scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପ୍ରେମିକା ଆଭଏଡ଼ କଲା ବୋଲି ତାକୁ ମାରି ଟୁକୁଡା ଟୁକୁଡା କରିଦେଲା ରିଜୱାନ, ଶବକୁ ଭସେଇ ଦେଲା ନଦୀରେ

29/09/2018 at 4:35 PM

ସିନେମାର ପ୍ରେମ କାହାଣୀ ଭଳି ଆରମ୍ଭ ହୋଇଥିବା ସମ୍ପର୍କ ଶେଷରେ ଜଘନ୍ୟ ହତ୍ୟାକାଣ୍ଡରେ ଅନ୍ତ ହୋଇଥିଲା |
ଦିଲ୍ଲୀ ନିଜାମୁଦ୍ଦିନ ଅଂଚଳର ଏକ କଲୋନୀରେ ରହୁଥିଲା ରିଜୱାନ ଖାନ | ଜିଉଁଥିଲା ରକ ଷ୍ଟାର ଭଳି ଜୀବନ | ଭଲ ଗୀତ ଗାଇବା ସହ ରିଜୱାନ ଭଲ ଗୀଟାର ଓ ମାଣ୍ଡୋଲିକ ବଜାଏ | ଭଲ ବଂଶୀ ବି ବଜାଏ | ୟୁଟ୍ୟୁବରେ ତାର ଭିଡିଓ ଏବଂ ମ୍ୟୁଜିକ ବେଶ ଲୋକପ୍ରିୟ ହୋଇଥିଲା |
ଦୁଇ ବର୍ଷ ତଳେ ହଜରତ ନିଜାମୁଦ୍ଦିନଙ୍କ ଉର୍ତ୍ସ ଉତ୍ସବରେ ମ୍ୟୁଜିକ ପରିବେଷଣ କରିଥିଲା | ଏହି ଉତ୍ସବରେ ରିଜୱାନ ପ୍ରତି ଆକୃଷ୍ଟ ହୋଇଥିଲା ତାରି କଲୋନୀର ଯୁବତୀ ସାଇମା | ସାଇମା ନିଜର ଜଣେ ବାନ୍ଧବୀଙ୍କ ଜରିଆରେ ରିଜୱାନର ଟେଲିଫୋନ ନମ୍ବର ସଂଗ୍ରହ କରି ରିଜୱାନକୁ ମେସେଜ ପଠାଇଥିଲେ | ତା’ପରେ ଧୀରେ ଧୀରେ ଦୁହିଁଙ୍କ ମଧ୍ୟରେ ସମ୍ପର୍କ ବଢ଼ିଲା | ରିଜୱାନ ଓ ସାଇମାଙ୍କ ସାକ୍ଷାତ ହେଲା | ନିଜ ଗୀଟାରରେ ସାଇମାଙ୍କ ପାଇଁ ରିଜୱାନ ବହୁ ଗୀତ ମଧ୍ୟ ଗାଇଥିଲା |
ସୂଚନାଯୋଗ୍ୟ ଯେ, ରିଜୱାନର ପିତାଙ୍କ ପରଲୋକ ହୋଇସାରିଥିବ ବେଳେ ମା ଜଣେ ରାଷ୍ଟ୍ରଦୂତଙ୍କ ଘରେ କାମ କରନ୍ତି | ରିଜୱାନର ଗୋଟିଏ ଭାଇ, ସେ ବିପିଓରେ କାମ କରେ |
ରିଜୱାନ ଓ ସାଇମା ଗୋଟିଏ କଲୋନୀରେ ରହୁଥିବାରୁ ସେମାନଙ୍କ ପ୍ରେମ କାହାଣୀ ବିଶେଷ ଚର୍ଚ୍ଚିତ ହୋଇଥିଲା | ରିଜୱାନ ଓ ସାଇମାଙ୍କ ପରିବାର ମଧ୍ୟ ଏ ସମ୍ପର୍କ ବିଷୟରେ ଜାଣିଥିଲେ | ଉଭୟଙ୍କ ବିବାହ ପାଇଁ ଉଭୟ ପରିବାର ସମ୍ମତ ହୋଇଥିଲେ | ସାଇମାଙ୍କ ବୟସ ୧୮ ହୋଇଥିବାରୁ ସେ ପର୍ଯ୍ୟନ୍ତ ଅପେକ୍ଷା କରିବାକୁ ନିଷ୍ପତ୍ତି ହୋଇଥିଲା | ଦୁଇ ପରିବାରର ସହମତି ଥିବାରୁ ଉଭୟଙ୍କ ମିଳାମିଶା ନେଇ କୌଣସି ପ୍ରତିବନ୍ଧକ ନଥିଲା କି କଲୋନୀର ମଧ୍ୟ କେହି ଆଙ୍ଗୁଠି ଉଠାଇନଥିଲେ | ରିଜୱାନ ବେଶ ଫେସବୁକରେ ଥିଲା ଓ ଏହା ସାଇମାକୁ ମଧ୍ୟ ପସନ୍ଦ ଥିଲା | ଇତି ମଧ୍ୟରେ ରିଜୱାନ ଇଣ୍ଡିଆନ ଆଇଡ଼ଲରେ ମଧ୍ୟ ଅଂଶ ଗ୍ରହଣ କରିଥିଲା | କିନ୍ତୁ ଗୋଟିଏ ଦୁଇଟି