ବଡବିଲ ୬।୫: ଭାରସାମ୍ୟ ହରାଇ ଦୋକାନ ଭିତରକୁ ପଶିଗଲା ୧୬ ଚକିଆ ହାଇୱା । ଗାଡି ଚଲାଉଥିଲେ ହେଲପର । ଘଟଣାସ୍ଥଳରେ ତଦନ୍ତ କରୁଛି ପୋଲିସ ।
ସୂଚନାଯୋଗ୍ୟ ଯେ, ରବିବାର ବିଳମ୍ବିତ ରାତି ପ୍ରାୟ ସାଢେ ୧୨ଟା ସମୟରେ ବଡ଼ବିଲ ପିଏଚଡି ରୋଡ୍ ଭଞ୍ଜ କଲୋନୀ ଛକ ନିକଟରେ ଏହି ଦୁର୍ଘଟଣା ଘଟିଛି । ୧୬ ଚକିଆ ହାଇୱାଟି ଦ୍ରୁତ ଗତିରେ ପିଏଚଡି ପଟୁ ଟାଉନ୍ ପଟକୁ ଆସୁଥିବା ସମୟରେ ଭଞ୍ଜ କଲୋନୀ ଛକ ନିକଟ ଟର୍ଣ୍ଣିଂରେ ଭାରସାମ୍ୟ ହରାଇ ବସିଥିଲା । ଯାହା ଫଳରେ ରାସ୍ତାର ଡାହାଣ ପାର୍ଶ୍ୱକୁ ମାଡ଼ିଯାଇ ସେଠାରେ ଥିବା ୩ଟି ଦୋକାନକୁ ଭାଙ୍ଗି ଭିତରକୁ ପଶି ଯାଇଥିଲା । କ୍ଷତିଗ୍ରସ୍ତ ହୋଇଥିବା ଦୋକାନ ଘରଗୁଡ଼ିକ ଭଗତ ରଜ୍ଜକ ନାମକ ବ୍ୟକ୍ତିଙ୍କର ହୋଇଥିବା ବେଳେ, ଏଗୁଡ଼ିକୁ ସେ ଭଡ଼ା ସୂତ୍ରରେ ଦେଇଥିଲେ । ତେବେ ହାଇୱାକୁ ଗାଡ଼ିର ହେଲପର ଚଲାଉଥିବା ଯୋଗୁଁ ଏଭଳି ଦୁର୍ଘଟଣା ଘଟିଲା ବୋଲି କୁହାଯାଉଛି । ଏନେଇ ଖବର ପାଇବା ପରେ ବଡ଼ବିଲ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
You Can Read :
ବନ୍ଧୁକ ମୁନରେ ୧୫ ଲକ୍ଷ ଟଙ୍କା ଲୁଟ୍, ବାଇକ୍ରେ ଆସିଥିଲେ ୨ ମୁଖାପିନ୍ଧା ଦୁର୍ବୃତ୍ତ
