ମଧ୍ୟପ୍ରଦେଶ ୨୯/୦୧: ମଧ୍ୟପ୍ରଦେଶ ଭୀଣ୍ଡର ସିନ୍ଧ ନଦୀରେ ବୁଡିଗଲା ଡଙ୍ଗା । ଚାହୁଁ ଚାହୁଁ ଆଖି ଆଗରେ ବୁଡିଯାଇଥିଲା ଡଙ୍ଗା । ୧୦ ଜଣଙ୍କୁ ନେଇ ଯାଉଥିବା ଏହି ଡଙ୍ଗାଟି ହଠାତ୍ ପାଣିରେ ବୁଡିଯାଇଥିଲା । ହେଲେ ନଦୀ କୂଳ ଥିବାରୁ ସଂଗେ ସଂଗେ ସେଠାକାର ଲୋକେ ୮ ଜଣଙ୍କୁ ଉଦ୍ଧାର କରି ବାରେ ସକ୍ଷମ ହୋଇଥିଲେ । ହେଲେ ଆଉ ଦୁଇଜଣ ନିଖୋଜ ଅଛନ୍ତି । ଉଦ୍ଧାର କାର୍ଯ୍ୟ ଜାରି ରହିଛି ।

wp:html

A boat carrying 10 persons capsized in Sindh river in ​​Bhind eight persons were rescued and two were missing. They were returning after attending a religious feast @ndtv @ndtvindia pic.twitter.com/fpJrE3Y769

— Anurag Dwary (@Anurag_Dwary) January 29, 2022

/wp:html

ସୂଚନା ଥାଉକି, ଡଙ୍ଗାରେ ଯାଉଥିବା ଲୋକମାନେ ଏକ ଧାର୍ମିକ ଭୋଜିରେ ଯୋଗଦେବାକୁ ଯାଇଥିଲେ । ସେଠାରୁ ଫେରୁଥିବା ସମୟରେ ଏହି ଦୁର୍ଘଟଣା ଘଟିଥିଲା । ତେବେ ଡଙ୍ଗା ବୁଡିବାର ଏକ ଭିଡିଓ ଭାଇରାଲ ହୋଇଛି । ଭିଡିଓରେ ଦେଖିବାକୁ ମିଳୁଛି ଯେ, କିଛି ଲୋକ ଡଙ୍ଗାରେ ବସିଛନ୍ତି । ତା’ପରେ ଡଙ୍ଗା ଗୋଟିଏ ପାର୍ଶ୍ୱରୁ ବୁଡ଼ିବାକୁ ଲାଗୁଛି । ଆସ୍ତେ ଆସ୍ତେ କିଛି ସମୟ ପରେ ଡଙ୍ଗାଟି ସଂପୂର୍ଣ୍ଣ ପାଣିରେ ବୁଡ଼ିଗଲା ।

ଲୋକେ ମଧ୍ୟ ଧୀରେ ଧୀରେ ବୁଡିବାକୁ ଲାଗନ୍ତି । ତେବେ କିଛି ଲୋକେ ଏହାକୁ ଦେଖିବାପରେ ସଂଗେ ସଂଗେ ଆସି ସାହାଯ୍ୟ କରନ୍ତି । କିଛି ଲୋକ ନିଜେ ପାଣିକୁ ଡେଇଁ ସାହାଯ୍ୟ କରୁଥାନ୍ତି । ଆଉ କିଛି ଲୋକ ଭିଡିଓରେ ବଞ୍ଚିବା ପାଇଁ ଚିତ୍କାର କରୁଥିବା ଦେଖିବାକୁ ମିଳିଛି। ତେବେ ଏହି ଭିଡିଓଟିକୁ ନଦୀ ଏପାଖରେ ଜଣେ ମୋବାଇଲରେ ସୁଟିଂ କରିଥିଲେ । ଯାହାକି ଏବେ ଭାଇରାଲ ହେବାରେ ଲାଗିଛି ।