Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ସ୍ବାଧୀନତାର ୭୨ ବର୍ଷ ପରେ ବି କନ୍ଧମାଳର ଅନେକ ଗାଁରେ ନାହିଁ ବିଜୁଳି, ଅନ୍ଧାରରେ ଡିବିରି ଆଲୁଅ ଭରସା

8/06/2019 at 3:47 PM

ଫୁଲବାଣୀ ୮|୬: ଯୋଜନା ପୁଳା ପୁଳା କିନ୍ତୁ ଗାଁ ଅନ୍ଧାର । କନ୍ଧମାଳ ଜିଲ୍ଲା ଅନ୍ତର୍ଗତ ଦାରିଙ୍ଗବାଡି ବ୍ଲକର ଅନେକ ଗାଁ ଲୋକେ ବିଦ୍ୟୁତ୍ ବିନା ହନ୍ତସନ୍ତ । ବିଦ୍ୟୁତ୍ ଖୁଣ୍ଟ ରେ ତାର ଝୁଲୁଛି, କିନ୍ତୁ କରେଣ୍ଟ ଦିଆଯାଉନି । କାମ ଅଧା, ଆଉ କେବେ ସରିବ ତାହା ବି ଅନିଶ୍ଚିତ । ଏପରି ସ୍ଥିତିରେ କେବେ ଆସିବ ବିଜୁଳି ? ଏହି ପ୍ରଶ୍ନ ପ୍ରତିଟି ଉପଭୋକ୍ତାଙ୍କ ମୁହଁରେ ।

ଖୁଣ୍ଟ ପୋତା ହୋଇଛି, ତାର ଟଣା ବି ହୋଇଛି । କିନ୍ତୁ ଜଳୁନି ବିଜୁଳି ବତୀ । କାରଣ, କରେଣ୍ଟ ଦିଆଯାଇନି, ଟ୍ରାନ୍ସଫର୍ମର ସ୍ଥାପନ କାମ ମଧ୍ୟ ସରିନାହିଁ  । ଏପରି ସ୍ଥିତି କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକ ଅନ୍ତର୍ଗତ  କିରିକୁଟି ପଂଚାୟତର ବୁରାଙ୍ଗିଆ ଗାଁରେ । ଗାଁ ମୁଣ୍ଡରେ ଗଦାହୋଇଛି ବିଦ୍ୟୁତ୍ ଖୁଣ୍ଟ । କିଛି ସ୍ଥାନରେ ଖୁଣ୍ଟ ପୋତି ତାର ଟାଣିସାରିଛି ବିଦ୍ୟୁତ ବିଭାଗ ।

ଦିନେ, ସପ୍ତାହେ କିମ୍ବା ମାସେ ନୁହେଁ , ଅନେକ ଦିନ ଧରି ଏତିକିରେ ଅଟକିଛି ବିଦ୍ୟୁତ୍  ବ୍ୟବସ୍ଥା । ବିଜୁଳିର ଦେଖାନାହିଁ। କାରଣ ଟ୍ରାନ୍ସଫର୍ମର ବସିପାରୁନି। କେବଳ ବୁରାଙ୍ଗିଆ ଗାଁ ନୁହେଁ ବୁଦେଲପଡି ଓ ଝାରମୁଣ୍ଡା ଗାଁରେ ବି ସେହି ଏକା ଅବସ୍ଥା। ଖୁଣ୍ଟ ପୋତି ତାର ଟଣା ଯାଇଛି । କିନ୍ତୁ  ବିଦ୍ୟୁତ୍ ଟ୍ରାନ୍ସଫର୍ମର ବସିପାରୁନି କି ଉପଭୋକ୍ତାଙ୍କ ଘରକୁ ତାର ସଂଯୋଗ ମଧ୍ୟ ହୋଇନି। ଫଳରେ, ଏବେ ବି ଅନ୍ଧାରରେ ଡିବିରି ଭରସା । ଡିବିରି ଜାଳି ପାଠ ପଢୁଛନ୍ତି ପିଲାଏ । ବାରମ୍ବାର ପ୍ରଶାସନକୁ ଗୁହାରୀ କଲେ ବି ଶୁଣିବାକୁ କିଏ ନାହିଁ। ।  

ଅନ୍ୟପଟେ ଫୁଲବାଣୀ ସ୍ଥିତ ସାଉଥ-କୋ ନିର୍ବ।ହୀ ଯନ୍ତ୍ରୀ କହିଛନ୍ତି, କନ୍ଧମାଳ ଜିଲ୍ଲାର ପ୍ରାୟ ସବୁ ଗାଁକୁ ବିଦ୍ୟୁତ ସଂଯୋଗ ଦେବାଲାଗି କାମ ଜୋରସୋରରେ ଚାଲିଛି। ବାତ୍ୟା ଫୋନି ଲାଗି କାମ ଧିମେଇ ଯାଇଥିଲା । ଏବେ ପୁଣି ଜୋରସୋରରେ ଚାଲିଛି, ଅତିଶୀଘ୍ର ବୁରାଙ୍ଗିଆ ଓ ଆଖପାଖ ଅଂଚଳକୁ ବିଦ୍ୟୁତ୍ ସଂଯୋଗ ଦିଆଯିବ।

ସବୁ ଘରକୁ ବିଦ୍ୟୁତ ସେବା ଲାଗି ସରକାର ବିଜୁ ଗ୍ରାମ୍ୟ ଜ୍ୟୋତି ଯାଜନା, ସୌଭାଗ୍ୟ ଯୋଜନାରେ  ଭଳି ଯୋଜନା ଥିଲେ ବି ସ୍ବାଧୀନତାର  ୭୨ ବର୍ଷ ପରେ ବି  କନ୍ଧମାଳ ଅବହେଳିତ ।  ଜିଲ୍ଲାରେ ବର୍ତମାନ ସୁଦ୍ଧା ୨୭୧ ଗାଁ ଲୋକେ ଅନ୍ଧାରରେ । ଗ୍ରାମବାସୀଙ୍କ ଦାବି ଫଳରେ ସରକାରଙ୍କ ପକ୍ଷରୁ ଲକ୍ଷାଧିକ ଟଙ୍କା ବ୍ୟୟରେ ସୋଲାର ଲାଇଟ୍‌ ବ୍ୟବସ୍ଥା କରାଯାଇଥିଲେ ବି  ଏବେ ତାହା ଅଚଳ। ଏପରି ସ୍ଥିତିରେ  ଗାଁ ଲୋକଙ୍କ ବିଜୁଳି ସ୍ବପ୍ନ କେବେ ପୂରଣ ହେବ ତାକୁ ହିଁ ଅପେକ୍ଷା। 

   Related Posts