ଶୌଚ ହେବାକୁ ଯାଇଥିବା ବେଳେ ଟାଣିନେଲା କୁମ୍ଭୀର । କେନ୍ଦ୍ରାପଡା ଜିଲ୍ଲା ବତିଘର ପଞ୍ଚାୟତ ବଡତୁବି ଗାଁର ଘଟଣା । ଆଜି ସକାଳୁ ବଡତୁବି ଗାଁର କିଣାରାମ ମଣ୍ଡଳ ସୌଚ ହେବାକୁ ବଡତୁବି ନାଳକୁ ଯାଇଥିଲେ । ଶୌଚ ହେବା ବେଳେ ତାଙ୍କୁ କୁମ୍ଭୀର ଟାଣି ନେଉଥିଲା । କିଣାରାମଙ୍କ ହାତକୁ କୁମ୍ଭୀର ଟାଣି ନେଉଥିଲା । ସେତିକି ବେଳେ ଦୁଇ ଜଣ ମତ୍ସ୍ୟଜୀବୀ କିଣାରାମଙ୍କୁ ଉଦ୍ଧାର କରିଥିଲେ । କିଣାରାମଙ୍କ ହାତରେ ଗଭୀର କ୍ଷତ ହୋଇଛି । ତାଙ୍କୁ ରାମନଗର ମେଡିକାଲରେ ଭର୍ତ୍ତି କରାଯାଇଥିଲା । ବର୍ତ୍ତମାନ ସେ ସୁସ୍ଥ ଥିବା ଜଣାପଡିଛି ।