Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ହାଇଦ୍ରାବାଦ : ପାଠ ପଢୁନଥିଲା ବୋଲି ୧୦ ବର୍ଷର ପୁଅକୁ ଜିଅନ୍ତା ଜାଳିଦେଲା ବାପା, ପୋଡିଯାଇଛି ଶରୀରର ୬୫ ଭାଗ
  • ||
  • ବଡବିଲ : ନର୍ଭେରାମ ଖଣି କାର୍ଯ୍ୟାଳୟରେ ଆୟକର ଚଢାଉ, ବିଭିନ୍ନ କାଗଜପତ୍ରର ଯାଞ୍ଚ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୨ ଛୁଇଁଲା ମୃତକଙ୍କ ସଂଖ୍ୟା
  • ||

‘ଉଠ ବାପା, ମୁଁ ଡାକ୍ତରୀ ପାଠ ପଢି ଆସିଛି’, କୋକେଇ ଉପରେ ଶୋଇଥିବା ବାପାର ଛାତିରେ ଷ୍ଟେଥୋ ରଖି କାନ୍ଦି ପକାଇଲା ପୁଅ

25/12/2020 at 10:21 AM

ଗୁଣପୁର,୨୫/୧୨: ପାଖରେ ଶୋଇଛି ବାପା । କିନ୍ତୁ ଜୀବନ ନାହିଁ । ବାପା ଶବ ହୋଇଯାଇଛି । ତେବେ ମୃତ ବାପାଙ୍କ ଶବ ଉପରେ ପଡ଼ିଲା ଡାକ୍ତରୀ ପଢୁଥିବା ପୁଅର ପ୍ରଥମ ଷ୍ଟେଥୋ ।ଇଚ୍ଛା ଥିଲା  ପୁଅକୁ ଡାକ୍ତର କରାଇ ସ୍ଥାନୀୟ ଅଞ୍ଚଳବାସୀଙ୍କ ସେବା କରାଇବା। କିନ୍ତୁ  ହଠାତ୍‌ ହୃଦ୍‌ଘାତରେ ବାପା ଚାଲିଗଲେ ଆରପାରିକୁ । ଆଉ କଟକରେ ଡାକ୍ତରୀ ପଢୁଥିବା ପୁଅ ଘରେ ପହଞ୍ଚି ଦୁଃଖରେ କାନ୍ଦି କାନ୍ଦି କହିଥିଲା- ବାପା ଉଠ! ମୁଁ ଡାକ୍ତରୀ ପଢ଼ି ଆସିଛି । ତୁମର ଚିକିତ୍ସା କରିବି । ଏମିତି କହି ଡାକ୍ତରୀ ପୁଅ କୋକେଇରେ ଶୋଇଥିବା ବାପାର ଛାତି ଉପରେ ନିଜ ଷ୍ଟେଥୋ ପକାଇଥିଲେ । ଏପରି ଏକ ଘଟଣା ଘଟିଛି ରାୟଗଡ଼ା ଜିଲ୍ଲା ପଦ୍ମପୁର ବ୍ଲକ ଗୁଡ଼ିଆବନ୍ଧ ଗ୍ରାମରେ ।

ସୂଚନାନୁସାରେ, ଗତ ୧୮ ତାରିଖରେ ହଠାତ୍‌ ହୃଦଘାତରେ ଗୁଡ଼ିଆବନ୍ଧ ଗ୍ରାମରେ ଲାଡ଼ି ସୋମେଶ୍ୱର ରାଓଙ୍କ ଦେହାନ୍ତ ହୋଇଥିଲା । ସେ ଜଣେ ଭଲ ଚାଷୀ ଭାବେ ସ୍ଥାନୀୟ ଅଞ୍ଚଳରେ ବେଶ୍‌ ପରିଚିତ ଥିଲେ । ଏପରକି ଥରେ ଜିଲ୍ଲା ପରିଷଦ ସଭ୍ୟ ଓ ପାଣି ପଞ୍ଚାୟତ ସଭାପତି ରହିଥିଲେ । ତାଙ୍କର ଭଲ ଜନସମ୍ପର୍କ ଥିଲା । ତାଙ୍କ ଚାଲିଚଳନ ଏବଂ କଥା ଭଙ୍ଗୀକୁ ନେଇ ଅଞ୍ଚଳବାସୀ ତାଙ୍କୁ ଡାକ୍ତର ବୋଲି ଡାକୁଥିଲେ । ଏତିପାଇଁ ସେ ପୁଅକୁ ଡାକ୍ତର ପଢ଼ାଇବାର ସ୍ୱପ୍ନ ଦେଖିଥିଲେ ।

ପୁଅ ରାକେଶ କଟକରେ ଡାକ୍ତରୀ ପଢୁଥିଲେ । କିନ୍ତୁ ପୁଅର ପାଠପଢା ସରିବା ପୂର୍ବରୁ ସୋମେଶ୍ୱର ଶେଷ ନିଶ୍ୱାସ ତ୍ୟାଗ କଲେ । ତାଙ୍କର ମୃତ୍ୟୁ ଖବର ପାଇ ସ୍ଥାନୀୟ ଅଞ୍ଚଳରେ ଶୋକର ବାତାବରଣ ଖେଳାଇ ଦେଇଥିଲା । ପୁଅ ଆସି ପହଁଚିବା ପରେ ବାପା ଆଉ ନଥିଲା । କିନ୍ତୁ ସେ କୋକେଇରେ ଶୋଇଥିବା ବାପା ଛାତିରେ ଷ୍ଟେଥୋ ରଖି ବାପା ଉଠ ବୋଲି କାନ୍ଦି କାନ୍ଦି କହିଥିଲା । ଏହାପରେ ରାକେଶ ଓ ଗାଁ ଲୋକେ ସୋମେଶ୍ୱରଙ୍କୁ ନେଇ ଶବଦାବ କରିଥିଲେ ।

   Related Posts