Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

ନୂଆବର୍ଷରେ ଏଥର ଓଡିଶାକୁ ଭିଜାଇବ ବର୍ଷା, ଜାଡରେ ଥରୁଛି ପୂରା ଓଡ଼ିଶା – ଆହୁରି ୨ ଦିନ ପ୍ରବଳ ଶୀତ

30/12/2019 at 6:05 PM

ଭୁବନେଶ୍ୱର ୩୦।୧୨ – ଜାଡରେ ଥରୁଛି ପୂରା ଓଡ଼ିଶା । ଭୁବନେଶ୍ବରରୁ କେନ୍ଦୁଝର, ମୟୁରଭଞ୍ଜରୁ କୋରାପୁଟ ସବୁଠି ହାଡଥରା ଶୀତ । ସ୍ବାଭାବିକ ଠାରୁ ୬ ଡିଗ୍ରୀ ଖସିଆସିଛି ପାରଦ । ରାଜ୍ୟରେ ଆହୁରି ୪୮ ଘଣ୍ଟା ପର୍ଯ୍ୟନ୍ତ ଥଣ୍ଡାର ପ୍ରକୋପ ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ସେହିଭଲି ନୂଆ ବର୍ଷରେ ରାଜ୍ୟକୁ ବର୍ଷା ଭିଜାଇବ । ୨ ତାରିଖ ଆଡକୁ ବିଭିନ୍ନ ସ୍ଥାନରେ ଘଡଘଡି ସହ ବର୍ଷା ହେବ ବୋଲି ପୂର୍ବାନୁମାନ କରାଯାଇଛି । ବର୍ଷା ପରେ ପୁଣି ଶୀତ ବଢିବ ବୋଲି ଅନୁମାନ କରାଯାଉଛି । ସେପଟେ ସାରା ଦେଶରେ ଭୟଙ୍କର ଥଣ୍ଡାସାଙ୍ଗକୁ ଦିଲ୍ଲୀରେ ଘନ କୁହୁଡି ଜନଜୀବନକୁ ଅସ୍ତବ୍ୟସ୍ତ କରିଛି ।

ନୂଆବର୍ଷରେ ଏଥର ଓଡିଶାକୁ ଭିଜାଇବ ବର୍ଷା । ୨ ତାରିଖରେ ଘଡଘଡି ବର୍ଷା ସାଙ୍ଗକୁ ପଶ୍ଚିମ ଓଡିଶାରେ ଠାଏ ଠାଏ କୁଆପଥର ବର୍ଷା ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ଏଥିପାଇଁ ସୁନ୍ଦରଗଡ, ଦେବଗଡ, ଅନୁଗୁଳ, ଖୋର୍ଦ୍ଧା, ସୋନପୁର ଏବଂ ବୌଦ୍ଧ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର । ଆସନ୍ତା ୧ ଓ ୨ ରେ ବରଗଡ, ବଲାଙ୍ଗୀର, ନୂଆପଡା, କେନ୍ଦୁଝର, ଝାରସୁଗୁଡାରେ ବର୍ଷା ସମ୍ଭାବନା ରହିଛି । ବର୍ଷା କମିବା ପରେ ଥଣ୍ଡା ବଢିବା ନେଇ ଆଂଚଳିକ ପାଣିପାଗ କେନ୍ଦ୍ର ସୂଚନା ଦେଇଛି । ସେପଟେ, ଜାଡରେ ଥରୁଛି ସାରା ଓଡିଶା । ଶୀତରୁ ରକ୍ଷା ପାଇଁ କିଏ ନିଆଁ ପୋଉଁଛି ତ କିଏ ସକାଳୁ ସକାଳୁ ଗର ଚା ର ମଜା ନେଉଛି । ଭୁବନେଶ୍ବରରୁ କେନ୍ଦୁଝର, ମୟୁରଭଞ୍ଜରୁ କୋରାପୁଟ ସବୁଠି ହାଡଥରା ଶୀତ । କିଛି ସ୍ଥାନରେ ତୁଷାର ପାତ ବି ହୋଇଛି । ସ୍ବାଭାବିକ ଠାରୁ ୬ଡିଗ୍ରୀ ଖସିଆସିଛି ପାରଦ । ୧୬ଟି ସହରରେ ତାପାମାତ୍ରା ୧୦ଡିଗ୍ରୀ ତଳେ ରହିଛି । ରାଜ୍ୟରେ ଆହୁରି ୪୮ଘଣ୍ଟା ଯାଏଁ ଥଣ୍ଡାର ପ୍ରକୋପ ଜାରି ରହିବ ।୧୩ଟି ଜିଲ୍ଲାରେ ଜିଲ୍ଲା ପ୍ରଶାସନକୁ ଏଥିପାଇଁ ସତର୍କ କରାଇଦେଇଛନ୍ତି ସ୍ବତନ୍ତ୍ର ରିଲିଫ କମିଶନରଙ୍କ କାର୍ଯ୍ୟାଳୟ ।

