Monday, September 16, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୩୦ରେ କେନ୍ଦ୍ରରେ ନୂଆ ସରକାର, ପ୍ରଧାନମନ୍ତ୍ରୀ ଭାବେ ଦ୍ବିତୀୟ ଇଂନିସ ଆରମ୍ଭ କରିବେ ମୋଦି ଆଜି ବିଜେପି ସଂସଦୀୟ ଦଳ ସହ ଏନଡିଏ ନେତାଙ୍କ ବୈଠକ

ନୂଆଦିଲ୍ଲୀ ୨୫|୫: କେନ୍ଦ୍ରରେ ସରକାର ଗଠନ ନେଇ ଆରମ୍ଭ ହୋଇଯାଇଛି ପ୍ରକ୍ରିୟା । ଐତିହାସିକ ବିଜୟ ହାସଲ ପରେ ବିଜେପି ଏବେ ସରକାର ଗଠନ ନେଇ ପ୍ରସ୍ତୁତିରେ ଲାଗିପଡିଛି । ଆଜି ବସିବ ବିଜେପି ସଂସଦୀୟ ଦଳ ବୈଠକ । ବୈଠକରେ ନରେନ୍ଦ୍ର ମୋଦିଙ୍କୁ ସଂସଦୀୟ ଦଳର ନେତା ନିର୍ବାଚନ ପାଇଁ କେବଳ ଔପଚାରିକତା ରହିଯାଇଛି ।  ବୈଠକକୁ ବିଜେପି ଶାସିତ ରାଜ୍ୟ ମୁଖ୍ୟମନ୍ତ୍ରୀମାନଙ୍କୁ ଆମନ୍ତ୍ରଣ କରାଯାଇଛି ।

ବିଜେପି ବୈଠକ ପରେ ନବନିର୍ବାଚିତ ଜାତୀୟ ଗଣତାନ୍ତ୍ରିକ ମେଣ୍ଟ, ଏନ୍‌ଡିଏ ସାଂସଦଙ୍କର ବୈଠକ ବସିବ । ସଂସଦ ଭବନର କେନ୍ଦ୍ରୀୟ ହଲ୍ ରେ ସନ୍ଧ୍ୟା ୫ଟାରେ ଏହି ବୈଠକ ବସିବ। ନରେନ୍ଦ୍ର ମୋଦିଙ୍କୁ ପୁନଃ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ପୂର୍ବରୁ ଘୋଷଣା କରାଯାଇଥିବାରୁ ଏହି ବୈଠକରେ ତାଙ୍କୁ ବିଧିବଦ୍ଧ ଭାବେ ନେତା ନିର୍ବାଚନ କରାଯିବ । ମୋଦି ନବନିର୍ବାଚିତ ସଦସ୍ୟମାନଙ୍କୁ ଉଦ୍‌ବୋଧନ ଦେବା କାର୍ଯ୍ୟକ୍ରମ ରହିଛି ।

ଏନଡିଏ ବୈଠକରେ ଶିବସେନା ସୁପ୍ରିମୋ ଉଦ୍ଧବ ଠାକରେ, ଲୋକ ଜନଶକ୍ତି ପାର୍ଟି ନେତା ରାମବିଳାସ ପାଶ୍ବାନଙ୍କ ସମେତ ବହୁ ବରିଷ୍ଠ ନେତା ଉପସ୍ଥିତ ରହିବେ । ବୈଠକ ପରେ ବିଜେପି ଅଧ୍ୟକ୍ଷ ଅମିତ ଶାହା ପୃଥକ ପୃଥକ ଭାବେ ବିଭିନ୍ନ ଦଳର ନେତାଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି । ୩୦ରେ ନୂଆ ସରକାର ଶପଥ ନେବାର କାର୍ଯ୍ୟକ୍ରମ ରହିଛି ।

90 Views

   ସମ୍ବନ୍ଧିତ ଖବର