ନୂଆଦିଲ୍ଲୀ ୩୦|୫: ଟିଭି ଡିବେଟ୍ ଶୋରୁ ଓହରିଲା କଂଗ୍ରେସ । ମାସେ ପାଇଁ ସମସ୍ତ ଡିବେଟ୍ ଶୋରୁ ମୁଖପାତ୍ରମାନଙ୍କୁ ଦୂରେଇ ରଖିବାକୁ ନିଷ୍ପତ୍ତି ନେଇଛି କଂଗ୍ରେସ । ଏନେଇ କଂଗ୍ରେସର ରାଷ୍ଟ୍ରୀୟ ମୁଖ୍ୟ ମୁଖପାତ୍ର ରଣଦୀପ ସୁର୍ଜେୱାଲା ଟ୍ବିଟ୍ ର ହ୍ୟାଣ୍ଡେଲରେ ଉଲ୍ଲେଖ କରିଛନ୍ତି ।
ଲୋକସଭା ନିର୍ବାଚନରେ କଂଗ୍ରେସର ପରାଜୟ ପରେ କଂଗ୍ରେସର ବରିଷ୍ଠ ନେତାଙ୍କ ସହ ରାହୁଲ ଆଲୋଚନା କରିବା ପରେ ଏଭଳି ନିଷ୍ପତ୍ତି ନିଆଯାଇଥିବା ଜଣାପଡିଛି । ଶନିବାର ଦିନ ହୋଇଥିବା ବୈଠକରେ ଏହି ପ୍ରସଙ୍ଗ ଉଠାଯାଇଥିଲା ଯେ କୌଣସି ମୁଖପାତ୍ରଙ୍କୁ ନ୍ୟୁଜ୍ ବିତର୍କ କାର୍ଯ୍ୟକ୍ରମକୁ ଯିବା ପାଇଁ ବାରଣ କରାଯାଉ |
ସେହିପରି କଂଗ୍ରେସର କୌଣସି ପ୍ରତିନିଧିଙ୍କୁ ମଧ୍ୟ ଡିବେଟ୍ ଶୋରେ ସାମିଲ ନକରିବା ପାଇଁ ସମସ୍ତ ଚ୍ୟାନେଲ ଓ ତାର ସମ୍ପାଦକମାନଙ୍କୁ ଅନୁରୋଧ କରାଯାଇଛି । ଏହା ପୂର୍ବରୁ ସମାଜବାଦୀ ପାର୍ଟି ଏହାର ସମସ୍ତ ମୁଖପାତ୍ରଙ୍କୁ ହଟାଇ ଦେଇଥିଲା । ଟିଭି ଚ୍ୟାନେଲରେ ପକ୍ଷ ରଖୁଥିବା ସମସ୍ତ ମୁଖପାତ୍ରଙ୍କୁ ବାରଣ କରାଯାଇଥିଲା ।
wp:core-embed/twitter {"url":"https://twitter.com/rssurjewala/status/1133924556324954118","type":"rich","providerNameSlug":"twitter","className":""} /wp:core-embed/twitter