ଗୁଣପୁର ୬।୫: ରାୟଗଡା ଜିଲ୍ଲା କଂଗ୍ରେସକୁ ଝଟକା । ଦଳ ଛାଡିଲେ ରାୟଗଡା ଜିଲ୍ଲା କଂଗ୍ରେସ ସଭାପତି ବିଜୟ କୁମାର ଗମାଙ୍ଗ। ଦଳ ବିରୋଧୀ କାର୍ଯ୍ୟ ପାଇଁ ପିସିସି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ କମିଟି ଅଧ୍ୟକ୍ଷ କୈଫିୟତ ତଲବ କରିଥିଲେ । ବହୁଥର ପିସିସି ଓ ଜିଲ୍ଲା ସ୍ତରୀୟ ଦଳୀୟ ନେତା ଅଣଦେଖା କରିଥିବା, କୌଣସି କାର୍ଯ୍ୟକ୍ରମକୁ ସୂଚନା ଦେଉ ନଥିବା ଅଭିଯୋଗ କରି ଆତ୍ମସମ୍ମାନ ଦୃଷ୍ଟିରୁ ପ୍ରାଥମିକ ସଦସ୍ୟରୁ ଇସ୍ତଫା ଦେଇଥିବା କହିଛନ୍ତି । ଇସ୍ତଫା ପତ୍ର ପିସିସି ସଭାପତି ଓ ରାଜ୍ଯ ପର୍ଯ୍ୟବେକ୍ଷକକୁ ପଠାଇଥିବା ବିଜୟ ଗମାଙ୍ଗ ସୂଚନା ଦେଇଛନ୍ତି ।
ପୂର୍ବରୁ ମଧ୍ଯ ଦଳ ବିଧାନସଭା ପ୍ରାର୍ଥୀ ନାମ ଘୋଷଣା କରିବା ପରେ ଅସନ୍ତୋଷ ହୋଇ ଯୁବ କଂଗ୍ରେସ ବ୍ଲକ ସଭାପତି, ଏସଟି ମୋର୍ଚ୍ଚା, ଏସସି ମୋର୍ଚ୍ଚା ସଭାପତି, ଯୁବ କଂଗ୍ରେସ ରାଜ୍ଯ ପ୍ରବକ୍ତା, ପିସିସି ସଦସ୍ୟ ଦଳ ଛାଡିଥିଲେ । ଭୋଟ୍ ଗ୍ରହଣ ଆଉ ଦିନ କେଇଟା ବାକି ଥିବାବେଳେ ଜିଲ୍ଲା ସଭାପତି ଦଳ ଛାଡିବା ସମସ୍ୟା ସୃଷ୍ଟି କରିବ ।
You Can Read :
ଭର୍ତ୍ତୃହରିଙ୍କ ନାଁରେ ପୋଲିସକୁ ମାଡ ମାମଲା : ଅଭିଯୋଗକାରୀ ଉପସ୍ଥିତ ନ ରହିବାରୁ ଜେରା ପ୍ରକ୍ରିୟା ଅସମ୍ପୂର୍ଣ୍ଣ
