ନୂଆଦିଲ୍ଲୀ ୨୧/୦୫: ଆଇପିଏଲ ୨୦୨୨ରେ ଶନିବାର ରାଜସ୍ଥାନ ଜବରଦସ୍ତ ବିଜୟ ହାସଲ କରିଛି । ଦଳ ଚେନ୍ନାଇ ସୁପର କିଙ୍ଗସକୁ ୫ ଓ୍ୱିକେଟରେ ମାତ୍ ଦେଇଛି । ରାଜସ୍ଥାନ ବିଜୟର ହିରୋ ଥିଲେ ଆର ଅଶ୍ୱୀନ । ଦଳକୁ ସଙ୍କଟରୁ ଉଦ୍ଧାର କରି ସେ ପ୍ଲେ ଅଫରେ ପହଁଚାଇଥିଲେ ।
ମ୍ୟାଚରେ ଅଶ୍ୱୀନ ଉଭୟ ବୋଲିଂ ଓ ବ୍ୟାଟିଂରେ କମାଲ ଦେଖାଇଥିଲେ । ଏତିପାଇଁ ତାଙ୍କୁ ମ୍ୟାନ ଅଫ୍ ଦି ମ୍ୟାଚ୍ ପୁରସ୍କାର ବି ମିଳିଥିଲା । ମ୍ୟାଚ୍ ଜିତିବା ପରେ ଏବେ ଅଶ୍ୱୀନଙ୍କ ପତ୍ନୀଙ୍କ ରିଆକ୍ସନ ଭାଇରାଲ ହୋଇଛି ।
୧୫୧ ରନର ବିଜୟ ଲକ୍ଷ୍ୟକୁ ପିଛା କରୁଥିବା ରାଜସ୍ଥାନକୁ ଶେଷ ଓଭରରେ ୭ ରନ୍ ଦରକାର ଥିଲା । ସେତେବେଳେ ଅଶ୍ୱୀନ ଏକ ଚୌକା ଲଗାଇଥିଲେ ଓ ଗୋଟିଏ ସିଙ୍ଗଲ ରନ୍ ନେଇଥିଲେ । ଏହାପରେ ରିଆନ ପରାଗ ସିଙ୍ଗଲ ରନ୍ ରେଇଥିଲେ । ଶେଷରେ ମାଥିଶା ପଥିରାନା ଓ୍ୱାଇଡ୍ ପକାଇବାରୁ ରାଜସ୍ଥାନ ମ୍ୟାଚ୍ ଜିତି ନେଇଥିଲା ।
wp:html/wp:htmlThe celebration of Ashwin is everything. pic.twitter.com/xQwuTpXXoh
— Johns. (@CricCrazyJohns) May 20, 2022
ଏହି ସମୟରେ ଗ୍ୟାଲେରୀରେ ବସି ମ୍ୟାଚ୍ ଦେଖୁଥିଲେ ଅଶ୍ୱୀନଙ୍କ ପତ୍ନୀ ପ୍ରୀତି ନାରାୟଣ । ତାଙ୍କର ଦୁଇ ସନ୍ତାନ ମଧ୍ୟ ଉପସ୍ଥିତ ଥିଲେ । ମ୍ୟାଚ୍ ଜିତିବା ପରେ ସେ ଚେୟାରରୁ ଉଠି ତାଳି ମାରିଥିଲେ । ଅଶ୍ୱୀନ ମଧ୍ୟ ଦମଦାର ଷ୍ଟାଇଲରେ ଖୁସି ମନାଇଥିଲେ । ତେବେ ତାଙ୍କ ପତ୍ନୀଙ୍କ ରିଆକ୍ସନ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।