କେନ୍ଦୁଝର ୨୫।୧୨: କେନ୍ଦୁଝରରେ ଯୁବକଙ୍କ ଛାତିରେ ଛୁରୀ ଭୁସୀ ଅତି ନୃଶଂସ ଭାବେ ହତ୍ୟା କଲେ ଦୁର୍ବୃତ୍ତ । ମୃତକ ହେଲେ ଝାଡଖଣ୍ଡର ଯଶଓ୍ବନ୍ତ ବାଘେଲ । ଯଶଓ୍ବନ୍ତ ପଦ୍ମପୁର ସ୍ଥିତ ଏକ ଔଷଧ ଦୋକାନରେ ସେଲ୍ସମ୍ୟାନ ଭାବରେ କାମ କରୁଥିଲେ ।
ଶୁକ୍ରବାର ରାତିରେ ଯଶଓ୍ବନ୍ତ ଦୋକାନ ବନ୍ଦ କରିବା ପରେ ମୋଟର ସାଇକେଲରେ ବିନାଯୋଡି ସ୍ଥିତ ଘରକୁ ଯାଉଥିବା ସମୟରେ ତାଙ୍କୁ କେହି ଦୁର୍ବୃତ୍ତ ଛୁରୀରେ ଆକ୍ରମଣ କରିଥିଲା । ଯଶଓ୍ବନ୍ତ ଛାତିରେ ଛୁରୀ ଭୁସୀ ହେବାରୁ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ରାସ୍ତାରେ ପଡି ଯନ୍ତ୍ରଣାରେ ଛଟପଟ ହେଉଥିବା ସମୟରେ ସେହି ରାସ୍ତାରେ ଯାଉଥିବା ଲୋକେ ତାଙ୍କୁ ସେଠାରୁ ଉଦ୍ଧାର କରି ପଦ୍ମପୁର ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ହେବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
