବଜୀଉ ଜୀଉ ମନ୍ଦିରରେ ୮ ଦିନ ଧରି ଝୁଲୁଛି ତାଲା। ହିନ୍ଦୁ ଧର୍ମପ୍ରତି କୁଠାରାଘାତ ହେଉଥିବାରୁ ଘଟଣାକୁ ନେଇ ଗାଁରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଛି। ମନ୍ଦିର ପୋଖରୀରେ ମାଛ ଧରା ବାରଣକୁ ନେଇ ସେହି ଗାଁର ଜଣେ ବ୍ୟକ୍ତି ବଳଦେବ ମନ୍ଦିର ତାଲା ଝୁଲାଇଥିବା ବେଳେ ସ୍ଥାନୀୟ ପ୍ରଶାସନ ହାତ ଉପରେ ହାତ ଦେଇ ବସିଛି। ବାଲେଶ୍ଵର ଜିଲ୍ଲା ନୀଳଗିରି ଉପଖଣ୍ଡ କାଣ୍ଡଗରଡ଼ିହି ପଞ୍ଚାୟତ ମୁକୁନ୍ଦପୁର ଗ୍ରାମରେ ଐତିହାସିକ ବଳଦେବଜୀଉ ମନ୍ଦିର ରହିଛି। ୧୭୫୦ ମସିହା ତତ୍କାଳୀନ ରାଜା ରାମଚନ୍ଦ୍ର ମର୍ଦରାଜ ହରିଚନ୍ଦନ ନୀଳଗିରି ରାଜବାଟି ସ୍ଥାପନ ବେଳେ ମୁକୁନ୍ଦପୁରରେ ବଳଦେବଜୀଉ ମନ୍ଦିର ସ୍ଥାପନ କରିଥିଲେ।

ସେହିଦିନ ଠାରୁ ରୀତିନୀତିରେ ତିନିଠାକୁର ପୂଜା ପାଇ ଆସୁଛନ୍ତି। ମନ୍ଦିର ପରିଚାଳନା ଦାୟିତ୍ୱ ନୀଳଗିରି ଠାକୁର ମାହାଲ ନେଇଛି। ମନ୍ଦିର ପୂଜକ ଭାବେ ଏବେ କମଳାକାନ୍ତ ଦାଶ ପୂଜା କରିଆସୁଛନ୍ତି। ତାଙ୍କର ପୂର୍ବ ପୁରୁଷମାନେ ଏହି ମନ୍ଦିରରେ ପୂଜା କରୁଥିବା ବେଳେ ସେ କିଛି ଜମି ଚାଷ କରିଥାନ୍ତି। ହେଲେ କୌଣସି କାରଣ ନଥାଇ ତାଙ୍କୁ ସେହି ଗ୍ରାମର ମନ୍ଦିର କଥା ବୁଝାବୁଝି କରୁଥିବାର ଦାବି କରୁଥିବା ଯୋଗାନନ୍ଦ ଦାଶ ତାଙ୍କୁ ମନ୍ଦିର ଆସିବାକୁ ମନା କରିଥିଲେ। ଏପରି କି  ଚାଷ ଜମିକୁ ନେଇ ଏକ ଗାଡ଼ିଆ ଖୋଳିଥିବାର ଅଭିଯୋଗ ଉଠିଛି। ଗତ ୪ ତାରିଖରେ ଠାକୁର ମାହାଲ ଅଧିନରେ ଥିବା ଏକ ପୋଖରୀରୁ ଯୋଗାନନ୍ଦ ଦାଶ ମାଛ ଧରୁଥିବା ବେଳେ ଠାକୁରମାହାଲ ନିର୍ବାହୀ ଅଧିକାରୀ ବାରଣ କରିଥିଲେ। ଏଥିରେ ଉତକ୍ଷିପ୍ତ ହୋଇ ସେ ମନ୍ଦିରରେ ତାଲା ଝୁଲାଇ ଦେଇଥିଲେ। ପୂର୍ବରୁ ପୂଜକକୁ ବାରଣ କରି ନିଜେ ପୂଜାକରି ନିଜକୁ ବଂଶାନୁକ୍ରମିକ ପୂଜକ ଦାବି କରି ଆସୁଥିବାରୁ ସେ ବେଆଇନ ଭାବେ ତାଲା ଖୁଲାଇବାରୁ ଠାକୁରଙ୍କ ନୀତିକାନ୍ତି ବନ୍ଦ ରହିଛି।

