ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ବିଚ୍ ରାସ୍ତାରେ କଙ୍ଗାରୁ କୋର୍ଟ ! ଯୁବକଙ୍କ ପ୍ୟାଣ୍ଟ୍ ଖୋଲି କଲେ ଉଠବସ୍

9/12/2020 at 9:20 AM

ଉଦଳା ୯।୧୨: ଉଦଳାରେ କଙ୍ଗାରୁ କୋର୍ଟ । ଜନଗହଳିପୂର୍ଣ୍ଣ ସ୍ଥାନରେ ଶହ ଶହ ଲୋକଙ୍କ ସାମ୍ନାରେ ଯୁବକଙ୍କ ପ୍ୟାଣ୍ଟ ଖୋଲି କାନ ଧରି ଉଠବସ କରାଯାଇଛି । ଯାହାର ଭିଡିଓ ଏବେ ଭାଇରାଲ୍ ହୋଇଛି । 

ଜଣେ ଯୁବକଙ୍କୁ ଅନ୍ୟ ଜଣେ ଯୁବକ ଏବଂ କିଛି ସ୍ଥାନୀୟ ଲୋକେ ବିଚ୍ ରାସ୍ତାରେ ମାଡ ମାରିବା ସହିତ ତାଙ୍କ ପ୍ୟାଣ୍ଟ ଖୋଲା କରାଇଥିଲେ । ଏହା ସହିତ ପ୍ୟାଣ୍ଟ ଖୋଲି ରାସ୍ତା ମଝିରେ କାନଧରି ଉଠବସ୍ କରାଇଛନ୍ତି ସ୍ଥାନୀୟ ଯୁବକ । ଯାହାର ଭିଡିଓ ଏବେ ଭାଇରାଲ୍ ହେବାରେ ଲାଗିଛି । ତେବେ ଭିଡିଓରୁ ଘଟଣାଟି ଉଦଳାର ବୋଲି ଜଣାଯାଇଛି ।

ଉଦଳା-ବାରିପଦା ମୁଖ୍ୟ ରାସ୍ତାର ମଧୁମଗ୍ନା ଲଜ୍ ନିକଟରେ ରାଜ୍ୟ ରାଜପଥରେ ଘଟିଛି ଏଭଳି ଘଟଣା । କେବଳ ପ୍ୟାଣ୍ଟ ଖୋଲି ଉଠବସ୍ କରାଯାଇନାହିଁ ବରଂ ଯୁବକ ଜଣକୁ ନିସ୍ତୁକ ମାଡ ମଧ୍ୟ ପୂର୍ବରୁ ମରାଯାଇଛି । ତେବେ ମୋବାଇଲରେ ଫଟୋ ଦିଆନିଆକୁ ନେଇ ଏପରି ତୁମୁଳକାଣ୍ଡ ହୋଇଥିବା ଜଣାଯାଇଛି । ମାଡ ଖାଇଥିବା ଯୁବକ ଜଣଙ୍କର ଘର ବାଣପୁର ଅଞ୍ଚଳର ହୋଇଥିବା ବେଳେ ସେ ବାଲେଶ୍ବରରେ ରହି କାର୍ଯ୍ୟ କରନ୍ତି ।  ମାଡ ମାରିଥିବା ଏବଂ ରାସ୍ତାରେ ପ୍ୟାଣ୍ଟ ଓହ୍ଲାଇବାକୁ ବାଧ୍ୟ କରୁଥିବା ଯୁବକ ଜଣକ ସ୍ଥାନୀୟ ଅଞ୍ଚଳର ।

ତେବେ ଯୁବକ ଜଣଙ୍କୁ ବିଚ୍ ରାସ୍ତାରେ ପ୍ୟାଣ୍ଟ ଖୋଲା କରାଇ ଉଠବସ୍ କରାଇବା ସହିତ ଜୀବନରେ କବେ ଉଦଳା ନ ଆସିବାକୁ ଧମକ ମଧ୍ୟ ଦିଆଯାଉଛି । ଏହା ସହିତ ଉଠବସ ଭିଡିଓ ସୁଟିଂ କରିବାକୁ ସ୍ଥାନୀୟ ଯୁବକ ଜଣଙ୍କ କହୁଥିବା ବେଳେ ତାହାର ଭିଡିଓ ବାଣପୁର ଗ୍ରୁପରେ ପଠାଇବେ ବୋଲି ମଧ୍ୟ କହୁଛନ୍ତି । ଏପରିକି ଖବର ପାଇ ପୋଲିସ୍ ମଧ୍ୟ ଘଟଣାସ୍ଥଳରେ ପହଞ୍ଚିଥିବା ବେଳେ ଯୁବକ ଜଣଙ୍କ ପୋଲିସ ସାମ୍ନାରେ ମଧ୍ୟ କାନ ଧରିଥିବା ଦେଖିବାକୁ ମିଳୁଛି । 

 

   Related Posts