Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

ଦୀପାବଳି ପୂର୍ବରୁ ରେକର୍ଡ ସ୍ତରରେ ବିଦେଶୀ ମୁଦ୍ରା ଭଣ୍ଡାର : ସପ୍ତାହକ ମଧ୍ୟରେ ୮ ବିଲିୟନ ଡଲାର ବୃଦ୍ଧି

14/11/2020 at 4:58 PM

ନୂଆଦିଲ୍ଲୀ ୧୪/୧୧ : ଦୀପାବଳି ପୂର୍ବରୁ ଦେଶର ବିଦେଶୀ ମୁଦ୍ରା ଭଣ୍ଡାର ନୂଆ ରେକର୍ଡ ସୃଷ୍ଟି କରିଛି । ୬ ନଭେମ୍ବର ସୁଦ୍ଧା ବିଦେଶା ମୁଦ୍ରା ଭଣ୍ଡାର ୫୬୮.୪୯ ବିଲିୟନ ଡଲାରରେ ପହଞ୍ଚି ନୂଆ ରେକର୍ଡ ସୃଷ୍ଟି କରିଛି । ବିଦେଶ ମୁଦ୍ରା ଭଣ୍ଡାର ମାତ୍ର ଗୋଟିଏ ସପ୍ତାହରେ ୭.୭୭ ବିଲିୟନ ଡଲାର ବୃଦ୍ଧି ପାଇଛି । ରିଜର୍ଭ ବ୍ୟାଙ୍କ ତଥ୍ୟ ଅନୁସାରେ ଅକ୍ଟୋବର ୩୦ ଶେଷ ସପ୍ତାହରେ ଦେଶର ବିଦେଶୀ ମୁଦ୍ରା ଭଣ୍ଡାର ୧୮.୩ ବିଲିୟନ ଡଲାର ବୃଦ୍ଧି ପାଇ ୫୬୦.୭୧୫ ବିଲିୟନ ଡଲାରରେ ପହଞ୍ଚିଥିଲା । ତେବେ ବିଦେଶୀ ମୁଦ୍ରା ବୃଦ୍ଧି ପାଇବାର ମୁଖ୍ୟ କାରଣ ହେଉଛି ଏଫସିଏ ବୃଦ୍ଧି । ଏଫସିଏର ବିଦେଶୀ ମୁଦ୍ରା ଭଣ୍ଡାରରେ ମହତ୍ତ୍ବପୂର୍ଣ୍ଣ ଭାଗିଦାରି ରହିଛି ।  ରିଜର୍ଭ ବ୍ୟାଙ୍କ କହିବା ମୁତାବକ ଏଫସିଏ ୬.୪୦୩ ବିଲିୟନ ଡଲାର ବୃଦ୍ଧି ପାଇ ୫୨୪.୭୪୨ ବିଲିୟନ ଡଲାରରେ ପହଞ୍ଚିଛି । ଏଫସିଏକୁ ଡଲାରରେ ଦର୍ଶାଯାଏ କିନ୍ତୁ ଏଥିରେ ୟୁରୋ, ପାଉଣ୍ଡ ଏବଂ ୟେନ୍ ଭଳି ଅନ୍ୟ ବିଦେଶୀ ମୁଦ୍ରା ମଧ୍ୟ ସାମିଲ ଥାଏ ।

କେତେ ବଢିଛି ସୁନା ଭଣ୍ଡାର ?

ନଭେମ୍ବର ୬ ଶେଷ ସପ୍ତାହରେ ସ୍ବର୍ଣ୍ଣ ଭଣ୍ଡାର ୧.୩୨୮ ବିଲିୟନ ଡଲାର ବୃଦ୍ଧିପାଇ ୩୭.୫୮୭ ବିଲିୟନ ଡଲାରରେ ପହଞ୍ଚିଛି । ଦେଶର ଅନ୍ତଃରାଷ୍ଟ୍ରୀୟ ମୁଦ୍ରା କୋଷରେ ମିଳିଥିବା ବିଶେଷ ଉଠାଣ ଅଧିକାର ୭୦ ଲକ୍ଷ ଡଲାର ବଢି ୧.୪୪୮ ବିଲିୟନ ଡଲାରରେ ପହଞ୍ଚିଛି । ସେହିଭଳି ଆଇଏଫସିରେ ଜମା ମୁଦ୍ରା ଭଣ୍ଡାର ୪ କୋଟି ଡଲାର ବୃଦ୍ଧି ପାଇ ୪.୬୭୬ ବିଲିୟନ ଡଲାରରେ ପହଞ୍ଚିଛି ।

ଗତ କିଛି ଦିନ ହେଲା ଦେଶର ଅର୍ଥ ବ୍ୟବସ୍ଥା କ୍ଷେତ୍ରରେ ଭଲ ଖବର ଆସିବାରେ ଲାଗିଛି । କରୋନା ମହାମାରୀ ଭିତରେ ଅର୍ଥନୀତି କିଛି ମାତ୍ରାରେ ସୁଧାର ଆସିବା ଦେଶର ଅର୍ଥ ବ୍ୟବସ୍ଥା ପାଇ ଟନିକ ସଦୃଶ । ମ୍ୟାନୁଫ୍ୟାକ୍ଚରିଂ ଏବଂ ଇ-ଓ୍ବେ ବିଲ କ୍ଷେତ୍ରରେ ଆଶାନୁରୂପ ଅଭିବୃଦ୍ଧି ଦେଖାଦେଇଛି । ଏହାରି ଭିତରେ ବିଦେଶୀ ମୁଦ୍ରା ଭଣ୍ଡାର ରେକର୍ଡ ସ୍ତରରେ ପହଞ୍ଚିବା ଅର୍ଥ ବ୍ୟବସ୍ଥା ପାଇଁ ନିହାତି ଭାବେ ଶୁଭ ଖବର । କରୋନା ମହାମାରୀରେ ଧୂଳିସାତ ହୋଇଯାଇଥିବା ଭାରତର ଅର୍ଥ ବ୍ୟବସ୍ଥା ମୁଣ୍ଡ ଟେକି ଛିଡା ହେବାପାଇଁ ସମୟ ଲାଗିବ ସତ କିନ୍ତୁ କିଛି କିଛି ସେକ୍ଟରରେ ବଜାର କାରବାର ବୃଦ୍ଧି ପାଉଥିବା ଦେଖିବାକୁ ମିଳୁଛି । ଏହା ପୂର୍ବରୁ କରୋନା ପାଇଁ ଦେଶର ଅର୍ଥବ୍ୟବସ୍ଥା ବହୁତ ଖରାପ ହୋଇଯାଇଥିଲା । ଚଳିତ ଆର୍ଥିକ ବର୍ଷର ପ୍ରଥମ ​‌ତ୍ରୖମାସିକରେ ଦେଶର ଜିଡିପି ପାଖାପାଖି ୨୪ ପ୍ରତିଶତ ହ୍ରାସ ପାଇଥିଲା । କିନ୍ତୁ ବର୍ତ୍ତମାନ ଅର୍ଥ ବ୍ୟବସ୍ଥା ପାଇଁ ଭଲ ଖବର ଆସୁଛି । ଜିଏସଟି ମଧ୍ୟ ଆଶାନୁରୂପ ଆଦାୟ ହୋଇଛି।

   Related Posts