ବାଙ୍କୀ ୪।୭: ମହାନଦୀକୁ ଡେଇଁ ଯୁବକ ନିଖୋଜ । ଗତକାଲିଠାରୁ ମିଳୁନି ଯୁବକଙ୍କ ପତ୍ତା । ଏଭଳି ଘଟଣା ଘଟିଛି ବାଙ୍କୀ ଜାତମୁଣ୍ଡିଆରେ । ଦମକଳବାହିନୀ ପକ୍ଷରୁ ମହାନଦୀରେ ଖୋଜାଖୋଜି ଜାରି ରହିଛି । ଏପର୍ଯ୍ୟନ୍ତ ଯୁବକଙ୍କ ସନ୍ଧାନ ମିଳିପାରିନାହିଁ ।
{"id":295604,"sizeSlug":"large"}ସୂଚନାଯୋଗ୍ୟ ଯେ, କଟକ ଜିଲ୍ଲା ବାଙ୍କୀ ଜାତମୁଣ୍ଡିଆ ସୁବର୍ଣ୍ଣପୁର ସ୍ଥିତ ପୋଲ ଉପରୁ ମହାନଦୀକୁ ଡେଇଁ ଯୁବକ ଜଣଙ୍କ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ଶୁକ୍ରବାର ବିଳମ୍ବିତ ରାତିରେ ବିବାହ ସଜ ଦେଇ ନିଜ ଘର ସୁଣ୍ଠିପାଳ ଗ୍ରାମକୁ ଫେରୁଥିବା ବେଳେ ଗ୍ରାମକୁ ନଯାଇ ମହନଦୀକୁ ଡେଇଁ ଆତ୍ମହତ୍ୟା କରିଥିବା ପରିବାର ପକ୍ଷରୁ ଅଭିଯୋଗ କରାଯାଇଛି ।
{"id":295605,"sizeSlug":"large"}ଘଟଣା ନେଇ ନିକଟସ୍ଥ ଦମକଳ ବାହିନୀକୁ ଖବର ଦିଆଯାଇଥିଲା । ଖବର ପାଇ ଦମକଳ ବାହିନୀ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
{"id":295606,"sizeSlug":"large"}ଯୁବକ ନାମ ବନମାଳୀ ରାଉତ । ତାଙ୍କ ବୟସ ୨୪ ବର୍ଷ ବୋଲି ପରିବାର ପକ୍ଷରୁ ସୂଚନା ମିଳିଛି । ତେବେ ସେ କାହିଁକି ମହାନଦୀକୁ ଡେଇଁଲେ ତାହା ସ୍ପଷ୍ଟ ଜଣାପଡିନାହିଁ । ପୋଲ ଉପରୁ ତାଙ୍କର ବାଇକ୍ ଓ ଚପଲ ଉଦ୍ଧାର ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନଭିନ କରୁଛି ।