ନୂଆଦିଲ୍ଲୀ ୦୭।୦୬ ନିଜର ଅଧା ସମ୍ପତ୍ତି ଦାନ କରିବେ ବ୍ରୋକରେଜ୍ ଜୀରୋଧାର କୋ-ଫାଉଣ୍ଡର ନିଖିଲ କାମତ । ‘ଦ ଗିଭିଂ ପ୍ଲେଜ୍’ ଅଭିଯାନରେ ସାମିଲ ହୋଇଥିବା ଭାରତର ସବୁଠାରୁ କମ୍ ବର୍ଷ ବୟସର ବ୍ୟକ୍ତି ହେଉଛନ୍ତି ନିଖିଲ । ଅଜିମ ପ୍ରେମଜୀ, କିରଣ ମଜୁମଦାର-ଶ, ରୋହିଣୀ ଏବଂ ନନ୍ଦନ ନିଳେକଣୀଙ୍କ ପରେ ନିଖିଲ କାମତ ଏଥିରେ ସାମିଲ ହୋଇଥିବା ଚତୁର୍ଥ ଭାରତୀୟ ।

‘ଦ ଗିଭିଂ ପ୍ଲେଜ୍’ ଅଭିଯାନର ସ୍ଥାପନା କରିଥିଲେ ବିଲ୍ ଗେଟ୍ସ ଏବଂ ନିବେଶକ ୱାରେନ୍ ୱଫେ । ଏହା ଏକ ସମାଜସେବା ସଂସ୍ଥା । ଏଥିରେ ସାମିଲ ଲୋକମାନେ ସମାଜର ମଙ୍ଗଳ ପାଇଁ ନିଜ ସମ୍ପତ୍ତିର ଅନେକ ଅଂଶ ଦାନ କରନ୍ତି । ଫୋର୍ବ୍ସ ଅନୁସାରେ ୩୫ ବର୍ଷର ନିଖିଲ କାମତଙ୍କ ସମୁଦାୟ ସମ୍ପତ୍ତି ୧୧୦ ବିଲିୟନ୍ ଡଲାର । ସେ ଜଳବାୟୁ ପରିବର୍ତ୍ତନ, ଶକ୍ତି, ଶିକ୍ଷା ଏବଂ ସ୍ୱାସ୍ଥ୍ୟ ଭଳି କ୍ଷେତ୍ରରେ ଯୋଗଦାନ କରିବାର ଯୋଜନା କରୁଛନ୍ତି ।

ଏହି ଫାଉଣ୍ଡେସନ ଷ୍ଟାର୍ଟଅପ୍ ଇକୋସିଷ୍ଟମର ଲିଡର୍ସଙ୍କ ସହିତ ମିଶି କାମ କରିଥାଏ । ଯାହା ଫଳରେ ସେ ପରୋପକାର ପାଇଁ ନିଜ ସମ୍ପତ୍ତିର ଅତିକମରେ ୨୫ ପ୍ରତିଶତ ଦାନ କରପାରିବେ । ଦ ଗିଭିଂ ପ୍ଲେଜ୍ ଅଭିଯାନରେ ଏପର୍ଯ୍ୟନ୍ତ ୨୯ ଦେଶରେ ୨୪୦ ବ୍ୟକ୍ତିତ୍ୱ ସାମିଲ ହୋଇସାରିଛନ୍ତି । ଆର୍ଥିକ ବର୍ଷ ୨୦୨୧-୨୨ରେ କାମତ ୧୦୦ କୋଟି ଟଙ୍କା ଦାନ କରିଥିଲେ ।

ଏଡଲଗିଭ୍-ହୁରନ ଇଣ୍ଡିଆ ଫିଲୋଥ୍ରପି ଲିଷ୍ଟ ୨୦୨୨ ଅନୁସାରେ ସେ ଭାରତରେ ନବମ ବଡ ଡୋନର ହୋଇଯାଇଛନ୍ତି । ଏହାର କୋ-ଫାଉଣ୍ଡର ନିଖିଲ କାମତ ପ୍ରଫେସନାଲ୍ ଚେସ୍ ପାଇଁ ନିଜ ପାଠପଢା ନବମ ଶ୍ରେଣୀରୁ ଛାଡି ଦେଇଥିଲେ । କାମତ ୨୦୦୨ରେ ଅଣ୍ଡର-୧୬ ଲେବଲ ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟରେ ଭାରତର ପ୍ରତିନିଧିତ୍ୱ ମଧ୍ୟ କରିଥିଲେ । କାମତ ଏକ ଇଣ୍ଟରଭ୍ୟୁ ସମୟରେ କହିଥିଲେ କି ପ୍ରାୟ ୧୭ ବର୍ଷ ବୟସରେ ସେ ଚାକିରୀ କରିବା ଆରମ୍ଭ କରିଦେଇଥିଲେ ଏବଂ ତାଙ୍କ ପ୍ରଥମ ଚାକିରୀ ଏକ କଲ୍ ସେଣ୍ଟରରେ ଥିଲା । ସେଠାରୁ ତାଙ୍କୁ ସାଲାରୀ ମିଳୁଥିଲା ମାତ୍ର ୮ ହଜାର ଟଙ୍କା ।

You Can Read: