ଜଳେଶ୍ୱର, ୦୫/୧୨ : ବାଲେଶ୍ୱର ଜିଲ୍ଲା ବସ୍ତା ବ୍ଲକ ନାଟକଟା ପଞ୍ଚାୟତରେ ୧୮ ଟିକିଆ ହାତୀ ପଲଙ୍କ ଉପଦ୍ରଵ । ଭାଙ୍ଗିଲେ ବହୁ ଗଛ । ନଷ୍ଟ କଲେ ବହୁ ଧାନ ଖେତ । ତେବେ ହାତୀ ଘଉଡାଇବାରେ ବନ ବିଭାଗ ବିଫଳ ହୋଇଥିବା ସୂଚନା ମିଳିଛି ।
ସୂଚନା ଅନୁଯାୟୀ, ବାଲେଶ୍ଵର ଜିଲ୍ଲା ବସ୍ତା ବ୍ଲକ ନଟାକଟା ପଞ୍ଚାୟତରେ ଗତ ଶନିବାର ରାତି ସମୟରେ ୧୮ ଟିକିଆ ହାତୀପଲ ପ୍ରବେଶ କରି ଉପଦ୍ରଵ କରିଥିବା ଦେଖିବାକୁ ମିଳିଛି । ଏହି ପଞ୍ଚାୟତର ବସନ୍ତପୁର, ନରଣପୁର, ଶ୍ୟାମସୁନ୍ଦରପୁର, ବଡ଼ ଚାରିଗାଁ , ଛୋଟ ଚାରିଗାଁରେ ବହୁ ଧାନ ବିଲରୁ ଫସଲ ନଷ୍ଟ କରିଛନ୍ତି ହାତୀପଲ । ଏହା ସହିତ ଗଛ ପତ୍ର ଭାଙ୍ଗି ଦେଇଛନ୍ତି ।
ବିଳମ୍ବିତ ରାତି ପର୍ଯ୍ୟନ୍ତ ହାତୀ ପଲ ଗାଁରେ ତାଣ୍ଡବରଚିଥିଲା ବେଳେ ବନ ବିଭାଗ ଘଉଡାଇବାରେ ବିଫଳ ହୋଇଥିଲା । ଏବେ ହାତୀ ପଲ ପାଖ ଜଙ୍ଗଲରେ ଥିବାର ସୂଚନା ମିଳିଛି ।