ଗୋଲ୍ଡେନ ବଏକୁ ସିଲ୍‌ଭର ମେଡାଲ; ଜୁରିଖ୍‌ ଡାଏମଣ୍ଡ୍‌ ଲିଗ୍‌ରେ ନୀରଜ ଫିଙ୍ଗିଲେ ୮୫.୭୧ ମିଟର ଥ୍ରୋ

Published By : Prameya-News7 Bureau | September 01, 2023 IST

ନୂଆଦିଲ୍ଲୀ ୩୧/୮: ବିଶ୍ୱ ଚାମ୍ପିଅନସିରେ ସ୍ବର୍ଣ୍ଣ ପଦକ ପରେ ଏବେ ଜୁରିଖ୍‌ ଡାଏମଣ୍ଡ୍‌ ଲିଗ୍‌ରେ ରୌପ୍ୟ ପଦକ । ଭାରତର ଜାଭେଲିନ୍‌ ତାରକା ତଥା ଗୋଲ୍ଡେନ ବଏ ନୀରଜ ଚୋପ୍ରାଙ୍କୁ ସିଲଭର ମେଡାଲ ମିଳିଛି । ସେ ନିଜର ଚତୁର୍ଥ ପ୍ରୟାସରେ ୮୫.୭୧  ମିଟର ଦୂରକୁ ଜାଭେଲିନ ଥ୍ରୋ କରି ଦ୍ୱିତୀୟ ସ୍ଥାନ ଅଧିକାର କରିଛନ୍ତି । ଚେକ୍‌ ଗଣରାଜ୍ୟର ଜାକୁବ  ଭାଲ୍‌ଡେଚ୍‌ ୮୫.୮୬ମିଟର ସହ ସ୍ୱର୍ଣ୍ଣ ପଦକ ଜିତିଥିବାବେଳେ ଜର୍ମାନୀର ଜୁଲିଆନ୍‌ ୱେବର  ୮୫.୦୪ମିଟର ସହ ବ୍ରୋଞ୍ଜ ପଦକ ହାସଲ କରିଛନ୍ତି ।

 ଜୁରିଖ୍‌ ଡାଏମଣ୍ଡ୍‌ ଲିଗ୍‌ରେ ନୀରଜଙ୍କ ପ୍ରଥମ ଥ୍ରୋ ୮୦.୭୯ମିଟର ରହିଥିଲା । ଏହାପରେ ତାଙ୍କର ପରବର୍ତ୍ତୀ ୨ଟି ଯାକ  ଥ୍ରୋ ଫାଉଲ୍‌ ହୋଇଥିଲା । ଫଳରେ ୩ ରାଉଣ୍ଡ ସୁଦ୍ଧା  ସେ ପଞ୍ଚମ ସ୍ଥାନରେ ରହିଥିଲେ । ଚତୁର୍ଥ ପ୍ରୟାସରେ  ନୀରଜ ୮୫.୨୨ମିଟର ଦୂର ଜାଭେଲିନ ଫିଙ୍ଗି ପଦକ ପକ୍କା କରି ଦେଇଥିଲେ । ତେବେ ତାଙ୍କର ଅନ୍ତିମ  ପ୍ରୟାସ ୮୫.୭୧ ମିଟର ରହିଥିଲା ।  ପୁରୁଷ ଲଙ୍ଗଜମ୍ପ ଇଭେଣ୍ଟରେ ଭାରତର ମୂରଲୀ  ଶ୍ରୀଶଙ୍କର ୭.୯୯ମିଟର ଦୂର ଜମ୍ପ ସହ ପଞ୍ଚମ  ସ୍ଥାନରେ ସନ୍ତୁଷ୍ଟ ହୋଇଛନ୍ତି । ସେ ନିଜର ପ୍ରଥମ  ପ୍ରୟାସ ଏହି ଦୂରତା ଛୁଇଁଥିଲେ ।

ସେହିପରି ବିଶ୍ୱ ଚାମ୍ପିଅନ୍‌  ଗ୍ରୀସ୍‌ରେ ମିଲ୍‌ଟିଆଡିସ୍‌ ଟେଣ୍ଟୋଗ୍ଲୋ ୮.୨୦ମିଟର  ଦୂର ଜମ୍ପ କରି ସ୍ୱର୍ଣ୍ଣ ପଦକ ଜିତିଥିବାବେଳେ  ଜାମାଇକାର ତାଜୟ ଗେଲ ୮.୦୭ମିଟର ସହ  ରୌପ୍ୟ ଏବଂ ଆମେରିକାର ଜାରିୟନ ଲସନ୍‌  ୮.୦୫ମିଟର ସହ ବ୍ରୋଞ୍ଜ ପଦକ ଜିତିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.