ଅନୁଗୁଳ ୮|୬: ଅନୁଗୁଳ କଣିହାଁ ଥାନାରେ ଜଣେ ପୋଲିସ ଅଧିକାରୀଙ୍କ ମାଡ଼ରେ ଜଣେ ବ୍ୟକ୍ତିଙ୍କର ମୃତ୍ୟୁ ଅଭିଯୋଗ ହୋଇଛି । ମୃତକ ହେଲେ ବଡ଼ ଗୁଣ୍ଡୁରୀ ଗାଁର ଦୀପକ ବାରିକ। ସ୍ବାମୀ-ସ୍ତ୍ରୀ ମଧ୍ୟରେ ଝଗଡା ନେଇ ଉଭୟ ସ୍ବାମୀ-ସ୍ତ୍ରୀ କଣିହାଁ ଥାନାକୁ ଯାଇଥିଲେ।
ସେଠାରେ ମଧ୍ୟ ସେମାନଙ୍କ ମଧ୍ୟରେ ଝଗଡ଼ା ହୋଇଥିଲା। ପରେ ପୋଲିସ ଦୀପକକୁ ମାଡ଼ ମାରିଥିଲା ବୋଲି ଅଭିଯୋଗ ହୋଇଛି। ମାଡ଼ ମାରିବା ପରେ ତାଙ୍କୁ ଆହତ ଅବସ୍ଥାରେ ପ୍ରଥମେ କଣିହାଁ ଓ ପରେ ଅନୁଗୁଳ ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କର ମୃତ୍ୟୁ ହୋଇଛି।
ଦୀପକଙ୍କ ମୃତଦେହ ଅନଗୁଳ ପୋଷ୍ଟମର୍ଟମ୍ ରୁମ୍ ବାହାରେ ରଖାଯାଇଛି । ଏହାକୁ ନେଇ ଅସନ୍ତୋଷ ବଢ଼ିବାରେ ଲାଗିଛି । ଘର ଲୋକ ନ୍ୟାୟ ମାଗୁଥିବା ବେଳେ ପୋଲିସ ଏ ସମ୍ପର୍କରେ କିଛି ପ୍ରତିକ୍ରିୟା ଏ ପର୍ଯ୍ୟନ୍ତ ରଖିନାହିଁ।