ମନ୍ଦିରରେ ଠାକୁର ଅପୂଜା ରହିବାରୁ ଗାଁ ପ୍ରତି ଏହା ଅଶୁଭ ସଙ୍କେତ ବୋଲି ଗ୍ରାମବାସୀ ଏକ ବୈଠକ କରିଥିଲେ। ଏ ନେଇ ଠାକୁର ମାହାଲ ନିର୍ବାହୀଅଧିକାରୀଙ୍କୁ ଲିଖିତ ଅଭିଯୋଗ କରିଥିଲେ। ହେଲେ ୮ ଦିନ ବିତି ଯାଇଥିଲେ ମଧ୍ୟ କୌଣସି ସୁଫଳ ନମିଳିବାରୁ ଆଜି ୮ ଦିନ ଧରି ତିନିଠାକୁର ଅପୂଜା ହୋଇଥିବା ଅଭିଯୋଗ ଉଠିଛି। ଏପରି କି ଆଜି ପବିତ୍ର ଜନ୍ମାଷ୍ଟମୀ ନୀତିପୂଜା ମଧ୍ୟ ଭ୍ରଷ୍ଟ ମଧ୍ୟ ହୋଇଛି। ମନ୍ଦିରକୁ ନେଇ ଅଯଥା ରାଜନୀତି କରୁଥିବା ଏଥିରୁ କ୍ଷାନ୍ତ ନହୋଇ ଯଦି ଘଟଣାର ସମାଧାନ ନହୁଏ।ତା ହେଲେ ବାଧ୍ୟ ହୋଇ ଆନ୍ଦୋଳନ କରାଯିବ ବୋଲି ସେହି ଗ୍ରାମର ଗଣେଶ ବେହେରା, ବରେନ୍ଦ୍ର ବେହେରା, ଲମ୍ବୋଧର ଦାସ, ଶଙ୍କର୍ଷଣ ବେହେରା, କରୁଣାକର ସାମଲ , କୃପାସିନ୍ଧୁ ମହାନ୍ତି, ଅନାଦି ଚରଣ ରାଉତ, ଆନନ୍ଦ ଚନ୍ଦ୍ର ରାଉଳ, ବିଜୟ କୁମାର ବାରିକ ପ୍ରମୁଖ ଚେତାବନୀ ଦେଇଛନ୍ତି।

ସେପଟେ ଅଭିଯୋଗକୁ ଖଣ୍ଡନ କରିଛନ୍ତି ଯୋଗାନନ୍ଦ ଦାଶ। ତେବେ ୮ ଦିନ ଅପୂଜା ରହିବା ପରେ ଠାକୁରଙ୍କ ନୀତି ଭ୍ରଷ୍ଟ ହୋଇଥିବା ସ୍ୱୀକାର କରିଛନ୍ତି।ଅପର ପକ୍ଷରେ ଠାକୁର ମାହାଲ ନିର୍ବାହୀ ଅଧିକାରୀଙ୍କ ମତାମତ ନେବା ପରେ ଆସନ୍ତା ଗୁରୁବାର ଠାକୁରମାହାଲର ଟ୍ରଷ୍ଟବୋର୍ଡ ବୈଠକ ବସିବ। ସେହିଦିନ ଘଟଣାର ସମାଧାନ ରୂପକ କାର୍ଯ୍ୟାନୁଷ୍ଠାନ ନେବେ ବୋଲି କହିଛନ୍ତି।

   Related Posts