Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ୟାଟସମ୍ୟାନଙ୍କ ପରେ ବିଫଳ ହେଲେ ଆରସିବି ବୋଲର, ‘କର ବା ମର’ ମ୍ୟାଚରେ ୫ ଓ୍ୱିକେଟରେ ଜିତିଲା ହାଇଦ୍ରାବାଦ
  • ||
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||

ପୂରଣ ହେବ ଆପଣଙ୍କର ସମସ୍ତ ମନସ୍କାମନା : ଆସନ୍ତା କାଲି ସଠିକ୍ ବିଧିରେ କରନ୍ତୁ ଗଣେଶ ଚତୁର୍ଥୀ ବ୍ରତ

10/04/2020 at 6:15 PM

ଶନିବାର ଅପ୍ରେଲ୍ ୧୧ତାରିଖ ବୈଶାଖ ମାସର କୃଷ୍ଣ ପକ୍ଷ ଚତୁର୍ଥୀ। ଏହି ତିଥିରେ ଗଣେଶଙ୍କ ପୂଜା କରାଯାଇଥାଏ ଏବଂ ଭକ୍ତମାନେ ବ୍ରତ ରଖନ୍ତି। ଏହି ତିଥିରେ ଭଗବାନ ଗଣେଶଙ୍କ ଜନ୍ମ ହୋଇଥିଲା। ଚତୁର୍ଥୀରେ ଗଣେଶଙ୍କ ପୂଜା କରନ୍ତୁ ଏବଂ ଶ୍ରୀ ଗଣେଶାୟ ନମଃ ମନ୍ତ୍ର ଜପ କରନ୍ତୁ। ମନ୍ତ୍ର ଜପ ଅତିକମରେ ୧୦୮ଥର କରନ୍ତୁ। ପୂଜାରେ ଗୋଟିଏ ବିଶେଷ କଥା ପ୍ରତି ଧ୍ୟାନ ରଖିବାକୁ ପଡ଼ିଥାଏ ଭଗବାନ ଗଣେଶଙ୍କୁ ତୁଳସୀ ଚଢ଼ାନ୍ତୁ ନାହିଁ। ଏହି ସମ୍ବନ୍ଧରେ ତୁଳସୀ ଏବଂ ଗଣେଷଙ୍କ ସହ ଜଡ଼ିତ ଏକ କଥା ପ୍ରଚଳିତ ରହିଛି। ଜାଣନ୍ତୁ ଏକଥା…

ପ୍ରଚଳିତ କଥା ଅନୁସାରେ ଆଗକାଳରେ ତୁଳସୀ ଭଗବାନ ଗଣେଶଙ୍କୁ ବିବାହ କରିବାକୁ ଚାହୁଁଥିଲେ। ତୁଳସୀ ଗଣେଶଙ୍କୁ ବିବାହ କରିବାକୁ ପ୍ରାର୍ଥନା କରିଥିଲେ,କିନ୍ତୁ ଗଣେଶ ବିବାହ କରିବାକୁ ମନା କରି ଦେଇଥିଲେ। ଗଣେଶ ମନା କରିଦେବାରୁ ତୁଳସୀ ରାଗି ଯାଇଥିଲେ। ରାଗିଯାଇ ତୁଳସୀ ଗଣେଶଙ୍କୁ ୨ଟି ବିବାହ ହେବାର ଅଭିଶାପ ଦେଇଥିଲେ। ଏହି ଅଭିଶାପ ଯୋଗୁଁ ଗଣେଶ ରାଗି ଯାଇଥିଲେ ଏବଂ ସେ ମଧ୍ୟ ତୁଳସୀଙ୍କୁ ଅଭିଶାପ ଦେଇ କହିଥିଲେ ଯେ ତାଙ୍କର ବିବାହ ଜଣେ ଅସୁରଙ୍କ ସହ ହେବ।

ଅସୁରଙ୍କ ସହ ବିବାହ ହେବାର ଅଭିଶାପ ଶୁଣି ତୁଳସୀ ଦୁଃଖୀ ହୋଇଯାଇଥିଲେ,ସେ ଗଣେଶଙ୍କୁ ନିଜ ବ୍ୟବହାର ପାଇଁ କ୍ଷମା ମାଗିଥିଲେ। ଗଣେଶ କହିଥିଲେ ଯେ ତାଙ୍କର ବିବାହ ଶଙ୍ଖଚୂର୍ଣ୍ଣଙ୍କ ସହ ହେବ କିନ୍ତୁ ସେ ଭଗବାନ ବିଷ୍ଣୁଙ୍କର ପ୍ରିୟ ହେବା ସହ ପୂଜା ମଧ୍ୟ ପାଇବେ,କିନ୍ତୁ ତାଙ୍କ ପୂଜାରେ ସେ ବର୍ଜିତ ହେବେ। ଏଥିପାଇଁ ଗଣେଶଙ୍କ ପୂଜାରେ ତୁଳସୀ ଚଢ଼ାଯାଏ ନାହିଁ।

ଚତୁର୍ଥୀ ତିଥିରେ ସକାଳେ ଶୀଘ୍ର ଉଠି ସ୍ନାନ କରିବା ପରେ ସୂର୍ଯ୍ୟଙ୍କୁ ଜଳ ଚଢ଼ାନ୍ତୁ। ଏହା ପରେ ଘରର ମନ୍ଦିରରେ ଗଣେଶଙ୍କ ପୂଜା କରନ୍ତୁ। ପୂଜାରେ ଭଗବାନଙ୍କୁ ସ୍ନାନ କରାନ୍ତୁ।  ବସ୍ତ୍ର ଅର୍ପଣ କରନ୍ତୁ। ତିଳକ ଲଗାନ୍ତୁ। ଆଭୂଷଣ ଚଢ଼ାନ୍ତୁ। ଦୁବ ଅର୍ପଣ କରନ୍ତୁ। ଘରେ ପ୍ରସ୍ତୁତ ହୋଇଥିବା ମିଠା ବ୍ୟଞ୍ଜନ ଭୋଗ ଲଗାନ୍ତୁ। ଧୂପ-ଦୀପ ଜଳାନ୍ତୁ। ଆଳତୀ କରନ୍ତୁ। ପରିକ୍ରମା କରନ୍ତୁ। ଓଁ ଗଂ ଗଣପତୟୈ ନମଃ ମନ୍ତ୍ର ଜପ କରନ୍ତୁ। ପୂଜା ପରେ ପ୍ରସାଦ ଅନ୍ୟ ଭକ୍ତଙ୍କୁ ବିତରଣ କରନ୍ତୁ।

   Related Posts