ମୁମ୍ବାଇ ୦୬/୧୦: 'ଦଙ୍ଗଲ ଗର୍ଲ' ନାମରେ ଜଣାଶୁଣା ଜାୟରା ୱସିମ ୨୦୧୯ ରେ ବଲିଉଡକୁ ସବୁଦିନ ପାଇଁ ବିଦାୟ ଦେଇଥିଲେ। ଜାୟରା ସୋସିଆଲ ମିଡିଆରୁ ତାଙ୍କର ସମସ୍ତ ଫଟୋ ଡିଲିଟ୍ କରିଦେଇଥିଲେ। ବର୍ତ୍ତମାନ ୨ ବର୍ଷ ପରେ ଜାୟରା ସୋସିଆଲ ମିଡିଆରେ ତାଙ୍କର ପ୍ରଥମ ଫଟୋ ସେୟାର କରିଛନ୍ତି।
wp:html/wp:html
ସୂଚନା ଅନୁଯାୟୀ, ଜାୟରା ଜୁନ୍ ୩୦, ୨୦୧୯ ରେ ସବୁଦିନ ପାଇଁ ବଲିଉଡକୁ ବିଦାୟ ଦେଇଥିଲେ। ଏହା ପରେ, ବର୍ତ୍ତମାନ ଜାୟରା ପ୍ରଥମ ଥର ପାଇଁ ଇନଷ୍ଟାଗ୍ରାମରେ ଫଟୋ ସେୟାର କରିଛନ୍ତି, କିନ୍ତୁ ଏହି ଫଟୋରେ ତାଙ୍କର ଚେହେରା ଦୃଶ୍ୟମାନ ହେଉନାହିଁ। ଜାୟରା ଫଟୋରେ କ୍ୟାପସନ୍ ଦେଇଛନ୍ତି, 'ଦ ୱାର୍ମ ଅକ୍ଟୋବର ସନ୍'। ଏହି ଫଟୋ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି।
ଜୁନ୍ ୩୦, ୨୦୧୯ ରେ ଜାୟରା ତାଙ୍କ ପୋଷ୍ଟରେ ଲେଖିଥିଲେ, 'ପାଞ୍ଚ ବର୍ଷ ପୂର୍ବେ ମୁଁ ଏକ ନିଷ୍ପତ୍ତି ନେଇଥିଲି, ଯାହା ମୋ ଜୀବନକୁ ବଦଳାଇ ଦେଲା। ମୁଁ ବଲିଉଡରେ ପାଦ ଦେବା ମାତ୍ରେ ଏହା ମୋ ପାଇଁ ଲୋକପ୍ରିୟତାର ଦ୍ୱାର ଖୋଲିଲା। ଜନସାଧାରଣଙ୍କ ଦୃଷ୍ଟି ଆକର୍ଷଣ କରିଲା ଏବଂ ମୁଁ ଯୁବକମାନଙ୍କ ପାଇଁ ଏକ ରୋଲ୍ ମଡେଲ ଭାବରେ ମାନ୍ୟତା ପାଇଲି। କିନ୍ତୁ, ଏହା କରିବା କିମ୍ବା ହେବା ବିଷୟରେ ମୁଁ ଭାବି ନଥିଲି। ମୁଁ ଆଜି ୫ ବର୍ଷ ପୂରଣ କରିଛି ଏବଂ ମୁଁ ସ୍ୱୀକାର କରିବାକୁ ଚାହେଁ ଯେ ମୁଁ ଏହି ପରିଚୟ, ଓ ମୋ କାମରେ ପ୍ରକୃତରେ ଖୁସି ନୁହେଁ।
wp:html/wp:html
ପୋଷ୍ଟର ଶେଷରେ, ଜାଇରା ଲେଖିଥିଲେ, 'ଏହି କ୍ଷେତ୍ର ମୋତେ ପ୍ରକୃତରେ ଅନେକ ପ୍ରେମ, ସମର୍ଥନ ଏବଂ ଖ୍ୟାତି ଦେଇଛି, କିନ୍ତୁ ଏହା ମୋତେ ଅଜ୍ଞାନର ପଥରେ ଆଗେଇ ନେବା ପାଇଁ ମଧ୍ୟ କାମ କଲା, କାରଣ ମୁଁ ଚୁପଚାପ ଏବଂ ଅଜାଣତ ଭାବରେ' ଇମାନ'ରୁ ବାହାରି ଆସିଲି। ଯେତେବେଳେ ମୁଁ ଏପରି ପରିବେଶରେ କାର୍ଯ୍ୟ ଜାରି ରଖିଲି ଯାହା ମୋ ବିଶ୍ୱାସରେ କ୍ରମାଗତ ଭାବରେ ବାଧା ସୃଷ୍ଟି କରୁଥିଲା, ମୋର ଧର୍ମ ସହିତ ମୋର ସମ୍ପର୍କ ବିପଦରେ ପଡିଯାଇଥିଲା। '