Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗୀର : ମମିତା ମେହେର ହତ୍ୟା ଘଟଣାରେ ନୂଆ ଟ୍ବିଷ୍ଟ୍ : କାର୍‌ରେ ନୁହେଁ ହଷ୍ଟେଲରେ ତଣ୍ଟି ଚିପି ମାରିଛି ଗୋବିନ୍ଦ !
  • ||
  • ତେଲକୋଇ : ତେଲକୋଇ ରେଞ୍ଜ ଅଞ୍ଚଳରେ ହାତୀ ଆତଙ୍କ, ନଷ୍ଟ କରୁଛନ୍ତି ଏକର ଏକର ଧାନ ଫସଲ
  • ||
  • ବାଣ ଗୋଦାମରେ ଭୟଙ୍କର ଅଗ୍ନିକାଣ୍ଡ: ୫ ମୃତ, ଅନେକ ଆହତ ହୋଇଛନ୍ତି, କ୍ଷତିପୂରଣ ଘୋଷଣା କଲେ ସିଏମ
  • ||
  • ଆସୁଛି ଲଘୁଚାପ, ୨୮ରୁ ୩ ଦିନ ବର୍ଷିବ: ଦକ୍ଷିଣରେ ହାଲକା ବର୍ଷା ସମ୍ଭାବନା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୫୮୫ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୪୯ କୋଭିଡ୍ ପଜିଟିଭ୍
  • ||
  • ଆଜି ମହାପ୍ରଭୁଙ୍କ ବନକଲାଗି ନୀତି, ଅପରାହ୍ନ ୪ଟାରୁ ରାତି ୮ଟା ଯାଏଁ ସାଧାରଣ ଦର୍ଶନ ବନ୍ଦ
  • ||

କ୍ରୁଜ ଡ୍ରଗ ପାର୍ଟି ମାମଲା: ଜାଣନ୍ତୁ ମୁନମୁନ ଧମେଚା କିଏ? କାହିଁକି ଫଶିଲେ NCB ପଞ୍ଜାରେ

5/10/2021 at 9:34 PM

ମୁମ୍ବାଇ ୫।୧୦:  କ୍ରୁଜ ଡ୍ରଗ କେସ୍‌ରେ ନାରକୋଟିକ୍‌ କଣ୍ଟ୍ରୋଲ ବ୍ୟୁରୋ (ଏନସିବି) ଶାହରୁଖଙ୍କ ପୁଅ ସହ ଯେଉଁ ୮ଜଣଙ୍କୁ ଗିରଫ କରିଥିଲେ ସେଥିରେ ସମସ୍ତଙ୍କ ନଜର ଏବେ ମୁନମୁନ୍‌ ଧମେଚାଙ୍କ ଉପରେ। ଆର୍ୟନଙ୍କ ସହ ଷ୍ଟାରକିଡ ଗିରଫ ନେଇ ଆଲୋଚନା ଜୋର ଧରିଥିଲା। ତେବେ ମୁନମୁନ ଷ୍ଟାରକିଡ ନୁହନ୍ତି ବୋଲି ଜଣାପଡିଛି। ସେ ଜଣେ ଫ୍ୟାସନ ମଡେଲ ଓ ମଧ୍ୟପ୍ରଦେଶର ଏକ ବ୍ୟବସାୟୀ ପରିବାରରୁ ଆସିଥିବା କୁହାଯାଇଛି।

ମୁମ୍ବାଇରୁ ଗୋଆ ଯାଉଥିବା କ୍ରୁଜରେ ରେଭପାର୍ଟି ଚାଲିଥିବା ବେଳେ ଏନସିବି ଚଢଉ କରିଥିଲା। ଏଥିରେ ଶାହରୁଖଙ୍କ ପୁଅ ଆର୍ୟନ ଖାନଙ୍କ ସହ ଏନସିବି ମୁନମୁନ ଧମେଚା, ଅର୍ବାଜ ମର୍ଚ୍ଚେଣ୍ଟ, ଇସ୍ମିତ ସିଂହ, ମୋହକ ଜୈସ୍ୱାଲ, ଗୋମିତ ଚୋପ୍ରା, ନୂପୁର ସାରିକା ଓ ବିକ୍ରାନ୍ତ ଛୋକରଙ୍କୁ ମଧ୍ୟ ଗିରଫ କରିଥିଲା। କ୍ରୁଜ ଚଢ଼ଉ କାଳରେ ଏନସିବି ମୁନମୁନଠାରୁ ୫ ଗ୍ରାମ ଚରସ୍‌ ଜବତ କରିଥିଲା। ସେ ଏହି ଚରସ୍ ବିମାନବନ୍ଦର ଓ ଏକ ପଞ୍ଚତାରକା ହୋଟେଲ ମଧ୍ୟସ୍ଥଳରୁ ସେ କାହାଠାରୁ କିଣିଥିବାର କହିଥିଲେ।

