previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା : ନୀତୀଶ କୁମାରଙ୍କ ଅଷ୍ଟମ ପାଳି, ମୁଖ୍ୟମନ୍ତ୍ରୀ ଭାବେ ନେଲେ ଶପଥ
  • ||
  • ରାଜ୍ୟରେ କମିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୫୩ କୋଭିଡ୍ ପଜିଟିଭ୍
  • ||
  • ବ୍ରହ୍ମପୁର: ଗଞ୍ଜେଇ ଚାଲାଣ ବେଳେ ଧରାପଡିଲା ସୁନା ତସ୍କରୀ, ୨୦ ସୁନା ବିସ୍କୁଟ ଜବତ
  • ||
  • ସୋର : ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍, ୩୦ରୁ ଅଧିକ ଆହତ
  • ||

ଧୋନୀଙ୍କ ଅବସର ପରେ ଯୁବରାଜଙ୍କ ରିଆକ୍ସନ, ଭିଡିଓରେ ଦେଲେ ସୁନ୍ଦର ଭବିଷ୍ୟତର ଶୁଭେଚ୍ଛା, କହିଲେ ଆମ ପାର୍ଟନରସିପ୍ ସବୁବେଳେ ସ୍ମରଣୀୟ

17/08/2020 at 3:14 PM

ନୂଆଦିଲ୍ଲୀ, ୧୭|୦୮: ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଅଗଷ୍ଟ ୧୫ ତାରିଖରେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ । ଏହାପରେ ମାହିଙ୍କ କୋଟି କୋଟି ଫ୍ୟାନ୍ ନିରାଶ ହୋଇଯାଇଛନ୍ତି । ଅନେକ କ୍ରିକେଟର, ରାଜନେତା, ଅଭିନେତା ଆଦି ମାହିଙ୍କ ଉପଲବ୍ଧିକୁ ମନେ ପକାଇଛନ୍ତି । ତେବେ ଧୋନୀଙ୍କ ଅନେକ ଫ୍ୟାନ୍ ସୋସିଆଲ ମିଡିଆରେ ଯୁବରାଜ ସିଂଙ୍କ କୌଣସି ସନ୍ଦେଶ ନଦେଖି ଆଶ୍ଚର୍ଯ୍ୟ ହୋଇଥିଲେ । ଯୁବରାଜ ମାହିଙ୍କ ଅବସରକୁ ନେଇ ପୋଷ୍ଟ୍ କରନ୍ତୁ ବୋଲି ପ୍ରଶଂସକମାନେ ଚାହିଁଥିଲେ ।

ଶେଷରେ ଭାରତୀୟ ଦଳର ପୂର୍ବତନ ଖେଳାଳି ତଥା ଅଲରାଉଣ୍ଡର ଯୁବରାଜ ସିଂ ରବିବାର ରାତିରେ ସୋସିଆଲ ମିଡିଆରେ ଧୋନୀଙ୍କ ଭବିଷ୍ୟତ ପାଇଁ ଶୁଭକାମନା ଜଣାଇଛନ୍ତି । ସେ ମାହିଙ୍କ ସହ ବିତାଇଥିବା କିଛି ଭିଡିଓ ସେୟାର କରିଛନ୍ତି । ୫୮ସେକେଣ୍ଡର ଭିଡିଓରେ ଉଭୟଙ୍କର ଅନେକ ଫଟୋ ଓ ପାର୍ଟନରସିପର ଝଲକ ଦେଖିବାକୁ ମିଳିଛି ।

ଯୁବରାଜ ଟ୍ୱିଟରରେ ଲେଖିଛନ୍ତି ଯେ, ଧୋନୀଙ୍କ ଭବିଷ୍ୟତ ପାଇଁ ଶୁଭେଚ୍ଛା । ଦେଶ ପାଇଁ ୨୦୦୭ ଟି୨୦ ବିଶ୍ୱକପ ଓ ୨୦୧୧ ଦିନିକିଆ ବିଶ୍ୱକପ ଟ୍ରଫି ସମୟରେ ଅନେକ ଆନନ୍ଦ ଉଠାଇଥିଲେ । ଷ୍ଟାଡିୟମରେ ଧୋନୀଙ୍କ ସହ ପାର୍ଟନରସିପ୍ ଅନ୍ୟତମ ।

ଧୋନୀ ଯୁବରାଜ ଦୀର୍ଘ ଦିନ ଧରି ଭାରତୀୟ ମଧ୍ୟକ୍ରମକୁ ଶକ୍ତିଶାଳୀ କରି ରଖିଥିଲେ । ଉଭୟ ଦିନିକିଆରେ ପାର୍ଟନରସିପ୍ କରି ୩୦୦୦ରୁ ଅଧିକ ରନ୍ କରିଛନ୍ତି । ଏହାର ଆଭରେଜ୍ ପ୍ରାୟ ୫୨ ରହିଛି ।

ଯୁବରାଜ ସୁରେଶ ରାଇନାଙ୍କ ଭବିଷ୍ୟତକୁ ନେଇ ମଧ୍ୟ ଶୁଭକାମନା ଜଣାଇଛନ୍ତି । ୩୩ ବର୍ଷୀୟ ରାଇନା ରବିବାର ହିଁ ମାହିଙ୍କ ଅବସର ଘୋଷଣା ପରେ କ୍ରିକେଟରୁ ଅଲବିଦା କହିଦେଇଥିଲେ ।

   Related Posts