Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଲଣ୍ଡନରେ କରୋନା ଅଣାୟତ୍ତ, ମେୟର ଘୋଷଣା କଲେ ‘ମେଜର ଇନ୍‌ସିଡେଣ୍ଟ’

8/01/2021 at 9:47 PM

ଲଣ୍ଡନ ୦୮/୦୧:  ଇଂଲଣ୍ଡ ରାଜଧାନୀ ଲଣ୍ଡନରେ ଏବେ କରୋନା ପୁଣି ଥରେ ତାଣ୍ଡବ ରଚିଛି। ଦିନକୁ ଦିନ ସ୍ଥିତି ଅଣାୟତ୍ତ ଆଡ଼କୁ ଯାଉଛି। ଏପରିକି ହସ୍ପିଟାଲରେ ପୁଣି ଥରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଥିବା ବେଳେ ମୃତକଙ୍କ ସଂଖ୍ୟା ବି ବଢ଼ୁଛି। ଏହାକୁ ନଜରରେ ରଖି ଲଣ୍ଡନ ମେୟର ‘ମେଜର ଇନସିଡେଣ୍ଟ’(ବଡ଼ ଘଟଣା) ବୋଲି ଘୋଷଣା କରିଛନ୍ତି। ଏହାର ଅର୍ଥ କୌଣସି ବିଷମ  ପରିସ୍ଥିତିରେ ଘୋଷଣା କରାଯାଉଥିବା ଜରୁରୀକାଳୀନ ପରିସ୍ଥିତିକୁ ବୁଝାଏ। ପୁଣିଥରେ କରୋନା ରୋଗୀଙ୍କ ସଂଖ୍ୟା ବୃଦ୍ଧି ପାଇବାରୁ ନେଇ ମେୟର ସାଦିକ୍‌ ଖାନ ଶୁକ୍ରବାର ଏହାକୁ ‘ମେଜର ଇନସିଡେଣ୍ଟ’ ବୋଲି ଘୋଷଣା କରିଛନ୍ତି।

ସାଦିକ୍‌ ଖାନ ରାଜଧାନୀବାସୀଙ୍କୁ ଘରେ ରହିବା ସହ ହସ୍ପିଟାଲରେ ଅଜଥା ଭିଡ଼ ନଜମାଇବା ପାଇଁ ଅପିଲ୍‌ ମଧ୍ୟ କରିଛନ୍ତି। ଲଣ୍ଡନରେ ସ୍ଥିତି ଅଣାୟତ୍ତ ଆଡ଼କୁ ଯାଇଥିବା ବେଳେ ପ୍ରତି ଦିନ ୮୦୦୦ କଲ୍‌ ଆମ୍ବୁଲାନ୍ସ ପାଖକୁ ଯାଉଥିବା ଜଣାପଡ଼ିଛି। ତେବେ ସ୍ଥାନୀୟ କର୍ମଚାରୀ, ଦଳୀୟ ନେତା, ସ୍ବାସ୍ଥ୍ୟ କର୍ମଚାରୀଙ୍କ ସହ ଆଲୋଚନା ପରେ ମେୟର ସାଦିକ୍‌ ଖାନ୍‌ ‘ମେଜର ଇନସିଡେଣ୍ଟ’ ଘୋଷଣା କରିଛନ୍ତି।

ପୁଣିଥରେ ଲଣ୍ଡନରେ ପ୍ରତି ଲକ୍ଷେ ଲୋକଙ୍କ ମଧ୍ୟରେ ହଜାରେ କରୋନା ପଜିଟିଭ୍‌ ଚିହ୍ନଟ ହେଉଛନ୍ତି। ଯାହାକି ସ୍ଥାନୀୟ ପ୍ରଶାସନ ପାଇଁ ମୁଣ୍ଡବିନ୍ଧାର କାରଣ ପାଲଟିଛି। ୩୦ ଡିସେମ୍ବରରୁ ୬ ଜାନୁଆରୀ ମଧ୍ୟରେ ଲଣ୍ଡନ ହସ୍ପିଟାଲରେ ରୋଗୀଙ୍କ ସଂଖ୍ୟାରେ ୨୭ ପ୍ରତିଶତ ବୃଦ୍ଧି ଘଟିଥିବା ବେଳେ ଭେଣ୍ଟିଲେଟର‌ରେ ରୋଗୀଙ୍କ ସଂଖ୍ୟାରେ ୪୨ ପ୍ରତିଶତ ବୃଦ୍ଧି ଘଟିଛି। କେବଳ ୬ ଦିନ ମଧ୍ୟରେ ଭେଣ୍ଟିଲେଟରରେ ୨୬୮ ରୋଗୀ ରହିଛନ୍ତି। ସେପଟେ ମୃତ୍ୟୁ ସଂଖ୍ୟା ୪୭୭ରେ ପହଞ୍ଚିଲାଣି।

ଲଣ୍ଡନରେ ସ୍ଥିତି ଅଣାୟତ୍ତ। ଆୟତ୍ତରେ ନାହିଁ କରୋନା ମହାମାରୀ। ଲଣ୍ଡନରେ ସଂକ୍ରମିତଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ତେବେ ଗତ ଏପ୍ରିଲ୍‌ ଭଳି ସ୍ଥିତି ହୋଇଯାଇଛି ବୋଲି ମେୟର ସାଦିକ୍‌ ଖାନ।

   Related Posts