Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଜିଲାନ୍ସ ନିର୍ଦ୍ଦେଶକଙ୍କ ବିୟୋଗରେ ଶୋକ ପ୍ରକାଶ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ଘରୁ ଉଠାଇ ନେଇ ନାବାଳିକାଙ୍କୁ ଦୁଷ୍କର୍ମ, ୨ ଗିରଫ
  • ||
  • ଆଖିବୁଜିଲେ ଫ୍ଲାଇଂ ଶିଖ୍ ତଥା କିମ୍ୱଦନ୍ତୀ ଧାବକ ମିଲଖା ସିଂହ
  • ||
  • ବରିଷ୍ଠ ଆଇପିଏସ୍‌ ଅଧିକାରୀ ତଥା ରାଜ୍ୟ ଦୁର୍ନୀତି ନିବାରଣ ବିଭାଗର ନିର୍ଦ୍ଦେଶକ ଦେବାଶିଷ ପାଣିଗ୍ରାହୀଙ୍କର ପରଲୋକ
  • ||
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||

ସିଟି ବ୍ୟାଙ୍କ ଠକେଇର ମାଷ୍ଟରମାଇଣ୍ଡ ପୁଣି ଗିରଫ, କୋର୍ଟ ସମନ ସତ୍ତ୍ଵେ ଥିଲେ ଫେରାର, ୪୦୦ କୋଟି ହଡପରେ ମୁଖ୍ୟ କାର୍ପଟଦାର

16/11/2020 at 8:27 PM

ନୂଆଦିଲ୍ଲୀ ୧୬/୧୧ : ସିଟି ବ୍ୟାଙ୍କ ସ୍କାମ୍ ମାମଲାର ମାଷ୍ଟରମାଇଣ୍ଡ ଶିବରାଜ ପୁରୀଙ୍କୁ ପୁଣି ଗିରଫ କରିଛି ପୋଲିସ । ପୂର୍ବରୁ ପ୍ରାୟ ୪ ଶହ କୋଟି ଟଙ୍କାର ସିଟି ବ୍ୟାଙ୍କ ଠକେଇ ମାମଲାରେ ଗିରଫ ହୋଇଥିଲେ ଶିବରାଜ ପୁରୀ । ୨୦୧୦ରେ ସିଟି ବ୍ୟାଙ୍କରେ କାର୍ଯ୍ୟ କରୁଥିବା ବେଳେ ତାଙ୍କ ନାଁରେ ୪ ଶହ କୋଟି ଟଙ୍କା ଠକେଇ ଅଭିଯୋଗ ଆସିଥିଲା ।

ସୂଚନା ମୁତାବକ ସେ ଗୁରଗାଓଁର ଏକ ସିଟି ବ୍ୟାଙ୍କରେ କାର୍ଯ୍ୟରତ ଥିଲେ । ବ୍ୟାଙ୍କର କାଗଜପତ୍ରକୁ କୌଣସି ମତେ ଜାଲିଆତି କରି ସେହି ବ୍ୟାଙ୍କରେ ଆକାଉଣ୍ଟ ଥିବା ଲୋକଙ୍କ ଖାତାରୁ ପ୍ରାୟ ୪ ଶହ କୋଟି ହଡପ କରି ଅନ୍ୟ ଘରୋଇ ବ୍ୟାଙ୍କକୁ ଟ୍ରାନସଫର କରିନେଇଥିଲେ । ତେବେ ବ୍ୟାଙ୍କ ପକ୍ଷରୁ ଅଭିଯୋଗ କରାଯିବା ପରେ ପୋଲିସ ତାଙ୍କୁ ଗିରଫ କରିଥିଲା । ଅଢେଇ ବର୍ଷ ଜେଲରେ ରହିବା ପରେ ଜାମିନରେ ଆସିଥିଲେ ଶିବରାଜ । ପୁନଶ୍ଚ ସେହି ମାମଲାରେ ୨୦୧୮ରେ ହାଜର ହେବାକୁ କୋର୍ଟ ସମନ ଜାରିକରିଥିବା ବେଳେ ଆଉ ଧରାଛୁଆଁ ଦେଇନଥିଲେ ଶିବରାଜ । ବହୁ ଖୋଜାଖୋଜି ପରେ ମଧ୍ୟ ତାଙ୍କର କୌଣସି ଟେର ପାଇନଥିଲା ପୋଲିସ ।  

ନଭେମ୍ବର ୧୩ରେ ଶିବରାଜ ଡେରାଡୁନରେ ଲୁଚିଥିବା କୌଣସି ସୂତ୍ରରୁ ଖବର ପାଇଥିଲା ପୋଲିସ । ସେଠାରେ ସେ ତାଙ୍କର ଅପରାଧିକ କାର୍ଯ୍ୟକଳାପ ଜାରି ରଖିଥିଲେ । ତେବେ ପୋଲିସ ସେହି ସ୍ଥାନରେ ଚଢାଉ କରି ତାଙ୍କୁ ଗିରଫ କରିବା ସହ ନ୍ୟାୟିକ ହେପାଜତକୁ ପଠାଇଛି । ଏହି ଘଟଣାର ତଦନ୍ତ ଚାଲିଛି ବୋଲି ସ୍ୱତନ୍ତ୍ର ଅନୁସନ୍ଧାନକାରୀ ଦଳର ମୁଖ୍ୟ ଏସିପି (କ୍ରାଇମ) ପ୍ରୀତ ପାଲ ସାଙ୍ଗୱାନ କହିଛନ୍ତି। ତେବେ ଶିବରାଜ ଆହୁରି ଅନେକ ଅପରାଧିକ ମାମଲାରେ ଜଡିତ ଥିବା ଜାଣିବାକୁ ପାଇଛି ପୋଲିସ ।

   Related Posts