ମୁମ୍ବାଇ ୧୨/୭ : ଅଲ୍ଟାମାଉଣ୍ଟ ରୋଡରେ ଥିବା ପୃଥ୍ୱିୀ ଆପାର୍ଟମେଣ୍ଟ ବିଲ୍ଡିଂକୁ ସିଲ୍ କରାଯାଇଛି । ଯେଉଁଠାରେ ବଲିଉଡ ଅଭିନେତା ସୁନୀଲ ସେଟ୍ଟୀଙ୍କ ଆପାର୍ଟମେଣ୍ଟ ରହିଛି । କରୋନା ସଂକ୍ରମଣ ବଢୁଥିବାରୁ ଏହାକୁ ଦୃଷ୍ଟିରେ ରଖି ବିଲ୍ଡିଂକୁ ସିଲ୍ କରାଯାଇଛି । ନିୟମ ଅନୁଯାୟୀ, ଯଦି କୌଣସି ବିଲ୍ଡିଂରେ ପାଞ୍ଚଟି କରୋନା ମାମଲା ଥାଏ । ତେବେ ଏହାକୁ ସିଲ୍ କରିବା ଆବଶ୍ୟକ ।
ତଥାପି, ପ୍ରଶଂସକମାନେ ଜାଣି ଖୁସି ହେବେ ଯେ ସୁନୀଲ ସେଟ୍ଟୀ ଏବଂ ତାଙ୍କ ପରିବାର ଏବେ ମୁମ୍ୱାଇ ବାହାରେ ଅଛନ୍ତି । ଏହି ବିଲଡିଂରେ ୩୦ ମହଲା ଏବଂ ୧୨୦ଟି ଫ୍ଲାଟ ଅଛି । ମୁମ୍ବାଇର ଡି ୱାର୍ଡ ଆସିଷ୍ଟାଣ୍ଟ କମିଶନର ପ୍ରଶାନ୍ତ ଗାଏକ୍ୱାଡ ନିଶ୍ଚିତ କରିଛନ୍ତି ଯେ ଏହି କୋଠାକୁ ସିଲ୍ କରାଯାଇଛି । ବର୍ତ୍ତମାନ ମୁମ୍ବାଇର ଡି ୱାର୍ଡରେ କରୋନାର 10 ଟି ସ୍ଥାନକୁ ସିଲ୍ କରାଯାଇଛି ।
wp:html/wp:htmlBMC has sealed 'Prithvi Apartments' building located at Altamount Road, South Mumbai as few people found #COVID19 positive. Bollywood actor Suniel Shetty resides in the building.
— ANI (@ANI) July 12, 2021
Sunil Shetty's entire family is safe: BMC Assistant Commissioner Prashant Gaikwad pic.twitter.com/gBjjMW2hVH
ଏଥିରେ ମାଲାବାର ପାହାଡ ଏବଂ ପେଡର୍ ରୋଡ୍ ମଧ୍ୟ ଅନ୍ତର୍ଭୁକ୍ତ । କରୋନାର ଦ୍ୱିତୀୟ ଲହରରେ ହାଇ ରାଇଜରେ ୮୦ ପ୍ରତିଶତ ମାମଲା ସାମ୍ନାକୁ ଆସିଥିଲା । ସେପଟେ ସୁନୀଲ ଶେଟ୍ଟୀ ଏବଂ ତାଙ୍କ ପରିବାର ବିଷୟରେ କଥାବାର୍ତ୍ତା କରି ଅଭିନେତାଙ୍କ ସରକାରୀ ମୁଖପାତ୍ର ନିଶ୍ଚିତ କରିଛନ୍ତି ଯେ ବର୍ତ୍ତମାନ ସମସ୍ତେ ମୁମ୍ବାଇ ବାହାରେ ଅଛନ୍ତି । ସୁନୀଲ ଏବଂ ତାଙ୍କ ପରିବାର ଦୀର୍ଘ ଦିନ ଧରି ପୃଥ୍ୱିୀ ଆପାର୍ଟମେଣ୍ଟରେ ରହିଆସୁଥିଲେ ।
ସେମାନଙ୍କ ବ୍ୟତୀତ, ଆହୁରି ୨୫ ପରିବାର ଏଠାରେ ରୁହନ୍ତି । ଏହି ବିଲ୍ଡିଂରେ କିଛି ମାମଲା ରିପୋର୍ଟ କରାଯାଇଥିଲା, ଯେଉଁମାନଙ୍କୁ ସିଧାସଳଖ ହସ୍ପିଟାଲରେ ଭର୍ତ୍ତି କରାଯାଇଛି ।