ମୁନମୁନ୍‌ ମଧ୍ୟପ୍ରଦେଶ ସାଗରର ବୋଲି ତାଙ୍କ ଇଂଷ୍ଟା ପୋଷ୍ଟରୁ ଜଣାପଡିଛି। ତାଙ୍କ ଉଚ୍ଚ ଶିକ୍ଷା ଲାଗି ମୁନମୁନଙ୍କ ପରିବାର ସାଗରରୁ ଭୋପାଲ ସିଫ୍ଟ ହୋଇଯାଇଥିଲେ। ଏବେ ସାଗରରେ ତାଙ୍କ ପରିବାରର କେହି ରହୁନାହାନ୍ତି। ପିତାମାତାଙ୍କର ମଧ୍ୟ ବିୟୋଗ ହୋଇସାରିଛି। ମୁନମୁନଙ୍କ ଭାଇ ପ୍ରିନ୍ସ ଧମେଚା ଦିଲ୍ଲୀରେ ରହନ୍ତି। ମୁନମୁନ ମଧ୍ୟ ତାଙ୍କ ସହ ରହନ୍ତି। ମୁନମୁନ ଦିଲ୍ଲୀର କୌଣସି ଏକ ଘୋରଇ କମ୍ପାନୀରେ ଜବ କରୁଥିବା ବେଳେ ମଡେଲିଂ, ଫ୍ୟାସନ ଫଟୋଗ୍ରାଫିରେ ସୌକିନ୍‌।

ତେବେ ବଲିଉଡ ସେଲିବ୍ରିଟିମାନେ ନିଜଜୀବନକୁ ନିଜ ଷ୍ଟାଇଲରେ ବଞ୍ଚିବାକୁ ପସନ୍ଦ କରିଥାନ୍ତି। ଯାହା ସେମାନଙ୍କ ପିଲାଙ୍କ ଜୀବନ ଉପରେ ମଧ୍ୟ ଅନେକାଂଶରେ ପ୍ରଭାବ ପକାଇଥାଏ। ସେମାନଙ୍କ ଲାଗି କାଲି ମାନେ କିଛି ନାହିଁ। ଏଣୁ ଛୁଟି କଟାଇବାକୁ ବିଦେଶ ଯାଆନ୍ତୁ କି ପାର୍ଟି କରନ୍ତୁ ସେମାନେ ଜାଣନ୍ତି ମୁଣ୍ଡର ଚୁଟି କିପରି ତଳକୁ ଝୁଲିବ। ତେବେ ସେମାନଙ୍କ ବ୍ୟକ୍ତିଗତ ଜୀବନର ଏହି ଛବିଗୁଡିକୁ ଯଦିଓ ଗୋପନ ରଖନ୍ତି ତେବେ ସେମାନଙ୍କ ବିବାହ ଫୋଟ ସବୁ ଭାଇରାଲ କରାନ୍ତି। ସେମାନେ ପାର୍ଟି ଲାଗି କିପରି ଆତୁର ତାହା ଏହି ଘଟଣା ସ୍ପଷ୍ଟ କରୁଛି।

ଏବେ ଏନସିବି ମାମଲାର ତଦନ୍ତରେ କ୍ରୁଜ ଓ ଇଭେଣ୍ଟ ଆୟୋଜକଙ୍କୁ ମଧ୍ୟ ସାମିଲ କରିବେ ବୋଲି ବିଚାର କରୁଛନ୍ତି। ଏଣୁ ଆଗାମୀ ଭବିଷ୍ୟତରେ ଏନସିବି କ୍ରୁଡ ଓ ଇଭେଣ୍ଟ କମ୍ପାନୀଙ୍କୁ ସମନ କରିପାରନ୍ତି। ତେବେ କ୍ରୁଜ କମ୍ପାନୀ ପ୍ରସଙ୍ଗରେ ଆଗତୁରା ବୟାନ ଜାରି କରିଦେଇଛନ୍ତି। ଏପରି ଘଟଣାରେ ସେମାନେ କିଛି କରିପାରିବେନି ବୋଲି କହିଛନ୍ତି।

   Related Posts