Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଘେରି ଯାଇଥିଲେ ସିଂହ, କିନ୍ତୁ ଲମ୍ଫ ମାରିଲା ମଇଁଷି, ଶିକାର ଓ ଶିକାରୀଙ୍କ ଦୌଡରେ ଜିତିଲା କିଏ ? ସୋସିଆଲ ମିଡିଆରେ ଭିଡିଓ ଜିଣିଲା ମନ

29/05/2020 at 7:49 PM

ନୂଆଦିଲ୍ଲୀ, ୨୯|୦୫: ସୋସିଆଲ ମିଡିଆରେ ଅନେକ ସମୟରେ ବିଭିନ୍ନ ପ୍ରକାରର ଭିଡିଓ ଭାଇରାଲ ହୋଇଥାଏ । ଏପରି କିଛି ଭିଡିଓ ୟୁଜରଙ୍କୁ ଆକୃଷ୍ଟ କରିଥାଏ । ୟୁଜର ଏହାକୁ ଲାଇକ୍ ଓ ସେୟାର କରିଥାନ୍ତି । ଏପରି ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ଏହା ବନ୍ୟଜନ୍ତୁଙ୍କ ଉପରେ ଆଧାରିତ । ଏହି ଭିଡିଓରେ କିଛି ସିଂହ ଏକ ଓ୍ୱାଇଲ୍ଡ୍ ବିଷ୍ଟ୍ ବା ବଣ ମଇଁଷି ଶିକାର କରୁଥିବା ଦେଖିବାକୁ ମିଳିଛି । କିନ୍ତୁ ଏହି ଭିଡିଓରେ ଏପରି କିଛି ଅଛି ଯାହା ସମସ୍ତଙ୍କୁ ଆକର୍ଷିତ କରୁଛି ।

ଏହି ଭିଡିଓରେ ବଣ ମଇଁଷିଟି ଏକ ନଦୀ କୂଳକୁ ପାଣି ପିଇବାକୁ ଯାଉଛି । ସେହି ସମୟରେ କିଛି ସିଂହ ତାକୁ ଶିକାର କରିବା ପାଇଁ ଜଗି ରହିଛନ୍ତି । ଏହି ସମୟରେ ଏପରି କିଛି ଘଟୁଛି ଯେଉଁଥିପାଇଁ ବଣ ମଇଁଷିଟି ଶିକାରୀଙ୍କ କବଳକୁ ଖସି ଯାଉଛି ।ସିଂହମାନେ ଆକ୍ରମଣ କରୁଥିବା ବେଲେ ବଣ ମଇଁଷିଟି ସିଂହଙ୍କୁ ଚକମା ଦେଇ ହରିଣ ଭଳି ପାଣି ଭିତରକୁ ଲମ୍ଫ ପ୍ରଦାନ କରି ସେଠାରୁ ପଳାଇଯାଉଛି ।

ଏହି ଭିଡିଓକୁ ଆଇଏଫଏସ ଅଧିକାରୀ ସୁଶାନ୍ତ ନନ୍ଦ ନିଜ ଟ୍ୱିଟର ପେଜରେ ସେୟାର କରିଛନ୍ତି । ତେବେ ବଣ ମଇଁଷିଟି ଖସିଯିବା ପରେ ମଧ୍ୟ ତିନୋଟି ସିଂହ ତାକୁ ଗୋଡାଉଛନ୍ତି । କିନ୍ତୁ ବଣ ମଇଁଷିଟି ଦ୍ରୁତ ଗତିରେ ପଳାଉଛି । ଏହି ୧୮ ସେକେଣ୍ଡର ଭିଡିଓକୁ ୟୁଜରମାନେ ବହୁ ମାତ୍ରାରେ ସେୟାର କରିଛନ୍ତି । ଏହାସହ ଲାଇକ୍ ଓ କମେଣ୍ଟ ମଧ୍ୟ କରିଛନ୍ତି ।

   Related Posts