ରାଉଣ୍ଡରୁ ହିଁ ଶୋ’ ରୁ ବାହାରିଯାଇଥିଲା | ତେବେ ରିଜୱାନ ଇଣ୍ଡିଆନ ଆଇଡ଼ଲରୁ କାଟିବା ପରଠୁ ଧୀରେ ଧୀରେ କୌଣସି କାରଣରୁ ରିଜୱାନ ଏବଂ ସାଇମାଙ୍କ ମଧ୍ୟରେ ମନୋମାଳିନ୍ୟ ଆରମ୍ଭ ହୋଇଥିଲା | ରିଜୱାନଙ୍କୁ ସାଇମା ଅଭଏଡ଼ କରିବା ଆରମ୍ଭ କରିଥିଲା | ଏଥିରେ ରିଜୱାନ ପ୍ରଥମେ ପ୍ରଥମେ ଆଶ୍ଚର୍ଯ୍ୟ ହୋଇଥିଲା | ସାଇମାର ପରିବାର ମଧ୍ୟ ଏଥିରେ ହସ୍ତକ୍ଷେପ କରିଥିଲେ | କିନ୍ତୁ ସାଇମା ରିଜୱାନ ସହ ସମ୍ପର୍କ ଆଉ ଆଗକୁ ବଢାଇବାକୁ ଚାହୁଁନଥିଲା | ସାଇମା ଏମିତି କାହିଁକି କରୁଥିଲା ସେ ସମ୍ପକରେ ସେ କାହାକୁ କିଛି କହୁନଥିଲା | ତେବେ ସାଇମା ଅନ୍ୟ କାହା ସହ ଫୋନରେ କଥାବାର୍ତ୍ତା କରୁଥିବା ଦେଖି ରିଜୱାନ କହୁଥିଲା ଯେ, ଆଉ କାହାସହ ସାଇମାର ଆଫୟାର୍ସ ଚାଲିଛି | ଏହା ପରଠୁ ସାଇମାକୁ ରିଜୱାନ ସର୍ବ ସାଧାରଣରେ ଠାରେ ଦୁଇ ଥର ଭୀଷଣ ଭାବେ ଅପମାନିତ କରିଥିଲା | ତଥାପି ସାଇମା ତା ନିଷ୍ପତ୍ତିରେ ଅଟଳ ରହିଥିଲା |
ଗତ ରବିବାର ଦିନ ରିଜୱାନର ଭାଇ ସମୀର ଏହି ଘଟଣାରେ ହସ୍ତକ୍ଷେପ କରିଥିଲା | ରିଜୱାନ ଓ ସାଇମା ମଧ୍ୟରେ ଥିବା ବିବାଦ ତୁଟାଇବା ପାଇଁ ସେ ଉଭୟଙ୍କୁ ନିଜ ଘରକୁ ଡାକିଥିଲା | ଉଭୟ ସମୀରର ଘରେ ପହଂଚିଥିଲେ | ସେଠାରେ ସମୀରର ଉପସ୍ଥିତିରେ ସାଇମାକୁ ବୁଝାଇବାକୁ ଚେଷ୍ଟା କରିଥିଲା ରିଜୱାନ | କିନ୍ତୁ ସାଇମା ନିଜ ଜିଦରେ ଅଟଳ ରହିଥିଲା | ଏଥିରେ ରାଗିଯାଇ ରିଜୱାନ ହଠାତ ସାଇମାର ବେକକୁ ଏକ କଟୁରୀରେ କାଟି ଦେଇଥିଲା | ସାଇମା ତଳେ ପଡିଯିବା ପରେ ସମୀର ଓ ରିଜୱାନ ମିଶି ସାଇମାକୁ ଟିକ ଟିକ କରି କାଟି ଦେଇଥିଲେ | ତା ପରେ ଏକ ବ୍ୟାଗରେ ସାଇମାର ଟୁକୁଡାକୁ ଭର୍ତ୍ତି କରି ରିଜୱାନ ବାରମୁଳା ବ୍ରିଜ ଉପରୁ ବ୍ୟାଗଟି କୁ ନଦୀ ଭିତରକୁ ଫିଙ୍ଗି ଦେଇଥିଲା |
ସାଇମାର ପରିବାର ଲୋକେ ସାଇମାକୁ ଖୋଜାଖୋଜି କରି ନିରାଶ ହୋଇଥିଲେ | ପୋଲିସ ନିକଟରେ ମିସିଙ୍ଗ ରିପୋର୍ଟ ଦେଇଥିଲେ | ସାଇମା ନିଖୋଜ ହେବା ପରଠୁ ରିଜୱାନ ମଧ୍ୟ ଫେରାର ଥିଲା | ସେଥିପାଇଁ ପୋଲିସ ଭାବୁଥିଲା ବୋଧେ ସାଇମାକୁ ନେଇ ରିଜୱାନ ଫେରାର ହୋଇଯାଇଛି | ତେବେ ଗତକାଲି ରିଜୱାନ ପୋଲିସ ନିକଟରେ ଆତ୍ମସମର୍ପଣ କରିବା ସହ ସମସ୍ତ ଘଟଣା ପୋଲିସକୁ କହିଛି |

   Related Posts