ମୁମ୍ବାଇ ୧୯।୦୯ : ଆଜିର ଦିନରେ ଇତିହାସ ରଚିଥିଲେ ଯୁବରାଜ ସିଂହ । ଇଂଲଣ୍ଡ ବୋଲର ଷ୍ଟ୍ରୁଆର୍ଟ ବର୍ଡଙ୍କ ହଜାଇ ଦେଇଥିଲେ ନିଦ । ଆଉ ବିଶ୍ୱ କ୍ରିକେଟ୍‌ରେ କରିଥିଲେ ନୂଆ କୀର୍ତ୍ତୀମାନ । ମାତ୍ର ୧୨ଟି ବଲ୍‌ରେ ଖେଳିଥିଲେ ବିସ୍ଫୋରକ ପାରି ।

ବର୍ଷ ୨୦୦୭, ଆଇସିସି ପକ୍ଷରୁ ଆୟୋଜନ ହୋଇଥିଲା ଟି-୨୦ ବିଶ୍ୱକପ୍‌ର ପ୍ରଥମ ସଂସ୍କରଣ । ସାଉଥ ଆଫ୍ରିକାରେ ଖେଳାଯାଉଥିଲା ଟି-୨୦ ବିଶ୍ୱକପ୍‌ର ପ୍ରଥମ ସଂସ୍କରଣ । ଲିଗ୍‌ ପର୍ଯ୍ୟାୟରେ ଏକ ମ୍ୟାଚରେ ଇଂଲଣ୍ଡ ସହିତ ଭାରତୀୟ ଟିମ୍‌ର ଥିଲା ମୁକିବାଲ । ଏହି ମ୍ୟାଚ୍‌ରେ ଟିମ୍‌ ଇଣ୍ଡିଆ ପ୍ରଥମେ ବ୍ୟାଟିଂ କରି ୨୧୮ ରନ୍‌ କରିଥିଲା । ଯେଉଁଥିରେ ବିରେନ୍ଦ୍ର ସେହଓ୍ୱାଗଙ୍କ ୬୮ ରନ୍‌, ଗୌତମ ଗମ୍ଭୀରଙ୍କ ୫୮ ରନ୍‌, ଯୁବରାଜ ସିଂହଙ୍କ ୫୮ ରନର ପାରି ଖେଳିଥିଲେ । କିନ୍ତୁ ମ୍ୟାଚ୍‌ରେ ୧୯ ତମ ଓଭରରେ ଦେଖିବାକୁ ମିଳିଥିଲା ରୋମାଞ୍ଚ । ୧୮ ତମ ଓଭର ଶେଷ ପରେ ଆଣ୍ଡ୍ରିୟୁ ଫ୍ଲିଣ୍ଟଫ୍‌ ଓ ଯୁବରାଜ ସିଂହଙ୍କ ମଧ୍ୟରେ କିଛି ବାକ୍‌ ଯୁଦ୍ଧ ହୋଇଥିଲା । ଯାହାର ପ୍ରଭାବ ୧୯ ତମ ଓଭରରେ ଦେଖିବାକୁ ମିଳିଥିଲା ।

🗓️ #OnThisDay in 2007

6⃣6⃣6⃣6⃣6⃣6⃣@YUVSTRONG12 created history after smashing 6⃣ sixes in an over to score the fastest ever T20I Fifty 💥#TeamIndia pic.twitter.com/750RPbSeqB

— BCCI (@BCCI) September 19, 2023

ଇଂଲଣ୍ଡର ସେତେବେଳର ଯୁବ ବୋଲର ଷ୍ଟ୍ରୁଆର୍ଟ ବର୍ଡଙ୍କ ଓଭରରେ ୬ଟି ବଲ୍‌ରେ ମାରିଲେ ୬ଟି ଛକ୍କା । ଯାହାକି ସେତେବେଳେ ଥିଲା ବିଶ୍ୱରେକର୍ଡ । ଏପିରିକି ଟି-୨୦ କ୍ରିକେଟ୍‌ରେ ୬ଟି ବଲ୍‌ରେ ୬ଟି ଛକ୍କା ମାରିବାରେ ଏହା ଥିଲା ପ୍ରଥମ ଘଟଣା । ତାପରେ ବି ଥମିନଥିଲା ଯୁବରାଜ ସିଂହଙ୍କ ବ୍ୟାଟ୍‌ । ମାତ୍ର ୧୨ଟି ବଲ୍‌ରେ ହାସଲ କଲେ ଅର୍ଦ୍ଧଶତକ । ଶେଷରେ ୧୬ଟି ବଲ୍‌ରେ ଖେଳିଥିଲେ ୫୮ ରନ୍‌ର ବିସ୍ଫୋରକ ପାରି । ଆଉ ଏଥିରେ ସାମିଲ ଥିଲା ୭ଟି ଛକ୍କା ଏବଂ ୩ଟି ଚୌକା । ୩୬୨ର ଷ୍ଟ୍ରାଇକ୍‌ ରେଟ୍‌ରେ ଯୁବରାଜ ଏହି ରନ୍‌ ହାସଲ କରିଥିଲେ । ଇତିମଧ୍ୟରେ ଏହି ଘଟଣାକୁ ୧୬ ବର୍ଷ ବିତିଗଲାଣି । ଏବେବି ଯୁବରାଜ ସିଂହଙ୍କ ରେକର୍ଡ କାଏମ ରହିଛି । ଜଣେ ଭାରତୀୟ ଯୁବ ତାରକା ଏପରି କାରନାମ କରିବାରେ ସକ୍ଷମ ହୋଇଥିଲେ।  

ସୂଚନାଯୋଗ୍ୟ ଯେ, ୨୦୦୭ରେ ହୋଇଥିବା ପ୍ରଥମ ଟି-୨୦ ବିଶ୍ୱକପ୍‌ର ଟ୍ରଫି ଜିତିଥିଲା ଟିମ୍‌ ଇଣ୍ଡିଆ । ଫାଇନାଲରେ ପାକିସ୍ତାନକୁ ପରାସ୍ତ କରି ଚମ୍ପିଆନ୍‌ ହୋଇଥିଲା ଯୁବ ଭାରତୀୟ ଟିମ୍‌ । ଧୋନିଙ୍କ ନେତୃତ୍ୱରେ ଟିମ୍‌ ଏହି କାରନାମା କରିଥିଲା ।