ନୂଆଦିଲ୍ଲୀ ୨୪/୧୨: ସୁସ୍ମିତା ସେନ୍ ନିଜ ବ୍ରେକଅପକୁ ନେଇ ଏବେ ଚର୍ଚ୍ଚାରେ। ସେ ବଏଫ୍ରେଣ୍ଡ ରୋହମନ ଶୋଲଙ୍କ ସହ ସମ୍ପର୍କ ଶେଷ କରିଦେଇଛନ୍ତି। ପୂର୍ବରୁ ଉଭୟଙ୍କ ବ୍ରେକଅପ୍ ଖବର ବାରମ୍ବାର ସାମ୍ନାକୁ ଆସୁଥିଲା। ଏହା ପରେ ସୁସ୍ମିତା ସୋସିଆଲ ମିଡିଆରେ ଏକ ପୋଷ୍ଟ ଲେଖି ଏହାକୁ ନିଶ୍ଚିତ କରିଛନ୍ତି। ସେ କହିଛନ୍ତି ସେମାନେ ଭଲ ବନ୍ଧୁ ହୋଇ ରହିବେ। ତେବେ ସେମାନଙ୍କ ବ୍ରେକଅପ୍ ହେବାର କାରଣ ଏପର୍ଯ୍ୟନ୍ତ ଜଣା ପଡିନାହିଁ। ବିଳମ୍ବିତ ରାତିରେ ସୁସ୍ମିତା ଏକ ନୂଆ ପୋଷ୍ଟ ଲେଖିଛନ୍ତି। ସେ ନିଜର ଏକ ଫଟୋ ସେୟାର କରିଛନ୍ତି। ଯେଉଁଥିରେ ତାଙ୍କ ମୁହଁ ଅଧା କେଶରେ ଢାଙ୍କି ହୋଇଛି।
wp:html/wp:html
ଏହା ସହିତ ସୁସ୍ମିତା କ୍ୟାପସନରେ ଲେଖିଛନ୍ତି- 'ଶାନ୍ତି ବହୁତ ସୁନ୍ଦର। ଆଇ ଲଭ୍ ୟୁ ଫ୍ରେଣ୍ଡ। ରାତ,ରାତ।' ସୁସ୍ମିତାଙ୍କ ଏହି ପୋଷ୍ଟରେ ତାଙ୍କ ଭାଉଜ ଚାରୁ ଅସୋପା ଏକ ହୃଦୟ ଇମୋଟିକନ୍ ଦେଇଛନ୍ତି। ତାଙ୍କ ପ୍ରଶଂସକଙ୍କ ଠାରୁ ଅନେକ କମେଣ୍ଟ ମଧ୍ୟ ଆସୁଛି। ଜଣେ ପ୍ରଶଂସକ ଲେଖିଛନ୍ତି- 'ମାନସିକ ଶାନ୍ତି ରହିବା ଜରୁରୀ।' ଅନ୍ୟ ଜଣେ ୟୁଜର୍ ଲେଖିଛନ୍ତି - 'ତୁମେ ବହୁତ ସୁନ୍ଦର ଏବଂ ଶକ୍ତିଶାଳୀ ମହିଳା।' ଅନ୍ୟ ଜଣେ ଲେଖିଛନ୍ତି- 'ନା, ତୁମେ ଶାନ୍ତିଠାରୁ ଅଧିକ ସୁନ୍ଦର।'