ମୁମ୍ଵାଇ ୩୦।୦୪: ଅଭିନେତା ତଥା ସୋସିଆଲ ମିଡିଆ ଇନଫ୍ଲୁଏନ୍ସ ସାହିଲ ଖାନଙ୍କୁ ରବିବାର ଦିନ ମହାଦେବ ଅନଲାଇନ୍ ବେଟିଂ ଆପ୍ ମାମଲାରେ ମୁମ୍ବାଇ ପୋଲିସ ଗିରଫ କରିଥିଲା। ପୋଲିସ ତାଙ୍କୁ ଛତିଶଗଡର ଜଗଦଲପୁର ଅଞ୍ଚଳରୁ ତାଙ୍କୁ ଧରିଛି । ଅଭିନୟରେ ସାହିଲ ଖାନଙ୍କ କ୍ୟାରିୟର ବେଶୀ ଲମ୍ବା ନଥିଲା। କିନ୍ତୁ ଗିରଫ ହେବାର ବିବରଣୀ ଦର୍ଶାଏ ଯେ ପୋଲିସ ସହ ତାଙ୍କର ସାକ୍ଷାତ ବହୁତ ଲମ୍ବା ଏବଂ ନାଟକୀୟ ଥିଲା। ୪୦ ଘଣ୍ଟାରୁ ଅଧିକ ସମୟ ଧରି ଗୋଡ଼ାଇବା ପରେ ସାହିଲଙ୍କୁ ଗିରଫ କରାଯାଇଥିଲା। ଏହି ସମୟରେ ପୋଲିସକୁ ଏଡାଇବା ପାଇଁ ସେ ଅନେକ ଥର ଫୋନ୍ ବନ୍ଦ କରି ନିଜ ସ୍ଥାନ ବଦଳାଇ ଚାଲିଥିଲେ।
ସାହିଲ ଖାନ ଦି ଲାଏୟ ବୁକ୍ ଆପ୍ ନାମକ ଏକ ବେଟିଂ ଆପ୍ ସହିତ ଜଡିତ ଥିଲେ। ଯାହାକି ମହାଦେବ ବେଟିଂ ଆପ୍ ନେଟୱାର୍କର ଏକ ଅଂଶ। ମୁମ୍ବାଇ ପୋଲିସ ଏସଆଇଟି ପୂର୍ବରୁ ଏହି ମାମଲାରେ ତାଙ୍କୁ ପଚରାଉଚରା କରିଥିଲା। ଅଭିନେତା ଜାମିନ ପାଇଁ କୋର୍ଟଙ୍କ ନିକଟକୁ ଯାଇଥିଲେ ମଧ୍ୟ ତାଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରାଯାଇଥିଲା। ଏପ୍ରିଲ୍ ୨୫ ରେ, କୋର୍ଟ ତାଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରିବାର କିଛି ସମୟ ପରେ ସେ ତାଙ୍କ ଡ୍ରାଇଭରକୁ ଡାକି ମୁମ୍ବାଇରୁ ପଳାଇ ଯାଇଥିଲେ। ତାଙ୍କର ପ୍ରଥମ ଷ୍ଟପ୍ ଗୋଆ ଥିଲା । ଯେଉଁଠାରେ ସେ କିଛି ଘଣ୍ଟା ବିତାଇ ତା’ପରେ କର୍ଣ୍ଣାଟକକୁ ଚାଲିଗଲେ । ଏହି ସମୟରେ ଅଧିକାରୀମାନେ ଅନୁଭବ କଲେ ଯେ ସେ ଫୋନ୍ ଉଠାଉ ନାହାଁନ୍ତି।
ସାହିଲ କର୍ଣ୍ଣାଟକରେ କିଛି ଘଣ୍ଟା ବିତାଇ କିଛି ସମୟ ବିଶ୍ରାମ ନେଇ ତେଲେଙ୍ଗାନାର ହାଇଦ୍ରାବାଦ ଅଭିମୁଖେ ଯାତ୍ରା କଲେ। ସେ ସେଠାରେ ଏକ ରୁମ ବୁକ୍ କରିଥିଲେ ଏବଂ ଆବଶ୍ୟକ ସମୟରେ କେବଳ ତାଙ୍କ ଫୋନ୍ ଅନ କରୁଥିଲେ। କିନ୍ତୁ ସେପଟେ ମୁମ୍ବାଇ କ୍ରାଇମ ବ୍ରାଞ୍ଚ ତାଙ୍କ ଡ୍ରାଇଭରର ସବିଶେଷ ତଥ୍ୟ ବାହାର କରିବାରେ ସଫଳ ହୋଇଥିଲା ଏବଂ ମୋବାଇଲର ସ୍ଥାନ ଚିହ୍ନଟ ହେବାରେ ଲାଗିଲା। ଯେତେବେଳେ ସାହିଲ ଅନୁଭବ କଲେ ଯେ ପୋଲିସ ଯେକୌଣସି ସମୟରେ ତାଙ୍କ ପାଖରେ ପହଞ୍ଚିପାରେ, ସେତେବେଳେ ସେ ଛତିଶଗଡ ଏବଂ ମହାରାଷ୍ଟ୍ର ସୀମା ଆଡ଼କୁ ଚାଲିଯାଇଥିଲେ । ଗିରଫ ପରେ ପୋଲିସ ତାଙ୍କୁ କହିଥିଲା ଯେ ତାଙ୍କୁ ମୁମ୍ବାଇ ଅଣାଯିବ ଏବଂ ମହାଦେବ ବେଟିଂ ମାମଲାରେ ତାଙ୍କୁ ଗିରଫ କରାଯିବ।