ନୂଆପଡା ୨|୭: ପୁଣି ଜନନୀ ଯନ୍ତ୍ରଣା । ନୂଆପଡା ଜିଲ୍ଲା ଖଡିଆଳ ବ୍ଲକ୍ ରାଣିମୁଣ୍ଡା ପଞ୍ଚାୟତର ଅପହଞ୍ଚ ସମାଡ ପଦର ଗାଁରେ ୪ କିଲୋମିଟର ଖଟିଆରେ ବୁହାହେଲେ ଗର୍ଭବତୀ ମହିଳା ।
{"id":129657}ସମାଡ଼ପଦର ଗ୍ରାମର ମୁକେଶ ମାଝିଙ୍କ ସ୍ତ୍ରୀ ପ୍ରମିଳା ମାଝିଙ୍କ ଗର୍ଭ ଯନ୍ତ୍ରଣା ହେବାରୁ ତାଙ୍କୁ ଆଜି ସକାଳୁ ଖଟିଆରେ ବୋହି ଗାଁରୁ ୪ କିମି ଦୂର ପାହାଡ଼ ତଳକୁ ବର୍ଷାରେ ଭିଜି ଭିଜି ଆଣିଥିଲେ । ପାହାଡ଼ ତଳକୁ ଆସିବା ପରେ ପ୍ରମିଳାଙ୍କ ଗର୍ଭ ଯନ୍ତ୍ରଣା ଅଧିକ ବଢିବାରେ ଲାଗିଲା । ଆମ୍ବୁଲାନ୍ସକୁ ଫୋନ୍ ଯୋଗେ ଖବର ଦିଆଯାଇଥିବା ବେଳେ ଦୀର୍ଘ ସମୟ ପର୍ଯ୍ୟନ୍ତ ଆମ୍ବୁଲାନ୍ସ ଆସି ନ ଥିଲା । ସମ୍ପର୍କୀୟଙ୍କ ସହାୟତାରେ ପାହାଡ ତଳେ ହିଁ ତାଙ୍କର ଏକ ଶିଶୁପୁତ୍ର ଜନ୍ମଲାଭ କରିଥିଲା । ଦୁଇ ଘଣ୍ଟା କାଳ ସେଠାରେ ହସ୍ପିଟାଲ ନେବାପାଇଁ ଅପେକ୍ଷା କରିଥିବା ବେଳେ ଆମ୍ବୁଲାନ୍ସ ଅସି ନଥିଲା । ପରେ ମାଆ ଓ ନବଜାତ ଶିଶୁ ସୁସ୍ଥ ଥିବା ଅନୁମାନ କରି ପୁଣିଥରେ ନବଜାତ ଶିଶୁ ସହ ମାକୁ ଖଡିଆରେ ୪ କି.ମି. ଦୂର ପାହାଡିଆ ରାସ୍ତାରେ ଖଟିଆରେ ବୋହି ଘରକୁ ଫେରେଇ ନେଇଛନ୍ତି ।
{"id":129658}ପ୍ରଥମେ ଉପ-ଜିଲ୍ଲାପାଳ ଏବଂ ପରେ ଦୁଇ ଦୁଇଟି ଜିଲ୍ଲାପାଳ ଏହି ଗାଁକୁ ଯାଇ ରାସ୍ତାଘାଟ ସମସ୍ୟାର ସମାଧାନ ପ୍ରତିଶ୍ରୁତି ଦେଇଥିବା ବେଳେ ଏହାକୁ କେତେ ଗୁରୁତ୍ବ ଦିଆଯାଇଛି ଏହାହିଁ ଏହାର ନଗ୍ନ ଚିତ୍ର । ଗତ ଡିସେମ୍ବର ମାସରେ ନୂଆପଡା ଜିଲ୍ଲାପାଳ ପୋମା ଟୁଡୁ ୪ କି.ମି. ପାଦରେ ଚାଲି ଚାଲି ଗାଁକୁ ଯାଇ ଚର୍ଚ୍ଚାକୁ ଆସିଥିଲେ । ପରେ ପରେ ଶ୍ରେଷ୍ଠ ପ୍ରଶାସକ ଭାବରେ ମଧ୍ୟ ପୁରସ୍କୃତ ହୋଇଥିଲେ । ଗତମାସ ୨୭ ତାରିଖରେ ଏହି ଗାଁକୁ ବିଜୁଳି ଦିଆଯାଇଥିବା ବେଳେ ଗାଁକୁ ଆଜି ଯାଏଁ ରାସ୍ତାଟିଏ ନାହିଁ ।