scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କଟକ ପିଠାପୁରରେ ଦିନ ଦ୍ୱିପ୍ରହରରେ ଗୁଳି ମାରି ଯୁବକଙ୍କୁ ହତ୍ୟା

23/09/2018 at 6:13 PM

କଟକ ୨୩/୯ : କଟକ ପିଠାପୁର କୋଠାସାହି ଗଳିରେ ଦିନ ଦ୍ୱିପ୍ରହରରେ ଗୁଳି ମାରି ଯୁବକଙ୍କୁ ହତ୍ୟା କରାଯାଇଛି | ଟଙ୍କା କାରବାର ହତ୍ୟାକାଣ୍ଡର ମୂଳ କାରଣ ବୋଲି ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି | ବାକି ଟଙ୍କା ଦେବା ପାଇଁ ଯୁବକଙ୍କୁ ଡାକି ଗୁଳିକରି ହତ୍ୟା କରାଯାଇଥିବା ପ୍ରାଥମିକ ଅନୁସନ୍ଧାନରୁ ପୋଲିସ୍ ଜାଣିବାକୁ ପାଇଛି | ମୃତ ଦେହ ଯେଉଁ ଘର ନିକଟରେ ପଡିଥିଲେ, ସମ୍ପୃକ୍ତ ଘର ମାଲିକ ଓ ତାଙ୍କ ପରିବାର ଫେରାର ଥିବା ପୋଲିସ ସୂଚନା ଦେଇଛି |

ଦିନ ଦ୍ୱିପ୍ରହରରେ କଟକ ସହରରେ ଫୁଟିଲା ଗୁଳି | ଗୁଳି କରି ଦୁର୍ବୁତ୍ତ ମାନେ ଜଣେ ଯୁବକଙ୍କୁ ହତ୍ୟା କରିଛନ୍ତି | ପୋଲିସ ସୂଚନା ଅନୁସାରେ ଭଗତପୁରର ବ୍ୟବସାୟୀ ଦିଲ୍ଲୀପ ସାହୁ ମାଲଗୋଦାମରେ ବ୍ୟବସାୟ କରନ୍ତି | ତେବେ କିଛି ଲୋକଙ୍କ ଉପରେ ତାଙ୍କର କିଛି ଟଙ୍କା ବାକି ଥିଲା | ସେହି ବାକି ଟଙ୍କା ଦେବା ପାଇଁ ଆଜି ପିଠାପୁର କୋଠାସାହି ଗଳିରେ କିଛି ଯୁବକ ତାଙ୍କୁ ଡାକିଥିଲେ | ତେବେ ଦିଲ୍ଲୀପ ଟଙ୍କା ନେବା ପାଇଁ ପହଞ୍ଚିବା ପରେ ଯୁବକ ମାନଙ୍କ ସହ ତାଙ୍କର ବଚସା ହୋଇଥିଲା | ପରେ ଯୁବକ ମାନେ ଦିଲ୍ଲୀପଙ୍କ ଉପରକୁ ପ୍ରାୟ ପାଞ୍ଚ ରାଉଣ୍ଡ ଗୁଳି ଚଳାଇଥିଲେ | ଗୁଳି ଗୁଡିକ ଦିଲ୍ଲୀପଙ୍କ ଡାହାଣ ପଟ ଛାତିରେ ବାଜିଥିଲା | ଘଟଣାସ୍ଥଳରେ ହିଁ ଦିଲ୍ଲୀପଙ୍କ ମୃତ୍ୟୁ ଘଟିଥିଲା |

ଗୁଳିକାଣ୍ଡ ପରେ ପୁରୀ ଘାଟ ଓ ବାଦାମବାଡି ଥାନା ପୋଲିସ୍ ଘଟଣାସ୍ଥଳରେ ପଗଞ୍ଚି ତଦନ୍ତ ଆରମ୍ଭ କରିଛନ୍ତି | ଡିସିପି ମଧ୍ୟ ଘଟଣାସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରିଛନ୍ତି | ସାଇଣ୍ଟିଫିକ୍ ଟିମ ମଧ୍ୟ ଘଟଣାସ୍ଥଳରେ ପହଞ୍ଚିଛି | ଘଟଣାସ୍ଥଳରୁ ପାଞ୍ଚଟି ଖୋକା ଜବତ କରାଯାଇଛି |

ତେବେ ସହରରେ ଗୋଟିଏ ପଟେ ଗଣେଶ ଭସାଣୀ ଚାଲିଥିବା ବେଳେ, ସ୍ପଷ୍ଟ ଦିବାଲୋକରେ ଏଭଳି ଘଟଣା ପୋଲିସ ବନ୍ଦୋବସ୍ତ ନେଇ ଅନେକ ପ୍ରଶ୍ନ ସୃଷ୍ଟି ହୋଇଛି |

   Related Posts