Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୦୯ କରୋନା ସଂକ୍ରମିତ, ୩୨୦୮୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||

ଷ୍ଟଲ୍‌ରେ ଅବଢା ଖାଇବା ମନା, ନୂଆ ଗାଇଡଲାଇନ୍ ଜାରି କଲା ଶ୍ରୀମନ୍ଦିର ପ୍ରଶାସନ

14/11/2020 at 11:14 AM

ପୁରୀ,୧୪|୧୧: କାର୍ତ୍ତିକ ଦର୍ଶନାର୍ଥୀଙ୍କ ମହାପ୍ରସାଦ ବ୍ୟବସ୍ଥା ପାଇଁ ଶ୍ରୀମନ୍ଦିର ପ୍ରଶାସନ ଖୋଲିଛି ଅସ୍ଥାୟୀ ଷ୍ଟଲ୍ । ଶ୍ରୀମନ୍ଦିର ଦକ୍ଷିଣ ଏବଂ ଉତ୍ତର ଦ୍ୱାରଠାରେ ପ୍ରଶାସନ ଅସ୍ଥାୟୀ ଷ୍ଟଲ ଖୋଲାଯାଇଛି । ଏହି ଷ୍ଟଲ୍‌ରେ ମହାପ୍ରସାଦ ଖାଇବାକୁ ନେଇ ବିବାଦ ଉଠିଥିଲା । ଏହାର ପ୍ରତିକାର ପାଇଁ ପ୍ରଶାସନ ପକ୍ଷରୁ ଗାଇଡ୍‌ଲାଇନ ମଧ୍ୟ ଜାରି କରାଯାଇଛି । ଏହି ଗାଇଡଲାଇନକୁ ସାଇନେଜ୍‌ ଜରିଆରେ ଭକ୍ତଙ୍କୁ ଅବଗତ କରାଯାଇଛି । ଏଥରେ ୭ଟି ଗାଇଡଲାଇନ୍‌ ସ୍ଥାନ ପାଇଛି । ଏହି ଷ୍ଟଲରେ ମହାପ୍ରସାଦ ସେବନ ନକରିବାକୁ ଶ୍ରଦ୍ଧାଳୁମାନଙ୍କୁ ପରାମର୍ଶ ଦେଇଛି ପ୍ରଶାସନ।

ସୂଚନାନୁସାରେ, ଗତ ଏକ ସପ୍ତାହ ଧରି ଭକ୍ତଙ୍କୁ ଅବଢ଼ା ସେବା ପାଇଁ ଶ୍ରୀମନ୍ଦିର ଉତ୍ତର ଏବଂ ଦକ୍ଷିଣ ଦ୍ୱାର ଆଗରେ ଅସ୍ଥାୟୀ ଷ୍ଟଲ ଖୋଲା ଯାଇଛି। ଏହି ଷ୍ଟଲରୁ ଟୋକନ୍‌ କାଟି ଶ୍ରଦ୍ଧାଳୁମାନେ ମହାପ୍ରସାଦ ପାଇପାରିବେ । ତେବେ ଷ୍ଟଲ ଆରମ୍ଭ ହେବାର ଦୁଇ ଦିନ ଧରି ଷ୍ଟଲ ପରିସରରେ ଭକ୍ତମାନେ ଚୌକିରେ ବସି ଅବଢ଼ା ସେବନ କରିବା ଘଟଣାକୁ ନେଇ ବିବାଦ ହୋଇଥିଲା । ଏହି ଘଟଣା ନେଇ ସିଂହଦ୍ୱାର ଥାନାରେ ଏତାଲା ଦିଆଯାଇଛି । ଏହି କାରଣରୁ ପ୍ରଶାସନର ଗାଇଡଲାଇନକୁ ଗୁରୁତ୍ୱ ଦିଆଯାଉଛି ।

ଏହି ଗାଇଡଲାଇନ୍‌ରେ କୋଭିଡ୍‌ କଟକଣାର ସାମାଜିକ ଦୂରତା ରକ୍ଷା, ମାସ୍କ ପରିଧାନ, ଶ୍ରଦ୍ଧାଳୁମାନେ ଷ୍ଟଲରୁ ମହାପ୍ରସାଦ ନେଇ ନିଜ ନିଜ ଘର, ଲଜିଂ, ହୋଟେଲ, ଧର୍ମଶାଳା, ମଠକୁ ନେଇ ସେବନ କରିବାକୁ ପରାମର୍ଶ ଦିଆଯାଇଛି। ସେହିଭଳି ଷ୍ଟଲ ପରିସରରେ ଭକ୍ତମାନେ ମହାପ୍ରସାଦ ସେବନ କରି ପାରିବେ ନାହିଁ ବୋଲି କୁହାଯାଇଛି । ଭୋଗମଣ୍ଡପ ସରିବାର କିଛି ସମୟ ପୂର୍ବରୁ ଏବଂ ପରେ ଆବଶ୍ୟକ ମୁତାବକ ମହାପ୍ରସାଦ ପାଇଁ ଟୋକନ କାଟିବା, ଆନନ୍ଦବଜାରରେ ଅନ୍ନ ପ୍ରସାଦ ଥିବା ପର୍ଯ୍ୟନ୍ତ ଶିବିରରେ ଟୋକନ କଟାଯିବା ଏବଂ ସକାଳ ଠାରୁ ରାତି ନଅଟା ପର୍ଯ୍ୟନ୍ତ ଭକ୍ତମାନେ ଶୁଖିଲା ମହାପ୍ରସାଦ ପାଇବେ ବୋଲି ଗାଉଡଲାଇନରେ ସୂଚନା ରହିଛି ।

   Related Posts