ନୂଆଦିଲ୍ଲୀ: ଆଗାମୀ ଲୋକସଭା ନିର୍ବାଚନରେ ଦକ୍ଷିଣ ଦିଲ୍ଲୀ ବିଧାନସଭା ନିର୍ବାଚନମଣ୍ଡଳୀରୁ ପ୍ରାର୍ଥୀ ଭାବରେ ନାମାଙ୍କନପତ୍ର ଦାଖଲ ପାଇଁ ଜଣେ କିନ୍ନରଙ୍କୁ ପୋଲିସ ସୁରକ୍ଷା ପ୍ରଦାନ କରିଛନ୍ତି ଦିଲ୍ଲୀ ହାଇକୋର୍ଟ। ଲୋକସଭା ନିର୍ବାଚନ ପାଇଁ ନାମାଙ୍କନପତ୍ର ଦାଖଲ କରିବା ପାଇଁ ଟ୍ରାନ୍ସଜେଣ୍ଡର ସମ୍ପ୍ରଦାୟର ଜଣେ ବ୍ୟକ୍ତିଙ୍କୁ ଆବଶ୍ୟକୀୟ ସୁରକ୍ଷା ଯୋଗାଇବା ପାଇଁ ଦିଲ୍ଲୀ ହାଇକୋର୍ଟ ପୋଲିସକୁ ନିର୍ଦ୍ଦେଶ ଦେଇଛନ୍ତି।
ଆବେଦନକାରୀ ରାଜନ ସିଂ ରାଷ୍ଟ୍ରିୟ ବାହୁଜନ କଂଗ୍ରେସ ପାର୍ଟିର ସମର୍ଥନରେ ଦକ୍ଷିଣ ଦିଲ୍ଲୀ ସଂସଦୀୟ ଆସନରୁ ନାମାଙ୍କନ ଦାଖଲ କରିବାକୁ ଚାହୁଁଛନ୍ତି। ସେ ଅଭିଯୋଗ କରିଛନ୍ତି ଯେ ବଦରପୁରରେ ତାଙ୍କ ଅଫିସ୍ ଆଗରେ ଆକ୍ରମଣର ଶିକାର ହୋଇଥିଲେ। ତାଙ୍କର ମୌଳିକ ଅଧିକାରର ସୁରକ୍ଷା ତଥା ଉପଯୁକ୍ତ ସୁରକ୍ଷା ସୁନିଶ୍ଚିତ କରିବାକୁ ନିର୍ଦ୍ଦେଶ ଦେବାପାଇଁ ଅପିଲ କରିଥିଲେ।
ଜଷ୍ଟିସ୍ ଅନୁପ କୁମାର ମେଣ୍ଡିରାଟ୍ଟା କହିଛନ୍ତି ଯେ ଭାରତ ସମ୍ବିଧାନର ଧାରା 14 ନିର୍ବାଚନ ପ୍ରକ୍ରିୟାରେ ଅଂଶଗ୍ରହଣ ସମେତ ରାଜ୍ୟ କାର୍ଯ୍ୟକଳାପର ସମସ୍ତ କ୍ଷେତ୍ରରେ ଆଇନଗୁଡ଼ିକର ସମାନ ସୁରକ୍ଷା ସୁନିଶ୍ଚିତ କରେ। ଏଥିରେ କୌଣସି ଲିଙ୍ଗଗତ ଭେଦଭାବ ନଥାଏ।
କୋର୍ଟ କହିଛନ୍ତି ଯେ ଦକ୍ଷିଣ ଦିଲ୍ଲୀ ସଂସଦୀୟ ନିର୍ବାଚନମଣ୍ଡଳୀରୁ ନାମାଙ୍କନପତ୍ର ଦାଖଲ ପାଇଁ ଆବେଦନକାରୀଙ୍କୁ ଆବଶ୍ୟକ ସୁରକ୍ଷା ଯୋଗାଇଦେବା ପାଇଁ ଡିସିପି(ଦକ୍ଷିଣ)କୁ ନିର୍ଦ୍ଦେଶ ଦିଆଯାଇଛି। ନିର୍ବାଚନ ଆୟୋଗର ପରାମର୍ଶଦାତା କହିଛନ୍ତି ଯେ ନାମାଙ୍କନ ପ୍ରକ୍ରିୟା ଏପ୍ରିଲ ୨୯ରୁ ଆରମ୍ଭ ହୋଇଥିଲା ଏବଂ ଆବେଦନକାରୀ ଆଇନ ଅନୁଯାୟୀ ଆବେଦନ କରିଥିଲେ।