ସୁସ୍ଥ ହେଉଥିବା ଋଷଭଙ୍କୁ ଭେଟିବାକୁ ଆସିଲେ ଯୁବରାଜ, ଫଟୋ ସେୟାର କରି କହିଲେ-ଚାମ୍ପିଅନ୍ ପୁଣି ଦୌଡିବ
17/03/2023 at 12:56 PM
ମୁମ୍ୱାଇ ୧୭/୦୩: ଧୀରେ ଧୀରେ ସୁସ୍ଥ ହେଉଛନ୍ତି ଭାରତର ଷ୍ଟାର କ୍ରିକେଟର ଋଷଭ ପନ୍ଥ । ମୈଦାନରେ ଦୌଡିବାକୁ ଦିନରାତି କରୁଛନ୍ତି କସରତ । ଡିସେମ୍ବର ୨୦୨୨ରେ କାର୍ ଦୁର୍ଘଟଣାରେ ଗୁରୁତର ଆହତ ହୋଇଥିଲେ ପନ୍ଥ । ତେବେ ନିଜର ସ୍ପିଡ୍ ରିକଭରି ନେଇ ଲଗାତାର ସୋସିଆଲ ମିଡିଆରେ ସେୟାର କରିଚାଲିଛନ୍ତି କ୍ରିକେଟର ।
ମାର୍ଚ୍ଚ ୧୬ ତାରିଖ ସନ୍ଧ୍ୟାରେ ପୂର୍ବତନ ଭାରତୀୟ ଖେଳାଳି ଯୁବରାଜ ସିଂ ସୋସିଆଲ ମିଡିଆରେ ଏକ ଫଟୋ ପୋଷ୍ଟ ସେୟାର କରିଥିଲେ । ଯେଉଁଥିରେ ସେ ଋଷଭ ପନ୍ତଙ୍କ ସହ ନଜର ଆସିଛନ୍ତି । ଯୁବରାଜ ଲେଖିଛନ୍ତି ଯେ ଏହି ଚାମ୍ପିଅନ୍ ପୁଣିଥରେ ମୈଦାନରେ ଦୌଡିବାକୁ ତୟାର ହେଉଛନ୍ତି । ସେ ଆହୁରି ଲେଖିଛନ୍ତି ଆଜି ତା ତାଙ୍କୁ ଭେଟିବା ପରେ ବହୁତ ଭଲ ଲାଗିଲା । ସେ ଜଣେ ପଜିଟିଭ ତଥା ମଜାଳିଆ ବ୍ୟକ୍ତି । ପନ୍ଥ ଏବେ ସମ୍ପୂର୍ଣ୍ଣ ଫିଟ୍ ।
ବୁଧବାର ପନ୍ଥ ସୋସିଆଲ ମିଡିଆରେ ନିଜର ଏକ ଭିଡିଓ ସେୟାର କରିଥିଲେ । ଯେଉଁଥିରେ ସେ ବାଡି ସାହାଯ୍ୟରେ ସ୍ୱିମିଂ ପୁଲ୍ରେ ଚାଲୁଥିବାର ନଜର ଆସିଥିଲେ । ଏଥି ସହିତ, ପନ୍ତଙ୍କୁ ଭେଟିବା ପରେ ଯୁବରାଜ ସିଂ ଏହି ଚିତ୍ରକୁ ସୋସିଆଲ ମିଡିଆରେ ପୋଷ୍ଟ କରିଥିଲେ । ତାସହ ଲେଖିଥିଲେ ଏକ ଚମତ୍କାର କ୍ୟାପସନ ।
ଗତ ବର୍ଷ ବାଂଲାଦେଶ ବିପକ୍ଷ ସିରିଜ ପରେ ପନ୍ଥ ଭାରତ ଫେରିଥିଲେ । ଯେଉଁଥିରେ ଏକ କାର ଦୁର୍ଘଟଣାରେ ସମ୍ମୁଖୀନ ହୋଇ ଗୁରୁତର ଆହତ ହୋଇଥିଲେ । ପନ୍ତଙ୍କ ଆଣ୍ଠୁ ଅସ୍ତ୍ରୋପଚାର ପରେ ତାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଥିଲା । ସେହି ଦିନଠାରୁ, ସେ ନିଜ ହେଲଥ୍ ବିଷୟରେ କ୍ରମାଗତ ଭାବେ ଅପଡେଟ୍ ସବୁ ସେୟାର କରିଚାଲିଛନ୍ତି ।