କେବଳ ଓଡ଼ିଶା ନୁହେଁ ସାରା ଦେଶରେ ଭୀଷଣ ଶୀତ ଲହରି । ବିଶେଷକରି ଉତ୍ତର ଭାରତର ସ୍ଥିତି ପୂରା ବେହାଲ । ଏ ହେଉଛି ଶ୍ରୀନଗର ଡାଲ୍‌ ଲେକ୍‌ର ଦୃଶ୍ୟ । ଏଠି ମାଇନସ୍‌ ୬.୨ ତାପମାତ୍ରା ରହିଛି । ଆଉ ପୂରା ଡାଲ୍ ଲେକ୍‌ ବରଫ ପାଲଟି ଯାଇଛି । ରାଜଧାନୀ ଦିଲ୍ଲୀର ନିମ୍ନତମ ତାପମାତ୍ରା ୨.୫ଡିଗ୍ରୀ କୁ ଖସି ଆସିଛି । ଡିସେମ୍ବର ୧୪ ରୁ ଏଭଳି ସ୍ଥିତି ଲାଗି ରହିଛି । ୧୧୮ ବର୍ଷ ଭିତରେ ଦ୍ବିତୀୟ ଥର ଲାଗି ଡିସେମ୍ବରରେ ଦିଲ୍ଲୀରେ ଏତେ ଲମ୍ବା ସମୟ ଧରି ତାପମାତ୍ରା ଏତେ ତଳକୁ ଖସି ଯାଇଛି । ପାଣିପାଗ ବିଭାଗ ଅନୁଯାୟୀ, ହିମାଚଳ ପ୍ରଦେଶରେ ଆସନ୍ତାକାଲି ବରଫପାତ ହେବ । ମନାଲି, ସୋଲନ, ସୁନ୍ଦରନଗର ଏବଂ କାଲପା ଇଲାକାରେ ତାପମାତ୍ରା ଶୂନ ତଳକୁ ଖସି ଯାଇଛି । ସେପଟେ ରାଜସ୍ଥାନ ମାଉଣ୍ଟ ଆବୁରେ ତାପମାତ୍ରା ୩ ଡିଗ୍ରୀ ରେକର୍ଡ କରାଯାଇଛି ।

ଭୟଙ୍କର ଥଣ୍ଡା ସାଙ୍ଗକୁ ଘନ କୁହୁଡି ଦିଲ୍ଲୀ ଏନସିଆର୍ ସହ ସାରା ଉତ୍ତର ଭାରତକୁ ଅସ୍ତବ୍ୟସ୍ତ କରିଛି । ଘନ କୁହୁଡି କାରଣରୁ ବିମାନ ଏବଂ ଟ୍ରେନ୍ ଯାତାୟତ ଉପରେ ପ୍ରଭାବ ପଡିଛି । ଅନେକ ଟ୍ରେନ୍ ବିଳମ୍ବରେ ଚାଲୁଛି । ଅନେକ ସ୍ଥାନରେ ସ୍କୁଲ ବନ୍ଦ ପାଇଁ ନିର୍ଦ୍ଦେଶ ଦିଆଯାଇଛି । ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ ଆଜିଠାରୁ ପଶ୍ଚିମ ହିମାଳୟ ପଟୁ ବୋହୁଥିବା ପବନର ଗତି ପରିବର୍ତ୍ତନ ହେବ । ତେଣୁ ଶୀତ ଲହରୀରୁ ସାମାନ୍ୟ ତ୍ରାହି ମିଳିପାରେ । ଏହାସହ ଦିଲ୍ଲୀ, ଉତ୍ତରପ୍ରଦେଶ ଏବଂ ହିମାଚଳ ସମେତ ସାରା ଉତ୍ତର ଭାରତରେ ନୂଆବର୍ଷ ଦିନ ହାଲୁକା ବର୍ଷା ହେବାର ସମ୍ଭାବନା ରହିଛି

   Related Posts