ସୋରୋ ୦୩/୧୦: ବିଷ ପିଇ ଜୀବନ ହାରିଲେ ଯୁବକ । ସୋସିଆଲ ମିଡିଆରେ ଆତ୍ମହତ୍ୟା କରିବାର ଲାଇଭ ଭିଡିଓ ଭାଇରାଲ ହେବା ପରେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।

ସୋରୋ ଖଇରା ଥାନା ନହଙ୍ଗ ମାହଳିକ ସାହିରେ ଦେଖିବାକୁ ମିଳିଛି ଏହି ଭଳି ଘଟଣା । ଗାଁର ଗୟାଧର ମହାଳିକଙ୍କ ଏକମାତ୍ର ପୁତ୍ର ପପୁନ ସାତଦିନ ପୂର୍ବରୁ ବିଷପିଇ ଅସୁସ୍ଥ ହୋଇପଡିଥିଲେ । ଚିକିତ୍ସା ପାଇଁ ତାଙ୍କ ଖଇରା ପରେ ଭଦ୍ରକରେ ଭର୍ତ୍ତି କରାଯାଇଥିଲା । ତାଙ୍କ ଅବସ୍ଥା ଗୁରୁତର ହେଵାରୁ କଟକ ମେଡ଼ିକାଲ ନେଇଯାଇଥିଲେ ।

ସାତଦିନ ମୃତ୍ୟୁ ସହିତ ସଂଗ୍ରାମ କରି ଆଜି ତାଙ୍କର ମୃତ୍ୟୁ ଘଟିଛି । ମୃତ ପପୁନ ଵିଷ ପିଉଥିବାର live ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହୋଇଛି । ଆତ୍ମହତ୍ୟାର କାରଣ ଜଣା ପଡିନଥିଲା ବେଳେ ଭଲ ପାଉଥିବା ଝିଅର ପ୍ରତାରଣା ଯୋଗୁଁ ଏପରି ଅଘଟଣ ଘଟିଲା ବୋଲି ସ୍ଥାନୀୟ ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି । ସେପଟେ ଘଟଣା ପରେ ପରିବାରରେ ଶୋକର ଛାୟା ଖେଳିଯାଇଛି ।