Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ : ହାଇଓ୍ୱାକୁ ପଛ ପଟୁ ପିଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୪୦ ଯାତ୍ରୀ
  • ||
  • ଫେବୃଆରୀ ପାଇଁ କୋଭିଡ୍ ଗାଇଡ୍ଲାଇନ୍: ଏବେ ସିନେମା ହଲ୍ରେ ବସି ପାରିବେ ୫୦%ରୁ ଅଧିକ ଦର୍ଶକ, ସଭିଙ୍କ ପାଇଁ ଖୋଲିଲା ସ୍ଵିମିଂ ପୁଲ୍
  • ||
  • ଜାମିନ ସତ୍ତ୍ଵେ ଜେଲ୍‌ରେ ରହିବେ ପାଠକ ବାପ-ପୁଅ
  • ||
  • ପାଠକ ବାପ-ପୁଅଙ୍କୁ ମିଳିଲା ଜାମିନ‌
  • ||
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||

କାନାଡ଼ାରେ ଭାରତୀୟ ଯୁବକଙ୍କ ସନ୍ଦେହଜନକ ମୃତ୍ୟୁ; ମୃତଦେହ ଶୀଘ୍ର ଫେରାଇ ଆଣିବାକୁ ଭାରତ ସରକାରଙ୍କୁ ନିବେଦନ କଲେ ପରିବାରଲୋକେ

27/11/2018 at 5:53 PM

ଟରଣ୍ଟୋ ୨୭/୧୧ : କାନାଡ଼ାରେ ଭାରତୀୟ ଯୁବକଙ୍କ ସନ୍ଦେହଜନକ ମୃତ୍ୟୁ | ଯୁବକଙ୍କ ମୃତଦେହ ଘରପାଖ ଏକ ଗଛରେ ଝୁଲୁଥିବା ଅବସ୍ଥାରେ ଉଦ୍ଧାର ହୋଇଛି | ଯୁବକଙ୍କ ପରିବାରଲୋକେ ଯୁବକଙ୍କୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି | ପୋଲିସ ଘଟଣାର ତଦନ୍ତ କରୁଛି |
ମୃତ ଯୁବକ ଜଣକ ହେଲେ ୨୧ ବର୍ଷ ବୟସ୍କ ଵିଶାଲ ଶର୍ମା | ତାଙ୍କ ଘର ପଞ୍ଜାବର ନାଭା ଅଂଚଳରେ | ଵିଶାଲ କାନାଡ଼ାରେ ହୋଟେଲ ମ୍ୟାନେଜମେଣ୍ଟ ପାଠ ପଢୁଥିଲେ | ଟରଣ୍ଟୋ ପୋଲିସ ଵିଶାଲଙ୍କ ପରିବାରକୁ ପୁଅର ମୃତ୍ୟୁ ଖବର ଦେଇଛି |

ଟରଣ୍ଟୋ ପୋଲିସ ମୃତ ଵିଶାଲଙ୍କ ବାପା ନରେଶ ଶର୍ମାଙ୍କୁ କହିଛି ଯେ, ଘଟଣାର ତଦନ୍ତ ଚାଲିଛି | ଘଟଣା ସମ୍ପର୍କରେ ସତ୍ୟାସତ୍ୟ ଜାଣିବାକୁ ୩ରୁ ୪ଦିନ ସମୟ ଲାଗିବ ବୋଲି ସେ ଵିଶାଲଙ୍କ ବାପାଙ୍କୁ ସୂଚନା ଦେଇଛନ୍ତି | ତେବେ ଯୁବକଙ୍କୁ ହତ୍ୟା କରାଯାଇଛି ନା ସେ ଆତ୍ମହତ୍ୟା କରିଛନ୍ତି ସେ ନେଇ ପୋଲିସ ତଦନ୍ତ କରୁଛି |

ସୂଚନାଯୋଗ୍ୟ ଯେ, ଵିଶାଲ ଟରଣ୍ଟୋରେ ଏକ ଯୁବକଙ୍କ ସହ ମିଶି ଏକ ଆପାର୍ଟମେଣ୍ଟରେ ରହୁଥିଲେ | ଅନ୍ୟ ଜଣେ ଯୁବକଙ୍କ ଘର ମଧ୍ୟ ନାଭାରେ | ଵିଶାଲଙ୍କ ଘରଲୋକ କହିଛନ୍ତି ଯେ, ଵିଶାଲର କୌଣସି ସମସ୍ୟା ବା ଅସୁବିଧା ନଥିଲା | ସେ ଖୁସି ଥିଲେ | ନିକଟରେ ଏକ ବିବାହ ଉତ୍ସବରେ ଯୋଗ ଦେବା ପାଇଁ ଵିଶାଲ ନାଭା ଯାଇଥିଲେ | ଏହାପରେ ସେ ସେପ୍ଟେମ୍ବର ମାସରେ କାନାଡ଼ା ଫେରିଯାଇଥିଲେ | ଗାତ ଶନିବାର ଏବଂ ରବିବାର ଘରଲୋକେ ଵିଶାଲଙ୍କ ସହ ଫୋନରେ କଥା ହୋଇଥିଲେ ବୋଲି କହିଛନ୍ତି | ଵିଶାଲଙ୍କ ମୃତଦେହ ଶୀଘ୍ର ଭାରତକୁ ଆଣିବା ପାଇଁ ବ୍ୟବସ୍ଥା ପାଇଁ ଵିଶାଲଙ୍କ ଘରଲୋକ ଭାରତ ସରକାରଙ୍କୁ ନିବେଦନ କରିଛନ୍ତି

   Related Posts