ସମ୍ବଲପୁର,୨୧/୦୯: ବ୍ରେକ୍ ଡାଉନ ଯୋଗୁଁ ଅଟକି ରହିଥିବା ଆମ୍ବୁଲାନ୍ସ ଭିତରେ ଚାଲିଗଲା ରୋଗୀଙ୍କ ଜୀବନ । ଅଧ ଘଣ୍ଟା ଆମ୍ବୁଲାନ୍ସ ଅଟକି ରହିବାରୁ ତା ଭିତରେ ରୋଗୀଙ୍କର ମୃତ୍ୟୁ ହୋଇଛି । ଏପରି ଅଭାବନୀୟ ଘଟଣା ଘଟିଛି ସମ୍ବଲପୁରରେ ।
ସୂଚନାନୁସାରେ, ବୁର୍ଲାକୁ ଆଉ କିଛି ବାଟ ବାକିଥିବାବେଳେ ସମ୍ବଲପୁର ରେମେଡ୍ ଲେଭଲ କ୍ରସିଂ ନିକଟରେ ଏଭଳି ଘଟଣା ଘଟିଛି । ରେଗୀ ଜଣଙ୍କ ଝାରସୁଗୁଡାରୁ ବୁର୍ଲା ଆସୁଥିବାବେଳେ ସମ୍ବଲପୁର ରେମେଡ୍ ଲେଭଲ କ୍ରସିଂ ଠାରେ ଆମ୍ବୁଲାନ୍ସର ବ୍ରେକ ଡାଉନ ହୋଇଯାଇଥିଲା । ଫଳରେ ଭିତରେ ହିଁ ରୋଗୀଜଣଙ୍କ ରହିଥିଲେ । ଆଉ ତାଙ୍କୁ ବୁର୍ଲା ନିଆଯାଇ ପାରିନଥିଲା । ତେବେ ଅନ୍ୟ ଆମ୍ବୁଲାନ୍ସ ଆସିବାକୁ ଅଧଘଣ୍ଟାରୁ ଅଧିକ ସମୟ ଲାଗିଥିଲା । ଏହା ଭିତରେ ହିଁ ରୋଗୀଜଣଙ୍କ ପ୍ରାଣ ହରାଇଥିଲେ । ଏନେଇ ରୋଗୀଙ୍କ ସ୍ବାମୀ ହିମାଂଶୁ ନନ୍ଦ କହିଛନ୍ତି ।
