ଦିଗପହଣ୍ଡି ୧୫|୬: ହାତରେ ବୋମା ଫୁଟି ଯୁବକ ଗୁରୁତର ହୋଇଛନ୍ତି । ସାମାନ୍ୟ ଗଣ୍ଡଗୋଳରୁ ସରପଞ୍ଚକୁ ଆକ୍ରମଣ କରିବାକୁ ଯାଇ ଯୁବକଙ୍କ ହାତରେ ବୋମା ଫୁଟିଗଲା । ଘଟଣା ଘଟିଛି ଦିଗପହଣ୍ଡି ଥାନା ବନ୍ଥାପଲ୍ଲୀ ଅଞ୍ଚଳରେ । ବୋମା ଫୁଟି ଚେରୁ ଗଉଡ ଆହତ ହୋଇଛନ୍ତି ।

ଗତକାଲି ସରପଞ୍ଚ ପ୍ରଶାନ୍ତ କୁମାର ସ୍ୱାଇଁ ଗତକାଲି ରାସ୍ତାରେ ଯାଉଥିବା ବେଳେ କୌଣସି କାରଣରୁ ଚେରୁ ଗଉଡଙ୍କ ସହ ମଦ ପିଇ ଯୁକ୍ତିତର୍କ ହୋଇଥିଲା । ଏଥିରେ ଚେରୁ ଗଉଡ ଉତକ୍ଷୀପ୍ତ ହୋଇ  ସରପଞ୍ଚ ଙ୍କୁ ଆକ୍ରମଣ କରିବା ପାଇଁ ବୋମା ଧରି ଆସିଥିଲା । ହେଲେ ସରପଞ୍ଚ ପ୍ରଶାନ୍ତ ଚେରୁକୁ ଦେଖି ଧାଇଁ ଥିଲେ ।

ଖବର ପାଇ ଗାଁ ଲୋକେ ଡେଙ୍ଗା ବାଡ଼ି ଧରି ଚେରୁକୁ ଗୋଡ଼ାଇ ଥିଲେ । ଚେରୁ ମଦ୍ୟପାନ କରିଥିବାରୁ ଧାଇଁ ଧାଇଁ ଯାଇ ରାସ୍ତା କଡରେ ଥିବା ଏକ ଖାଲରେ ପଡି ଯାଇଥିଲା । ଏହି ସମୟରେ ଚେରୁ ଧରିଥିବା ବୋମା ତା ହାତରେ ଫୁଟି ଯାଇଥିଲା । ଫଳରେ ଚେରୁ ଗୁରୁତର ଆହତ ହୋଇ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି ହୋଇଛି । ଦିଗପହଣ୍ଡି ଥାନା ପୋଲିସ ଘଟଚଣାର ତଦନ୍ତ କରୁଛି ।