ଯାଜପୁର ୨୦।୧୧: ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜଣଙ୍କ କ୍ରିକେଟ୍‌ପ୍ରେମୀ ହୋଇଥିବା ବେଳେ ଭାରତ ବିଶ୍ବକପ୍ ହାରିଲା ପରେ ଜୀବନ ହାରିଥାଇପାରନ୍ତି ବୋଲି କୁହାଯାଉଛି । ଯାଜପୁର ଜିଲ୍ଲା ବିଞ୍ଝାରପୁର ଥାନା ଅନ୍ତର୍ଗତ ଜରୀ ପଞ୍ଚାୟତ କୁଳ ସାହିର ବୋଲି ଜଣାପଡିଛି ।

ସୂଚନାଯୋଗ୍ୟ ଯେ, ଯାଜପୁର ଜିଲ୍ଲା ବିଞ୍ଝାରପୁର ଥାନା ଅନ୍ତର୍ଗତ ଜରୀ ପଞ୍ଚାୟତ କୁଳ ସାହିର ନୀଳମଣି ଦାସଙ୍କ ସାନ ପୁଅ ଦେବରଞ୍ଜନ ଦାସଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ସୋମବାର ସକାଳୁ ପରିବାରଲୋକ ପଡୋଶୀ ଛାତରେ ଥିବା ଏକ ରଡ୍‌ରେ ଝୁଲନ୍ତା ଅବସ୍ଥାରେ ତାଙ୍କ ମୃତଦେହ ଦେଖିଥିଲେ । ଘରଲୋକ ସ୍ଥାନୀୟ ବିଟ୍ ହାଉସକୁ ଖବର ଦେଇଥିଲେ । ଖବର ପାଇ ବରୀ ବିଟ୍‌ ହାଉସର ଅଧିକାରୀ ପହଞ୍ଚି ଅଧିକ ତଦନ୍ତ ପାଇଁ ଶବ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ଯାଜପୁର ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି ।

You Can Read :